Xuuma Mikkiyaasi 2:4 - Mataafa Qulqulloota

⁴ Kuyyaasetiiyyi orra ishina kojeessa ka qoosan saara pooyta' saarsha ka kida, “Ha ino piisantin panne Waaqa ka paatinno piisa pashshe orrase ino pooje ka kodeetinno pootade.”

Xuuma Mikkiyaasi 2:4 ပူးပေါင်းရင်းမြစ်များ

Mataafa Saamu'eeli a lammatta 1:17

Taawwiti ka pooye ka saarosen a pooyta Saa'ooli isho innaadi Yoonataani saarshe.

Mataafa Otoowwa a lammatta 35:25

Xuumampaytase Ermiyaasi ka saara pooyta ishi sookshe; diira isho iskatta isha pooyno ka haka awweti'i saarrosenetin matte isha oorsanni; saarosen ka Isira'eeli kara kollatamen ka mataafa saara pooyta kara taafamen.

Mataafa Iyyoopi 27:1

Iyyoopi' haasaadi kammaw caade ka kide,

Xuuma Issayyaasi 14:4

nuqusa Paapilooni qara' seesta ka kiita, “Ata miiddampaytase atta jaw kide? Kapparsiisaadi ka atta qa'ade?

Xuuma Issayyaasi 24:3

Piita takka'e saramta ka lulle hasta; Waaqa sede haasawadeey.

Xuuma Issayyaasi 6:11

Anti ka ishi' kideewwe, “Oo Poqallaay, sede haka aytamiti'i asse koddita?” Isha ka oorshe ka ana' kide, “Haka katamadda qitqinnaan nama a kara kallaanno ka dapanno'e, tikka ka onnaan, dulla ka miissaan nyapallaan kara'e;

Xuuma Ermiyaasi 14:18

Oton lakoppandesan anniiyyi, tin a orannaan piramma'en akkini; oton katamaappopan aanaayyeew, tin a doxan seehen akkini, xuumampaya isho qeesewwa piisa, awa koonaane in upnin maliiyyi piita karandesa asseew pora rarraataawan.”

Xuuma Ermiyaasi 4:13

Tin eeyye nyaapa a oraarta mina qa'e ka eyye deeni; saarra xelaadi a oranna a puppeeta mina'e puppini; fartaddaadi ka a kawwaarayta qaran qapto xaani; in pirammeey, oo ino kido!”

Xuuma Ermiyaasi 6:12

Waaqa ikiini, “Oton a piisse oppa kala qattaanooyye, dullaasso ka tikkaasso isho iskattaaysho a la'ayyo'e koddan.

Xuuma Ermiyaasi 8:10

Semmalla iskattaaysho diirra pilaatin daasha ka dullaasso orra pilaati' daasha; a shakka ka a kutta piisa tookta juppoota kammaaw pora keerri; qeesewwa isho xuumampaya kuli ka daradaaw kooni.

Xuuma Ermiyaasi 9:10

akka nama oppanne in tarpinini'i, nessa horeeta ka oppa in dakaannini'i, apittanne kupadeneey, irrowwa isho lakka a deetta malla ana pooyta xaasho ka nyarraho; xampira isho pinaana koommayta piisa oppa alle qaheey.

Xuuma Ermiyaasi 9:16

Mankistewwa aappadaasso taaki a ishootta in upnini oppan desan ishootta fida; ka hakan ishootta pirrooti koraatetan kamma daana.”

Xuuma Hisqeeli 16:44

Tin nama a pahanaan haasawanno piisa pahanoosene ke kapa' haasawada ka kida, “Enenta aayyaasso'e pahata.

Xuuma Hisqeeli 2:10

Ikka ana tura'e mataafoose ollopa marrammo olkela pane, opan ka fuule desa ka tultanne qaalewwa a nyarrahata ka a pooyta isho a oo ino kido! kara' taafen.

