Xuuma Mikkiyaasi 2:3 - Mataafa Qulqulloota

³ Semmalla Waaqa i'ishina' kiini, “Ha anti alle'en ishin pashsha umma pakkanna kela a' pahatan, sitiiyyi qoota rakkoota dikke koopto malla, isi peepaan a' kallaattan.

Xuuma Mikkiyaasi 2:3 ပူးပေါင်းရင်းမြစ်များ

Xuuma Issayyaasi 29:20

Nyiraamaya ipatan; seesampaya ka dapadan; a neequmta koda piisade ka piraman.

Xuuma Issayyaasi 3:16

Semaliiyyiiw Waaqa ikiini, “Tuparra Yursaalami isi jeejjeeta koopshen ka xolma dedderanni ka pora anni ka ildaasso orra' diipni ka antaasso purinni ka sankurraasso kekkeehinni.

Xuuma Issayyaasi 5:19

Ka akiina'e, “Waaqa a jarjaro ka irra qara kodaadi dikkisho anka ildaannon akkino; wa qulqullita Isira'eeli koda dikade a jarjaren ka dikkaden anka upnaanno,” Oo ishootta kido!

Xuuma Ermiyaasi 18:11

Semmalla samayta a Yursaalami isho a katamadda a Yihuta a ata hase kara kalo kide, “Waaqa asse kiini, ‘Tin anti, neequmtan ishin qara' qeeda harminni; ka pateetta ishin qara dikanniiy, piisaniiyyi saantaayshin a neeqa qara oora ka saantaayshin ka kodaayshin qajeelsha.’”

Xuuma Ermiyaasi 27:12

Anka Seteqiyaasi nuqusa Yihutaati asseew haasawade ka ishi kide, “Qampara nuqusa Paapilooni kelopaxata mattaayshin qapada ka isha isho samaytaadi' piddama iccaattaneey.

Xuuma Ermiyaasi 34:17

Semmalla Waaqa asse kiini, ‘Ishina takka takkaayye a ana'e ajajamme, ka hellaasene xaayshin isho kaffasene xaayshin akka nataan diissane'e a salisanne; semmalla Waaqa ikiini, ‘Tin anti, ana oranna ka paaqa orra pirro isho loota a ishin piramtan ishin qara' salisha; anka mankistewwa a piita tura'e, qora a qara tammaqnaaneeti ishin koda.

Xuuma Ermiyaasi 36:23

Oto Yihuti mataafose ollopa marrammo karaayye jirfa irranxata co sessa taaki afuri nappapooyye, nuqusa alle'e seentetan murri ka apittase opayno oppopa kanni; ka asse kodaan mataafase ollopa marrammo piisa apittase opayno oppa' kupe;

Xuuma Ermiyaasi 43:2

Asariyaasi inna Hoshayya, ka Yohanaani inna Qaareha isho isi peepampayasene a orra piisa i'Ermiyaasi kidene, “Darta' haasawanni! Waaqa Poqallaanno ken erkine ka in kiine, ‘Ishootta kide, ‘Eeyye kallaatta'e, piita Kipsi opa in aanan!’’

Xuuma Ermiyaasi 8:3

Waaqa poqallase we piisa ettaninno ikiini, “Samayse asse neeqa kela a peela hase poran oppopa ishootta daanno piis oppaayye caatta kapa toota fadan.”

Pooyta Ermiyaasi 1:14

Ha isha juppowwaayyo piisa ollopa qeede ka harkaadin ollopa pora takka' soohe, ikka qampara koddite ka xolmaappa ana xaayamte. Waaqa ka ana kaftishe ka harka orra an ettaninni an kinnin turopa ana tuukke ka ana daashe.

Pooyta Ermiyaasi 2:17

Ha Waaqa, wa koda dikade idikkishe; qaaletase' xaadi a xatta haasawade idikkishe. Ha a ke in suraysannin mali alle ke' pashshe; ka akka paarakaalaatti rakkootaaytin xasoodane' kode; ka hupna a paarkaalaatti kokkonayshe.

Pooyta Ermiyaasi 5:5

A ino kamma daanna, loqqaappa ino kamma hirri; anka kakkafanne ka nessuma dapne.

Xuuma Taani'eeli 4:37

Amma anti Naapukedenasoori, nuqusa moontati'in kalata ka ulfeena isho saara dehanni. Ha isha wa koona' piisa dukaata ka we' piisa oppaayye hanqeetaaw kooni; ka orra isi peepno xata shakkissa ettaninni.”

Xuuma Amoosi 2:14

Sitiiyyi keerampayta keeritta malaala; hupnampayta ka nukkullaada; torpampayaaw. issin paha in ettanshan.

Xuuma Amoosi 3:1

Ishina a Waaqa piita Kipsi kara ishin sookshe hellaa Isira'eelitiiyyi piisantiiyyi, wa Waaqa ishina qara' haasawanna dakkaysada.

Xuuma Amoosi 3:2

I'ishina' kiini, “Ha waan malla juppoota a koonittan piisa kapa' ishin qatta'a, qootan anti orra piita qara kalo pisa oppa ishin patta reexade malla.

Xuuma Amoosi 5:13

Semmalla xeltoose qoota neeqi malla, nama matte oorsatta qapo di'i kida.

Xuuma Mikkiyaasi 2:1

Orra neequmta koda dikanno ka oto mukaneeyye neequmse oppaaw dikanno, oo ishootta kido! Wa koda dikadene' piisa ikodan ka oto paritooyye, wa dikadene' koda qara nakayshan.

Roomi 16:4

Ishootta paakkiyyo oppa' toota kuli'i harmisaden, seminan anka awta piisa ishootta kalataysanni; umma ana pattan ma, tikka a kiristaana a orra Yihutaata in koddinin oppa amaneeti kuli ishootta kalataysanni.

Efesooni 5:16

Sapanoose' qoota neeqi malla, aroota a akkannittan piisa kara'e wa paxaara' koda.

Mataafa oppa' Ooreta 28:48

doxa ka deepota ka lulle anta isho we piisan teekan nyaapa a Yaahiwwe ke qaropa erko ikka ke torpo kela koda koota; ka haka ke patinno'e qampara miiddota a silpa mina kokkoka ke qara qaasa.

Yayqoopi 2:13

Firteeta Waaqa nama nama diissata kooni in kinnini, diissata kooni in kitto. a kodditoma diissata firteeta punni.