Xuuma Mikkiyaasi 2:1 - Mataafa Qulqulloota

¹ Orra neequmta koda dikanno ka oto mukaneeyye neequmse oppaaw dikanno, oo ishootta kido! Wa koda dikadene' piisa ikodan ka oto paritooyye, wa dikadene' koda qara nakayshan.

Xuuma Mikkiyaasi 2:1 ပူးပေါင်းရင်းမြစ်များ

Mataafa Uumata 31:29

Allu asu wetinnin ke kodan kidema, Waaqa a aappaayshina'e xallapo olsaan ana dawre ka kide, ‘Akka Yayqoopi we takkan nefo a' kinini'i, isi tooytaado.’

Mataafa a Nuqussa a paayyota 21:7

Elsapeeli iskatteetase xaadi ka ishi kiite, “Atti ke mankisteeta Isira'eeli mukinni ka aren asse kodda? Xa'e ka damta dame ka xasoodo. Dula wayneeta a Naapute a Iyyisira'elitta ana ke daashaay.”

Mataafa Asteeri 3:8

Sekkammaayye, Haama ka nuqusase Arteksiisi' kide, “Orra takka piitaddasene a' mukinnitta qara pase ca; ishootta aataasso orroppaayye xawwaya umma ajaja nuqusa teyyanni in caan sede malla, oton orrose asse paho eeyye' diisanniiyyi, ke in ettanto.

Mataafa Asteeri 5:14

Iskatteetaadi Sereshi isho moottadaadi piisa ka isha dehaamen ka kidene, “Qoyra a dunduma kunda ken kayo dishe ka akka parri Mardekiyoosi qara siibsamo nuqusa kaassado ka oori xasan nuqusa olli damtaseti aane.” Dehaamtose a isha dehaamen ka harmo Haama xasayshe ikka qoyrase' dishacciise.

Mataafa Asteeri 9:25

Ete Asteeri wa Haama Yihutaata qara' sulade nuqusa' lelteeyye, nuqusa ka neequmtase a dikade akka isha qaropa oorto isha isho hellaadi ka qoyra qara fannisamane taafe ka ajaje.

Mataafa Iyyoopi 15:35

Ishootta sassapa hinni ka miiddotaaw xaayni karittaaysho ka neequmtaaw dikanni.

Mataafa Iyyoopi 24:14

Ishase orra lenno paraappanne xaani. Ka teekolaya ka rakkatampaya lessaata' anni. Ka halkeetteeyye a kera' mina asanni;

Mataafa Masmuureta 36:4

Awta mukitta' kalooyye, neequmta kodeetaaw dikanni; ka saanta paxaari in kinnini oppa issin anni; umma neequmta kapa sekaanni in co.

Mataafa Masmuureta 36:5

Oo waaqqo! Xoonaatti a pirama in qapnini, moonta kayni; amanumaaytiiw, illi oraara kayni.

Mataafa Masmuureta 58:3

Ukkuttowwa a hitameneyyewwen pilaya; ka a deladeneeyyeew kamma dapen ka darta haasawanni.

Mataafa Pahana 12:2

Nama qalpeeta qapo, Waaqa kapa ulfeena teyni; nyiraamayta xoori, Waaqa isha qara' faranni,

Mataafa Pahana 14:22

A neequmta koda dikanna saanta qara maqni a paxaarumta koda dikanna' xoori, jaalala ka amanuma qapan.

Mataafa Pahana 3:27

A koda ettaninnitto kapa orra ishootta parpaaccisnitto'e paxaarumta koda in diishan.

Mataafa Pahana 4:16

Ishootta a neequmta kodan mali mukni in caaneey; umma a nama katan mali riibbata ishootta' deenni in kittooy.

Xuuma Issayyaasi 29:20

Nyiraamaya ipatan; seesampaya ka dapadan; a neequmta koda piisade ka piraman.

Xuuma Issayyaasi 3:14

Waaqa saarra isho qimaya a samaytaadi' mina'e tamaakkada ka kida, “A porase' xayyo a dishma wayneeta nyapalshe ishina; wa teekolaya qara sartene ka tikkaassin kara caan.”

Xuuma Issayyaasi 32:7

Koda jeerolaya ineeqi; kadi punu rakkatampayta dukaata lelannaayye, akka sassapaadin rakkatampayta pashsho'e sullaata a neeqa' dikanni.

