Xuuma Mikkiyaasi 2:13 - Mataafa Qulqulloota

¹³ Waaqa samaytaadi tura xarra pana, ishootta ka saantose oppan diitmadan, isha ka mattaadi nuqusaaysho kodda ka tura' qata ka ishoottan aana.

Xuuma Mikkiyaasi 2:13 ပူးပေါင်းရင်းမြစ်များ

Mataafa Sooketa 14:19

Erkampattootase a Waaqa xela Isira'eeleta tura annitto ka tiitaawte ka ishootta kammopa oorte; tuudase a oraarta ishootta tura anno ka tiitaaweew ka ishootta kamma qatte.

Xuuma Issayyaasi 42:7

atti orra a qara ilda patene'e ilda panta, ka a piita kela tukkantoppa' hidene hidaappa furta ka a poojame' poojama kela sookissa ka a tukkanta kara' hidame tika hida kara sookissa.

Xuuma Issayyaasi 51:12

A ishina' xasa oorinno anaay, atti ke a to'ampayta nama' fuurro, ka inna a nama a aykitta' mina ruqna tura tammaqno, atti a ayno?

Xuuma Issayyaasi 52:12

Umma jarjartanne a' sooktan, umma a' qahatan, Waaqa ishin tura'e qatta, Waaqa Isira'eeli ka ishin kamma' qata ka ishin tooyta.

Xuuma Issayyaasi 55:4

Tin, anti mankistewwa piisa qara'en maakkitta ka saara isho ajajampayta isha koda.

Xuuma Taani'eeli 2:44

Sapanna nuqussasenetiiyyi aappa moonta Waaqa mankisteeta haka parparati' kallaatto, samayta piita pila ka quda qappatta in ettaninnini xaasha. Mankisteetose ka mankistewwa pila' piisa alle' pirta ka xaadi haka paraparati kallaatta.

Hoose'i 1:11

Kuyyaasetiiyyi samayta Yihuta isho a Isira'eeli olopa oora ka takka kodda ka oltura mukissampayta takka reexada ka piitaaysho oppa teyantooda.

Hoose'i 13:14

Hela xawwi hupna Si'ooli kelan ishoottan paha? Ka toota kela ishootta dinsha? Ata tootayti! Erkannaataayti ayshaayye kitta? Ata si'ooli! paata patissaayti, ayshaayye ca? Ha anti amma desa ishootta an suraysado.

Hoose'i 2:2

Hellaayyo! Aayyaassin amma desa isheetta iskatteetiyyon, umma anti an diirtaadinniiy, isheetta dehaama ikka dikattoose ka totooyyattose' xaadi a sharmuutuma' kamma oorto.

Hoose'i 3:5

Ka sekkammaayye ooran ka Waaqa Waaqaaysho ka Taawwiti nuqusase' xaaysho kamma pora fadan ka parra a kammadesatiiyyi fuuraan qinda Waaqa opa ooran ka saka akkadan.

Xuuma Mikkiyaasi 2:12

Waaqa ikiini, “Ishina pateetta kela pahe, akka kaharra moonnappa ca isho akka xelloota dawwatte ollopa tiitaawnitto mina'e, peela samayta Isira'eeli kela hase'e ollopa oorsha ikka piitoose' qara immakan.”

Xuuma Mikkiyaasi 3:1

Mikkiyaasi ka kide, “Ishin' saarra hellaa Isira'eelitiiyyi ka a samayta Isira'eeli' mukinnaatiiyyi, are dakkaysada! Akka saanta dukaatatin mukissa ishin faano a' uptane?

Xuuma Mikkiyaasi 4:7

Isasene totoonnaawe akka peela hasanen koda; isasene alle' puyatame sawwa fuurammoti' koda; anti Waaqa ka awwe desa paayyatteeyye haka paraparati'i irroota Siyyoonitiiyyi ishootta qara' nuqusuma.”

Xuuma Sakkaariyaasi 10:12

Ana Waaqa ishootta kokkonnaysha ikka maxxiyyo' kallaadan.” Sede ana Waaqa asse haasawanni.

ipro 6:20

Poroose qulqullaawe oppopa Yesuusi, taanteta a ishin malkesedeqi qeesitta koddenne saara qeesewwa a parapara' kodde ka ino malla turanneew kulle.

Mataafa Iyyaasu 3:6

Ka qeesewwa kideewwe, “Ishina taapotase a kodayteeta Waaqa xaysada ka samayta tura qata.” Ishootta nefo ka ajajaadi oowsaden.

Keleshaata 17:14

Ishootta laahase qara'e oranna qishshan. Ma xoori laahose qoota Poqla poqalladda ka Nuqusa nuqussa kodde malla, i'ishootta puta. Orra isha olli co a halaame ka reexame ka amaname.”

Keleshaata 7:17

Laahase otanta sufaana' kara co, sikmaytaaysho'e kodda ka paada pisha caatta' kapopa ishoottan aana Waaqa ka ilmaama piisa ildaappaayye ishootta' haqa.”