Xuuma Iyyu'eeli 1:13

Qoota kalisoota unta taaki a taadeta wayneeta a tika Waaqa opa dehassan in kinnin malla, ishin qeesewwaayye pora pooya, ishina orxaya' koda a Waaqa' koona'ew, mehadda dapteeta' kalsada ka halkeetti pooyni rafa, ishina porase' qara kalisoota dehannaan qara koda koona'ew, asseew pora pooya.

Xuuma Iyyu'eeli 1:8

Semmalla ishina, akkima enenta qapatamte qara nama a hemitta isheetta qapade to'e mina piisani mehadda dapteeta' kalsada ka pooya.

Xuuma Amoosi 5:1

Samayta Isira'eelitiiyyi, saara a pooyta an ishina' saarsha dakkayssada!

Xuuma Amoosi 5:17

Waaqa ikiini “Pora oppa dulla a wayneeta caan pisa oppaayye pooyta xa'a; sede piisa wa malla asse koddita, qootan anti' de'o ka ishin qara' farato malla.

Xuuma Mikkiyaasi 1:15

Samayta Merisaatiiyyi, nyaapan ishin oppopa erka, saarrasene a Isira'eeli ulfeessame ka rahana a piita' tuulame kara deddekadan.

Xuuma Mikkiyaasi 1:8

Sekkammaayye Mikkiyaasi ka kide, “Qootose' mallan pooya ka kida, ‘Oo ana qayte!’ Ka nyarrahatiyyo akkissa'e, mehadda a kalsannaane isho xopa mali qulle qumqume pora aana ka a kutta' mina pora aluula ka a punsukkayta' mina pora iyya ka nessiyyo a pooyta' dakaytisha.

Xuuma Mikkiyaasi 2:10

Porose are co qoota juppootaayshinan nyale malla, akka a' pirammini'i, piisse oppa xa'a ka alle aana.

Xuuma Inpaqoomi 2:6

Orra poojame nefo, harmo'e poojampayaasso' kela quujanni ka kiini, “Ha ishina' teyantose a ollopa pootatten xaayshinan, kodatteeta orra kuuraayshin qapooti'i karpaan sarten ka ishin teyantootteneey, oo ishin kido! Ata ishina haka aytamiti'i asse kootan?”

Xuuma Sofooniyaasi 1:2

Waaqa ikiini, “Anti we' piisan piita qaraayye alle' pashsha.

Mataafa Dikoota 23:18

Pala'aami ka haasawatta paayyeew ka kide, “Palaaqi xa'e ka dakaye, atti inna Sipoori anopa dakkaysado!”

Mataafa Dikoota 23:7

Pala'ami ka haasawatta paayye ka kide, “Palaaqi Sooriyaayye ana qeede; nuqusa Mo'api ka irrowwa piirtota qateeti ana hale. Ka ana kide, “Xooye ka Yayqoopi ana' ipe; ka Isira'eeli ana' jiije.”

Mataafa Dikoota 24:15

Ka asse kide ka haasasene haasawatta paayye. “Haasasene a Pala'ami a inna Pe'ori isase a ilda ishi panamen haasawanna;

Mataafa Dikoota 24:3

ikka haasa haasawatta paayye ka kide, “Haasasene a Pala'ami a inna Pe'ori, isase a ilda ishi panamen haasawanna sene.

Mariqoosi 12:12

Saarra Yihutaata akka Yesuusi pahanoosen ishootta kapa haasawade upnaaden ka semmalla Yesuusi qapeeta heennaaden. Ma xoori orra fuuren ka isha diishen ka kapa tawen.

Mataafa oppa' Ooreta 28:29

Ka kuyyaata kutta oppa akka nama ilda qara paten mina'e, paata qaqqapattaan anta; umma wa kodannitta ke olkela in teyan; akka awta piisa miiddama ka sarama tupa tawta; umma nama a ke qara dawro in caado.