Xuuma Mikkiyaasi 2:2 - Mataafa Qulqulloota

² Dula a faanan nama qara iteyyanni, tika a xajeelen kuli asseew nama qara irreetan quu'anni, umma namumayteeta nama' tooytaanni in caan ka wa qapa' piisa tura saranni.

Xuuma Mikkiyaasi 2:2 ပူးပေါင်းရင်းမြစ်များ

Mataafa a Nuqussa a paayyota 21:1

Sitiiyyi Iyyisira'elittase Naapute katama Iyyisira'eli karaayye dula wayneeta qapa. Dulase nefo tikase a mankisteeta a Aki'api, nuqusase a Isira'eeli Samaariya kara kutiino kapa ca.

Mataafa a Nuqussa a lammatta 9:26

Waaqa ikiini, ‘Diika Naapute isho a hellaadi xala in akke; ka duloose oppa'ew ke qara haalota pooyya.’ Semmalla akka Waaqa haasawade mina'e, pukkaadi qeede ka duloose oppopa kate.”

Mataafa Iyyoopi 31:38

Oton duliyyo ana mineela ullupniiyyi xeeranaadi ka ilmaama pooyniiyyi,

Mataafa Sooketa 20:17

“tika nama pilaati takka nefo in xajeelan, umma iskatteeta taaki orxayta taaki orxayteeta taaki okkaya taaki harrewwa taaki wa a namooseti kodde takkan nefo in xajeelan.”

Xuuma Issayyaasi 3:14

Waaqa saarra isho qimaya a samaytaadi' mina'e tamaakkada ka kida, “A porase' xayyo a dishma wayneeta nyapalshe ishina; wa teekolaya qara sartene ka tikkaassin kara caan.”

Xuuma Issayyaasi 5:8

Haka orra pilaati' pora dapanno'e; orra a ishina patta piita qara' kallaattane ishina' pahanaatte, akka tika quda' tika ka dula quda' dula padaawannittan oo ishin kido!

Xuuma Ermiyaasi 22:17

Iltaayti ka karittaayti xoori, sassapaan tookta akatta, ka nama a dapa in koonin ikassa ka miiddota isho karpa kodeeta qaropa tiitaawen.”

Xuuma Hisqeeli 18:12

ka teekolaya isho rakkatampaya miiniiyyi ka pora orra sarriiyyi ka wa a nama isha' qapsiisade oorinni in kinniniiyi ka killowwa' sakatanniiyyi ka wa nyale pora kooniiyyi,

Xuuma Hisqeeli 22:12

Ke karaayye orra deemo nama ikassa'e nooddota teyyanni; atti ka daltan kaajaatti leqeessini ka kantittaayti kela tookta dammi. Ana Waaqase' piisa qara qapo asse kiini.

Xuuma Hisqeeli 22:13

Semmalla tooktase a' tabaan teyyatte ka orra a ke kara' leysame malla, tin anti ke kamman harka ollin koha.

Xuuma Hisqeeli 33:26

Nama i'ikannittan ka wa jippame' koonittan ka ishin takka takkaayye iskatteeta a nama pila nyalinnittan ka kuli atta piitoose' lehattan?’

Xuuma Hisqeeli 45:9

Waaqase' piisa qara qapo ikiini, “Ishina' saarra kukutta a Isira'eelitiiyyi, ha ikoddite! Karpa kodeeta ka miiddota alle' diisha! Ka dukaata ka hanqeeta koda; piitaaysho oppaayye alle samaytiyyo in daanan; sede ana Waaqase' piisa qara qapo asse haasawade.

Xuuma Hisqeeli 46:18

Saarase kutta a koda qara co, samayta qara irreetan piita qeeda isha parpaaccisni in kitto; piitaadi a qapo qudaayye a hellaadi lehanda' daasho; samaytiyyo oppa nama takka nefo ka piitaadi a qapo qara in daanammin.”

Xuuma Hisqeeli 8:17

Ka sekkammaayye ana' kideewwe, “Atti to'ampayta namatiiyyi, sede i'akkite? Samayta Yihuta nyala poroose oppa' koona wa shakka'e? Ma a sede qaran qapto'e karpaanne piita immaken ka qara'ew ana miirayshen. Tin ishootta qinda ishootta ettannitto piisanne ana onni.

Xuuma Amoosi 2:7

Ka nukkulaya isho orra nama ishootta qara sapay kido in qapnini piita' kanni ka xolmaappa diddiinni; umma naalaya dukaata murri in caan. Qoota aappa ka innaanne iskatteeta takka olli almalummaan malla, kodoose' xaayshotin maxxase' xayyo qulqullaawe ka jeerri.

Xuuma Amoosi 4:1

Ishina iskatta Samarya' kodde ka okkaya a meere a piita Paasaani' mina kakappadeetiiyyi! Ha rakkatampaya' miiddinittan ka teekolaya juurtinittan ka diirraassin akka kuyyaata piisa ikkayta orra maashshanno ishina' daashane ishootta payyahinnittan.

Xuuma Amoosi 8:4

Ishina a rakkatampaya iskelopa diinna ka teekolaya piita qara alle' pira faana' piisantiiyyi, dakkaysada!

Xuuma Mikkiyaasi 3:9

Ishina dukaata tura miinta quu'ina ka haasa fayya alle' quqquu'ina, mukissampaya hellaa Yayqoopi ka saarra samayta Isira'eelitiiyyi, are dakkaysada!

Xuuma Mikkiyaasi 6:12

Teyantoolayaassin karpampaya, orra katamaassina'ew darta pora haasawanni, afaasso oppa nefo sassapaaw kala.

Xuuma Milkiyaasi 3:5

Waaqase we piisa ettaninno ikiini “Anti firteeta'en ishin oppopa de'a ka tipampaya ka dahalmaya ka orra dartan xaxanno ka orra muushshaara a yaala nama dawrino ka orra hiyyettewwa ka he'aya isho kalayta miiddino ka ana tura furri in kinnin qara jarjartan farata.”

Maatiyoosi 23:13

Pappahanassampayaay, Feresaateeyye isho kollissampaya a seeratiiyyi, oo ishin kido! Ishina akkima nama mankisteeta moonta oppopa in kallini'i, orra tura xarra dufnittan, umma ishina mattaayshina mankisteetase a moonta oppopa a kalli a kittan ka orra kulla heeno nefo dawrinittan.

Timotoosi a paayyota 6:10

Sede nefo qoota kaaja jaalatta, paada neequmta piisa' kodde malla; orra demo a kuttati kaaja fade ka saanta amanteeta' qara maqqe ka nyarrahata lekayteetan isi miidde.