Xuuma Mikkiyaasi 2:6 - Mataafa Qulqulloota

⁶ Xuumampayaasso i'ana' kiini, “Wa ino qappada in caan umma jeera asse paho ino qara in kayooy, pora ino qara xuuma in haasawadan.”

Xuuma Mikkiyaasi 2:6 ပူးပေါင်းရင်းမြစ်များ

Mataafa Masmuureta 74:9

Milikkita an akkininno in co umma xuumampayta in co. Umma sede haka aytamiti akkima asse koddito nama inoppa upo in co.

Xuuma Issayyaasi 29:10

Waaqa mukitta kutta ishin qara kate; ka xuumampayasene ildaassin kodde qara ilda pashshe; ka keleshaatampayasene mattaayshin kodde qara matta lulshe.

Xuuma Issayyaasi 30:10

A keleshaata akkinaati'i kiini, ‘Ino paata in tooyan’ Ka xuumampaya' kiiniwwi, ‘Wa a dukaata kodde ino'en haasawadan ma wa a ino xasaysha ka ino peepa'ew ino' torra.’

Xuuma Hisqeeli 20:46

“Atti to'ampayta namatiiyyi, qinda tupatta opa fulaayti tiitayshe ka tupatta isho piitase tupatta a mura qapto qara'e, xuumaayti haasawado.

Xuuma Hisqeeli 21:2

“Atti to'ampayta namatiiyyi, Yursaalami qaropa fuulaayti tiitayshe ka porrasene a samayta oppa' sakatanna isho piita Isira'eeli qara' xuuma haasawado!

Xuuma Hisqeeli 3:26

Ishootta' qoota samayte falqoolayta kodden malla akka ishootta fuka a ettaninnini'i anti dankaayti kara'en arrapaayti jaqqalsha; akka dakkayta a haasa in sahanin koddita.

Xuuma Amoosi 2:12

Ma xoori ishina “Orra dawra” Karopa taadeta wayneeta ikinnittan ka xuumampaya nefo xuuma haasawatta dawrinittan.

Xuuma Amoosi 7:13

Diisheey Peteli' qoota pora oppa' nuqusa' sakatanno isho tika a qulqulloota a samayta' koddite malla, areeyye xuuma in haasawadan.”

Xuuma Amoosi 7:16

Amma nefo wa Waaqa kiina' dakkayssado! ‘Ha atti i'ana dawrini ka kiini, Orra Isira'eeli' qara' xuuma an haasawadan; umma sanynyeeta Hisaaqi'i, qaaleta Waaqa in torraan.’

Xuuma Mikkiyaasi 3:6

Semmalla, arepa desa halkeetta oppa keleshaata in akkinini'i de'a, nessiyyo in dakayan ikka tura' tukkantaawta umma keleshaata in akkan ka xuuma in haasawadan.”

Xuuma Mikkiyaasi 6:16

Wa malla sede piisa ishin qara' kayta' qoota aata ka saanta a nuqussasene Omiri isho a Aki'aapi kidamma' teyyatten ka ishin kallaannittan ka kollumaasso kamma anten mallan ishin pira ka orra paleese' kara kalo, orra piisa tura' jeersha ka akka pakka samaytiyyo otammo oppa otamtane' koda.”

Kodampaya 4:17

Ma xoori akka kollissoose samaytoppa' paldaattaan in anninini'i, arepa desa akka maxxa Yesuusi haleetan nama takka nefo in haasawannini'i, tura desa ishootta' lella.”

Kodampaya 5:28

“Akka' maxxa Yesuusi a' xa'innin ka orra a kollinnini'i, fayya'en ishin ajajne, ishina' xoori tin kollissaayshinanne Yursaalami immakten ka akkan toota namooseti minan kaassatammo' faanittan.”

Kodampaya 5:40

Ishootta ka dehaamase a Kemaaliyaali teyyaden. Ka erkamampayasene isi kapopa halen ka karafsiisen ka akka maxxa Yesuusi haleetan in haasawannini'i, ajajen ka furen.

Kodampaya 7:51

Ishina kamtollayaayye, ishina a karittaayshin dundune, nappaassin ka dakkaawene, ishina akka aappadaassina mina'ew awta piisa Hapura Qulqulloota' toorrittan!