Xuuma Mikkiyaasi 1:16 - Mataafa Qulqulloota

¹⁶ Ishina samayta Yihutaatiiyyi, hellaassina a' jaalannittane' qoota poojaman malla, ishootta' daptisada ka matta isqara koosha ka akka kuyso allitta' mina muduldulsada.

Xuuma Mikkiyaasi 1:16 ပူးပေါင်းရင်းမြစ်များ

Mataafa a Nuqussa a lammatta 17:6

Ka a Hoose'i nuqusume para sakalattatiiyyi Samaariya iskelopa oorsade ka Isira'eeleta pooje ka Asooripa kotaanshe ka katama Halaahi isho a Koosani kara'e kirra Hapoori kapa ishootta kutiishe. Ka a demo katamadda orra Metooni oppa kutiishe.

Mataafa Iyyoopi 1:20

Iyyoopi ka oori, xa'e ka qeppaadi kaa'e. Ka matta kooshade ka piitoppa' pi'e ka sakatade.

Xuuma Issayyaasi 15:2

Sipooneta ka kunkunnaata qaropa fayyatta ka tikkaasso a killowwa kelopa anta ka pooyta; Mo'apeta ka katamaddaasso a Neepo isho a Metaappa' malla ullupitta; dapteeta'e, mattaaysho isho kawsaaysho piisa ka kooshama.

Xuuma Issayyaasi 22:12

Awsetiiyyi Waaqa Poqalla a we piisa ettaninno, akka nyarrahatan ka pooytan ka mattaayshin kooshattan ka mehadda a dapteeta' kalsattane'e ishin ajaje.

Xuuma Ermiyaasi 16:6

A kukutta ka a shashakka piisa piisse oppa le'a; umma in hawlaaman; umma in pooyaman; umma ishootta daptisatta'e, nama isi hajjo taaki matta kooshado in caado.

Xuuma Ermiyaasi 4:8

‘Miirase a Waaqa orra fuurinno ino qara alle'en tiitaawneey, oo ino kido!’ Semmalla mehadda a dapteeta kalsada” Ka pooya.

Xuuma Ermiyaasi 47:5

Samayta Kaasa matta kooshada ka daptisada; a Asiqeloona ka afaa tura qapada; ishin peela a naaba kara hasetiiyyi, haka aytamiti'i nyarrahatan dakintaayshin hajtan?

Xuuma Ermiyaasi 6:26

Anti ka kide, “Oo samaytiyyooyye! An isqara an upnini maliiyyi patissampayta ino qara' deaay, mehadda a dapteeta kalsada ka taraappa kankalaada; ka nama a innaadi takkan a qapa tura to'en mina'e, nyarraha ka pooya.”

Xuuma Ermiyaasi 7:29

Orra Yursaalamitiiyyi Waaqa qoota xeltoose a miiraadi qara qite jippe, ka alle diishe malla; nyirfa isiqara koosha ka alle qa'a; ka irrowwasene lule qaraxata saara pooyta qeeda.

Pooyta Ermiyaasi 2:19

Halkeetta kuttati pooyta' xa'e ka pooye. Karittaayti furado! Ka fuula Waaqa tura a pisha' mina' tuqe; ka napseeta hellaatti, a doxan porraappa' seehe' malla harkaatti Waaqopa xaashe.

Xuuma Amoosi 7:11

Ha Amoosi ikiini, ‘Iyyorpi'ami orannaappa'e to'a; samayta Isira'eeli ka piitaaysho oppa alle' poojama.’”

Xuuma Amoosi 7:17

Semmalla Amesiyaasi! ha Waaqa ike' kiini, ‘Iskatteetaayti katamaappandesa pora dahalsatta; hellaatti a diira isho a tuparra orannaappa'e le'an, dullaatti nefo orra pila'e teepaan qootada; atti' nefo piita orra a Waaqa amanni in kinnin oppa'e' toota; samayta Isira'eeliiw piitaaysho oppaayye alle'e' poojama.’”

Xuuma Amoosi 8:10

Kuyyawwosen a xaysonessuma a oppaayye xasoonnittane'en nyarrahataapa pursha ka masmuuretaayshin piisa pooyta' oorsha ka akka toola inna takkan patta qapo ikka tura to'en mina'e, akka pora pooytan ka matta kooshattan ka daptisattan, kuyyaatose ka dikke ishin qara' hammaatta.”

Mataafa oppa' Ooreta 28:41

Hellaa a diira ka a tuparra ixaayatta; ma qoota poojaman malla xaayti in koddan.