Xuuma Mikkiyaasi 1:5 - Mataafa Qulqulloota

⁵ Sede piisa, qoota dapa Yayqoopi ka juppoota hellaa Isira'eeli' koopte malla asse koddita. Ata ayno hellaa Isira'eeli' dapoppopa kalshe? Neequmta a katamaasene' xaaysho a Samaariya'enne? Ata ayno orra Yihuta akka kunkunnawwa qara killowwa' sakatado' kodeew? Katamaasene a Yursaalami'inni?

Xuuma Mikkiyaasi 1:5 ပူးပေါင်းရင်းမြစ်များ

Mataafa a Nuqussa a paayyota 11:7

Ka Yursaalamiiyyi qinda pirtotatin irroota qara'e, killootase a Mo'apeta kamooshi kidammitto nyalte isho killootase a Amoonata moleki kidammitto nyalte pora oppa sakatatta harmishe.

Mataafa a Nuqussa a paayyota 13:32

Isha nessoose a qaaleta Waaqa a porase a kalisoota a Peteli qara salishe ka porrasene a sakatatta kunkunnawwa qara ca a katamadda samaariya qara salsihe, dukaatanne dikkadaay.”

Mataafa a Nuqussa a paayyota 16:24

Ka Shemeri qaraayye dakara pirreeta mekliteeta lakkin irroota Samaariya pidde ka qara katama qupe ka maxxa a aappaase a irrootaseti minandesa katamaseneti maxxa kode ka kide, “Samaariya.”

Mataafa Otoowwa a lammatta 34:3

A nuqusumeeyye para settattatiiyyi a innumoppa cooyyew Waaqa a aakkaaysho a xatta a Taawwiti fada paayye; ka a nuqusumeeyye para kudanka lakkattatiiyyi Yihuta isho Yursaalami karaayye porrasene a sakatatta kunkunnawwa qara ca ka olaahiyya killootase asheeraati kodame ka killowwasene xefame isho pahanaddasene liilshene alle sahe.

Mataafa Otoowwa a lammatta 34:4

Samayta ka akka isha ajaje qara'e, poqaddasene a kalisoota killoota pa'aali alle poote; ka meehase a kara tankarta qayyannaan a poqa kalisoota qaraxata co alle pappaqshe; ka olaahiyya killootase asheeraati kodame ka waakkadasene isho pahanaddaasso oppa qeqqepshe ka yooqe; ka hawlallasene a orra ishootta sakatanno qara fide.

Xuuma Issayyaasi 7:9

Ka akkimose mina'e, matta Isira'eeli Samaariyaay; matta Samaariya kan Faaquhe inna Romaaliyooy nuqusase xaaysho'eey. Ishina' nefoow oton amanteetaayshinanne a kokkonnaanni a' kinniniiyyi, pakkanna a' qa'attan.’”

Xuuma Ermiyaasi 2:17

Ana Waaqa Poqallaatti isase poraaytippa ken anno diishetaaytinni, sede isqare a qeenne?

Xuuma Ermiyaasi 2:19

Neequmtaayti ke qattaani, amanteeta dapnaatti ka ke peeqni, ana Waaqa Poqallaatti alle diissataayti akkima neeqi ka haddaawnitto tooye ka upnaado; ha ana fuureeta ke kara in kitto. Ana Waaqase Poqalla we piisa ettaninno asse kiiniiy.

Xuuma Ermiyaasi 23:13

xuumampaya samaariya a wa xaccanna koonaanen akke; ikka maxxa a killoota pa'alitin xuuma haasawaden ka samaytiyyo a Isira'eeli saanta qara maqqishen.

Xuuma Ermiyaasi 23:14

xuumampaya a Yursaalami qara'ew wa akata orra tammaqinna'en akke; ishootta idahalli ka darada kooni; ka akka nama dapaadippa in oorrini'i, ukkuttowwa nyarinni; ishootta piisani ana tura orra sottoomi kodden; a oppa kala a orra kamoora kodden.”

Xuuma Ermiyaasi 4:18

Saantaayti isho kodaayti ke qara sede qeede; sede kan neequmtaayti, ka haddaawni, ka ke tupa karitta donni.”

Xuuma Ermiyaasi 5:25

Ishin dapaytaayshin, sakoose a Waaqa'e ishin qara hattishe; juppootaayshin ka paxaarumse ishin qara dawrite.

Xuuma Ermiyaasi 6:19

Piitayti atti nefo dakaye; qoota qaaletiyyo dakaya tiiten malla, ka seeriyyo puyaden malla, samayse qara'en erkannaata qeeda; sede tookta kodaayshoti'iy.

Pooyta Ermiyaasi 5:16

Ulfeeninno i'ino qara tawe, juppootan kooneey, oo ino kido!

Xuuma Hisqeeli 16:46

Enentaayshina a kutta Samaariya ka tuparraadi ollin keeyye qinda qutattatin kalta; enentaayshina a shakka Sottoomi ka tuparraadi ollin keeyye qinda tupattatin kalta.

Hoose'i 7:1

Awtan samaytiyyo a Isira'eeli' poojama kelaayye kalsho ka ishootta dinissa faanooyye, juppoota Efreemi isho neequmta a Samaariya i'akkaatta. Ha ishootta dartaaw kooni ka tikkaappa paata hanni; xolmatoomaya nefo ka porraappa orra sarri.

Xuuma Amoosi 6:1

Ishina' saarra samayta Isira'eeli' koddeetiiyyi, ha orra qaarqaarsa akkatta'e ishin kapopa deeni; ishina' xoori i'ishina ettante, akka Siyyooni qara naalaan kallaannitan ka irroota Samaariya' qara wa ino qappada in caan kiinittaneey, oo ishin kido!

Xuuma Amoosi 7:9

Porra sakatatta a Yayqoopi isho sanynyeetaadi oppa sakkattinnaan tura alle qitqishsha ka porrasene qulqullaawe a isira'eli alle' pashsha ikka onan; mankisteeta a Iyyorpi'ami nefo orannaannen alle' pashsha.”

Xuuma Amoosi 8:14

Orra killootase a Samaariya ka a Taaniti isho a Persapehiti' kiino, ‘Atti a waaqa’ Ka ishin xaxanno piisa ipi'a umma lammatta in xa'o.”

Xuuma Mikkiyaasi 1:13

Ishina' orra piita Laakiishi' qoota' dapa Isira'eeli' paho kooten orra Yursaalami ka juppoose ishin kela kollade malla, fartada a oranna kamma sarakella hiddada!