Xuuma Mikkiyaasi 2:12 - Mataafa Qulqulloota

¹² Waaqa ikiini, “Ishina pateetta kela pahe, akka kaharra moonnappa ca isho akka xelloota dawwatte ollopa tiitaawnitto mina'e, peela samayta Isira'eeli kela hase'e ollopa oorsha ikka piitoose' qara immakan.”

Xuuma Mikkiyaasi 2:12 ပူးပေါင်းရင်းမြစ်များ

Mataafa Uumata 36:33

Ete Pela'i to'eeyye, Yopaapi inna Saraahi nama a katama possira'e pakkaadi oppa' nuqusume.

Mataafa Otoowwa a paayyota 1:44

Pela'i ka to'e, Pasoorittase Yopaapi inna Saara ka pakkaadippa nuqusume.

Xuuma Issayyaasi 11:11

Awsetiiyyi Waaqa ka harkaadi deraysha ka piita Asoori ka a Kipsi ka piitadda a Patiroosi ka a Toobbiya ka a Elaami ka a Paapilooni ka a Hamaati ka piitadda a pisha kapandesa ca isho a pakateeta kara ca karaayye, samaytaadi a peela hase ollopa pohada.

Xuuma Issayyaasi 27:12

Awsetiiyyi, Waaqa kirra Efraatisiti paayyatte haka kirra Kipsiti'i untaadi xayyisha; ishina Isira'eleteeyye akka takka takkaayye ollopa pohamtan.

Xuuma Issayyaasi 34:6

Waaqa qoota katama Poosira kara kalisoota kalinno ka piita Etoomi kara horeeta lekayteeta qallo malla, koraateta Waaqa diikanne lahamte ka hallaka pakte ka diika a haariyya laahadda ka a telallaatin lahamte ka moora xalla a laahadda' faakte.

Xuuma Issayyaasi 5:17

Haara laahadda ka deettaaysho oppopa dawwadan; telalla ka tikkasene a teyantoolaya qitqite oppaayye deetta deetan.

Xuuma Ermiyaasi 23:3

anka piitaddan oppopa ishootta daane pisoppaayye; peella xellootiyyo moonaasso karopa ollopa ishootta oorsha; ikka eyye kara horan ka lekaadan.”

Xuuma Ermiyaasi 3:18

sapanosetiiyyi samayta Yihuta isho a Isira'eeli ka ollopa de'a ka ollin takka koddan ka qutatte xata piitase an aappadaassoti lehanda daashe oppopa kalan.”

Xuuma Hisqeeli 34:11

Waaqase' piisa qara qapo ikiini, “Tin ana mattiyyo kahirraayyo faddada ka ishootta siksha.

Xuuma Hisqeeli 34:13

Ka samayta piita oppaayye ishootta kalsha ka piitaddaappaayye ollopa ishootta oorsada ka piitaaysho oppopa ishootta tiitaysha ka irrowwa isra'eli ka naabba isho porra oppa orra kala pisa oppa ishootta siksada.

Xuuma Hisqeeli 34:22

ana xellootiyyo a kahirraatin pahada; umma arepadesa pinaana tura'en diisaman; anti ka kahirra isho kahirra otantoppa' farata.

Xuuma Hisqeeli 34:31

Waaqase' piisa qara qapo ikiini, “Ishina a kahirraayyo; anti an Waaqaayshin; ishina a orra kahirraayyo kodde an poriyyo a deetta oppa ishin siksanna a samayta Isira'eeli.”

Xuuma Hisqeeli 36:37

Waaqase; piisa qara qapo ikiini, “Oppa'en oora ka qinseeta samayta Isira'eeli' dakaya ka ishootta' oorsha. Ka samaytaaysho akka xelloota kahirra' mina leksha.

Xuuma Hisqeeli 37:21

Ka ishootta kide, Waaqase' piisa qara qapo ikiini, “Tin anti mankistewwa a oppopa aanene pisa oppaayyen samayta Isira'eeli' qeeda; ka porra pisa oppaayye ollopa ishootta oorsha ka piitaaysho oppopa ishootta kalsha.

Hoose'i 1:11

Kuyyaasetiiyyi samayta Yihuta isho a Isira'eeli olopa oora ka takka kodda ka oltura mukissampayta takka reexada ka piitaaysho oppa teyantooda.

Xuuma Amoosi 1:12

Semmalla anti katamoosen a Temaani oppa'en apitta diisha ikka tikka a Posraani kuli alle' kupa.”

Xuuma Mikkiyaasi 2:13

Waaqa samaytaadi tura xarra pana, ishootta ka saantose oppan diitmadan, isha ka mattaadi nuqusaaysho kodda ka tura' qata ka ishoottan aana.

Xuuma Mikkiyaasi 4:8

Atti ke poqa irroota Siyyooni a qaraxata xelloota tooytinaan katama a Yursaalamitiiyyiiw, ulfeenaayyti a mukissa a xatta'e ke' oora.

Xuuma Mikkiyaasi 5:7

Isasene samayta Yayqoopi oppa peela hase, akkima Waaqa tadaahata ka uusheta seehinno ikka piita ilawnaannitto mina'e, orra leka'e saka koddan. Umma nama pora in kippadane ma, isha patta xasa' kodadan.

Xuuma Mikkiyaasi 5:8

Ka akkima karma pinaana a kappina opa shorro taaki akkima haaritta karma' xelloota kaharra opa doono ka qapanno ishootta ka nama qara ‘Sapay’ kido in qapnin mina'e, peelasene samayta a Yayqoopippa hase asseew samayta leka oppa paarkaalaasso' kodan.

Xuuma Mikkiyaasi 7:14

Waaqqo! Akka sikmayta fayya deettappan desa xelloota sikinno mina'e, samaytaayti siksado ka ishootta muroppa ca a xatta' mina'e akka piisse a Paasaani ka a Kele'aati oppan desa deetta deetane' kode.

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Xuuma Sofooniyaasi 3:20

Anti sitiiyyi, isasene alle pase'en ollopa oorsha ka piitaaysho oppopa ishootta kalsha ka wa ishootta turaayye poojame ishootta' oorsha, sede nefo akka iltaayshinan akkitan. Kurraayshin ka dakaada, orra piisa ka ishin ulfeessa.” Waaqa asse kiini.