Xuuma Mikkiyaasi 2:11 - Mataafa Qulqulloota

¹¹ Kadi nama takka paata patta torrino qoota taadeta wayneeta ka ikkayta orra maashshannooti desa orra kollinna, isha orrooseti xuumampayta kodda' ettana.

Xuuma Mikkiyaasi 2:11 ပူးပေါင်းရင်းမြစ်များ

Mataafa a Nuqussa a paayyota 13:18

Xuumampaytase a qimayta ka ishi kide, “Ha anti a xaayti mina'ewwen an xuumampayta. Erkampattoota ka qaaleta Waaqatin ana haasawatte ka kiite, ‘Akka damta damo ka pisha ikko'e, isha oorshe ka tikaaytipa ollin kala.’” Ma xoori isha sassapanni.

Mataafa a Nuqussa a paayyota 22:6

Nuqusase a Isira'eeli ka xuumampayaadi nama dippa afur mina ca ollopa hale ka ishootta kide, “Remaati a Kele'aati torpeeta'e in tuulam moon alle'en diisha?” Ishootta ka ishi kidene, “Poqalla ke turopa ishotta tuukkaay, tuule.”

Mataafa Iyyoopi 31:5

Oton daraadannen pora aaneeyye, loqtiyyo ka sassapa kamma keerteeyye,

Mataafa Pahana 25:14

Nama daassata a nama daanni in kinnin ka “In daasha” kiino ka isi peepno akka oraarta taaki xayxayta roopa in qapnin mina.

Xuuma Issayyaasi 28:7

Qeesewwa isho xuumampayaasso kuli ka taadeta wayneetatin maashshoodan ka taaltaalan ka ikkayta a kokkokan tankalkalan; ha qeesewwaasso isho xuumampayaasso, taadeta wayneetatinni tura' lulte ikka ikkayta a kokkokan taaltaalen; keleshaata a akken, qalpeeffanni in caan; umma oto deexa murraaneeyye, mura dukaata' daassata ettaninni in caan.

Xuuma Issayyaasi 9:15

Sene matta kidame qimaya isho saarraasso a ulfeessame, a ekta kidame'ew, xuumampaya darta kollinna.

Xuuma Ermiyaasi 14:14

Waaqa ka ana kide, “Xuumampaya maxxiyyonne xuuma darta haasawanni; anti an ishootta an erkine; umma an ishootta an ajajne ka ishootta an haasawanne; kelashaata darta ka suuma paata patta isho sassapa a karittaaysho'e ishootta' haasawanni.”

Xuuma Ermiyaasi 23:14

xuumampaya a Yursaalami qara'ew wa akata orra tammaqinna'en akke; ishootta idahalli ka darada kooni; ka akka nama dapaadippa in oorrini'i, ukkuttowwa nyarinni; ishootta piisani ana tura orra sottoomi kodden; a oppa kala a orra kamoora kodden.”

Xuuma Ermiyaasi 23:17

ka a qaaletiyyo needdannaati' kiini, ‘Yaahiwwe ikiini nakayta' qapnaattan!’ ka a kamta karittaayshoti kamma annaati kiini, ‘wa neeqa ishin qaren kayan.’”

Xuuma Ermiyaasi 23:25

xuumampaya a maxxiyyon xuuma darta haasawanna ka kiinaane, ‘olsaan olsoode! olsaan olsoode!’ in dakaye

Xuuma Ermiyaasi 23:32

Waaqa ikiini, “an ishoottan erkinin mali taaki an ajajnin mali, xuumampayoosen olsaasso a darta xuumma ka haasawanna, ka daraadaasso isho sassapaassotin samaytiiyyo saanta qara maqqinna, tin anti, sene qaraen xa'a;” Waaqa ikiini, “pakkanna samaytiiyyo qara we'en nessishaney.”

Xuuma Ermiyaasi 28:15

Anti Ermiyaasi ka xuumampaytase Hanaaniya kide, “Hanaaniya dakaye! A Waaqa ken erkinnin maliiyyi samayse akka darada kippado koote.

Xuuma Ermiyaasi 5:31

Xuumampaya xuuma darta'ew haasawanni; qeesewwa ka dehaama a xuumampayaatin orra mukinni; samaytiyyo ka wa asse paha jaalanni; oto dikkattaadi kayto xoori, atta kodditan?”

Pooyta Ermiyaasi 2:14

Xuumampayaatti wa keleshaatoppan ke akkinaane, darta isho paata patta. Akka pateeta ishin qara in kaynin akka nakaytan kallaattane'e, ishootta juppootaayti laka' sookinni in caan ka ke lelli in caan. Xuuma a ke' haasawannaan kuli, darta isho a ke pashsho patta.

Xuuma Hisqeeli 13:22

Maana malla hanqeellaya an anti qara' xasa an mursiisnini sassapatten ka qara xasa mursiisseneey ka juppoolaya akka issin paha'e juppootaysho oppa in oorrini saantaaysho a neeqa qara ishootta kokkonnasseneey.

Hoose'i 7:14

Qoollaasso oppandesa pora pooyni diisheey, karittaaysho kareela anopa qinsanni in caan. Unta isho taadeta a wayneeta akkatta malla olopa deeni diisheey, i'ana' tulta katen.

Xuuma Mikkiyaasi 3:11

Qimoota paleetoseti nooddota mali deexa deexni in kitto, qeesewwaasso a we ishootta' daashan mali orra kollinni in caan, xuumampayaaw a kaaja ishootta' daashan mali xuuma haasawanni in caan ka a sede piisa koonaan qarandesa kiini, “Qoota Waaqa ino olli co malla, wa neeqa takkan' nefo ino qara in de'an.” Ka laadi Waaqan xelsanni.

Xuuma Mikkiyaasi 3:5

Waaqa ikiini, “Xuumampaya darta, nama ishootta' damta daannoti'i kiini, ‘We' piisa nakayta.’ Ka torrini ka nama ishootta' daanni in kinnini' kiini, ‘Oranna ishin qara' de'a.’ Ka samaytiyyo sassapanni.

Roomi 16:18

Orra asse paho xajeeltaaysho kamma aananni diisheey, Poqallaanno Kiristoosi kela koda kooni in caan; ka afaa nukulla isho neyneyaanne tajjana sassapanni.

Filippisiyuusi 3:19

Karittaaysho Waaqaaysho, wa orra jeerinna xaaysho ishootta' ulfeena; dikattaaysho wa piita' qaropa oore; semmalla piraampiraaysho' pateetta.

Yohaannisi a paayyota 4:1

Moottadaayyooyye! piita qara'e, xuumampaya darta' lekaya xa'eey, hapura piisa an amanan; sekkapaayye hapura, akka a Waaqa kodde ka in koddinin kara qora.