Xuuma Issayyaasi 5:8

Haka orra pilaati' pora dapanno'e; orra a ishina patta piita qara' kallaattane ishina' pahanaatte, akka tika quda' tika ka dula quda' dula padaawannittan oo ishin kido!

Xuuma Issayyaasi 59:3

Maana malla harkaassin diika tuqaanne nyapaleneey, qupiyyaassin ka dapa kodeetan nyaleneey; afaassin ka darta haasawadeneey; arrapaayshin ka neequmta torraadeey.

Xuuma Ermiyaasi 18:18

Kamma desa ikka kidene, “Seera afaa qeesewwa oppa in dapado, umma dehaama afaa ookka oppa in dapado, umma qaaleta afaa xuumampayta oppa in dapattooy, xooye ka Ermiyaasi sulla ka torraadi teyyatta diinna ka haasaannon isha talafna.”

Xuuma Hisqeeli 11:2

Waaqa ka ana' kide, “Atti to'ampayta namatiiyyi, orroose are co, ishootta katama kara neequmta sulli ka falqa dehaammi.

Xuuma Hisqeeli 33:26

Nama i'ikannittan ka wa jippame' koonittan ka ishin takka takkaayye iskatteeta a nama pila nyalinnittan ka kuli atta piitoose' lehattan?’

Xuuma Hisqeeli 38:10

Waaqase' piisa qara qapo ikiini, “Kuyyaasetiiyyi dikatta a mattaayti'i ke kara xa'a; akka neequmta kodaaw dikatta.

Xuuma Hisqeeli 46:18

Saarase kutta a koda qara co, samayta qara irreetan piita qeeda isha parpaaccisni in kitto; piitaadi a qapo qudaayye a hellaadi lehanda' daasho; samaytiyyo oppa nama takka nefo ka piitaadi a qapo qara in daanammin.”

Xuuma Mikkiyaasi 6:12

Teyantoolayaassin karpampaya, orra katamaassina'ew darta pora haasawanni, afaasso oppa nefo sassapaaw kala.

Xuuma Nahoomi 1:11

Oo Nenewwe! Orra Waaqa qara sullaata sulanno ka dehaamta neeqa orra dehaammo ke oppaayye ca.

Xuuma Sakkaariyaasi 7:10

Hiyyettewwa ka he'aya ka kalayta isho rakkatampaya in miiddan. Mattaayshina ishina karittaayshin kara'e wa neeqa olqara'e in dikadan.’

Mariqoosi 15:1

Teykante parappanne saarra qeesewwa ka qimoota isho kollissampaya a seera, orra firtishoonkotoppa co ollini piisanti oppa oorsaden ka sekkammaayye Yesuusi hiden. Ka Pilatoosi qaropa isha tarpishen.

Luqaasi 20:19

Kollissampaya a seera isho saarra qeesewwa, akkima pahanoosen ishootta qara haasawade upnaaden ka saateta oppaayye isha qapan faden. Ma xoori samayta fuuren.

Yohaannisi 19:11

Yesuusi ka ishi' kide, “Katin Waaqa kapa hupna ukkuma ke'en daasammin, kiiteeyye, helani ana qara hupna ukkumeeta takka nefo qapnaanni a' heenne. Ma xoori nama ke qaropa ana tarpishe, juppoota a dikke neeqa'e isha qara ca.”

Kodampaya 23:12

Ete pariteeyye, Yihutaata ka ollopa deete ka xaxatte ka olli kiite, “An Pawloosi ikanno mali unta an dammo umma pisha an ikkino”

Kodampaya 23:15

Semmalla ishina firtishoonkota olli kala ka takka a kuttati isha qortan pahanaysha ka akka Pawloosin ishina de'ane'e, ajajampayta kaassada. Ino a are in kaynin turanne, isha ikassa in harmisanneey.”

Roomi 1:30

Ka a maxxa nama' patinna ka a Waaqa needdanna ka a nama jeerinna ka a isi peepna ka a jeejjanna ka a saanta a ishin neequmta kodan faddanna ka a toollaassoti afaa dakayni in kinnini

Mataafa oppa' Ooreta 28:32

Hellaatti a diira ka a tuparra, orra haptati daasaman; ooretaaysho asattaanne ilda ka ke qara ruuran, umma nyaapa qara kata'e, hupna a qapnaatto.