Xuuma Mikkiyaasi 1:9 - Mataafa Qulqulloota

⁹ Ha faykitteeta a Samaariya in dinto, rakkoose' nefo ka Yihuta qara' kayte ka xarra a katama Yursaalami kulipa tuullite.

Xuuma Mikkiyaasi 1:9 ပူးပေါင်းရင်းမြစ်များ

Xuuma Issayyaasi 3:26

Samayta ka xarrada Yursaalami oppa pooya ka nyarrahatan xa'a, katamasene ka akka iskatteeta lulle kitto mina' hasan ka piitoppa' kuti'an.

Xuuma Issayyaasi 36:1

A Hisqiyaasi Yihuta qara' nuqusume para kudanka afrattatiiyyi, Senakireemi nuqusa Asoori, katamaddasene kawwattan kapa qorrame a Yihuta'e torpe ka qara pire.

Xuuma Issayyaasi 36:2

Nuqusase a Asoori ka saaraadi a xela oranna' xela kuttayta ollin Laakiishi desa nuqusase Hisqiyaasi isase Yursaalami kara co qaropa erke; saaraadi a xela oranna ka aane ka pora dula aappase mehadda diipno opa annooyye kaba a haarta ela qattooti kapa' qa'ade.

Xuuma Ermiyaasi 15:18

ata suraysattiyyo maana'e qa'anni in kinnin? Faykitteetiyyo maana'e irmootte ka dina malaalte? Atti maana'e antura kirra a kara pisha teya kippannaan ka dapnaan koddite?”

Xuuma Ermiyaasi 46:11

Ishina enenta a issin kitto paha samayta Kipsitiiyyi, Kele'adipa aana ka qoracca a daatattan piddada; ma patta'e qoracca lekayta kodatten ma a dintan.

Xuuma Mikkiyaasi 1:12

Waaqa Yursaalami pashshaay, orra piita Marooti xawwi atta' kippanni ka kiini, “Wa paxaara'e' ino de'a!”

Xuuma Mikkiyaasi 6:13

Semmalla anti juppootaayshin malla ishin patissa'e in piisade.

Xuuma Nahoomi 3:19

Qepanittaayti olopa in ooro umma faykitteetaayti dina in qapto. Orra pateettaayti desa dakkaysanno piisa ka xasan kanaata qapa. Maana malla orra a' karpaaytin' miidda diisse in cooy!