Xuuma Mikkiyaasi 1:1 - Mataafa Qulqulloota

¹ Xeltase a nuqusa Yihuta Iyyo'ataami ka Akaasi isho Hisqiyaasi nuqusumeneeyye, Waaqa nama takka a piita Mooreti Mikkiyaasi kidammo'e qoota piita Samaariya isho a Yursaalamiti desa erkanoosen lele.

Xuuma Mikkiyaasi 1:1 ပူးပေါင်းရင်းမြစ်များ

Mataafa a Nuqussa a lammatta 15:32

Faaquhe inna Remaaliya a Isira'eeli qara nuqusume para lammattatiiyyi, Iyyo'atami inna oosiya yihuta qara'e nuqusume.

Mataafa a Nuqussa a lammatta 15:5

Waaqa ka nuqusa qara'e, haka toonoti'i paaqa qoosha qeede ikka oori tika xawwi kitto kara kallaanni. Innaadi Yo'ataami ka saara tika nuqusa kodde ka samayta piisseti mukinni.

Mataafa a Nuqussa a lammatta 16:1

A Faaquhe inna Remaaliya nuqusume para kudanka tappattatiiyyi Akaasi inna Iyyo'atami Yihuta qara'e nuqusume.

Mataafa a Nuqussa a lammatta 18:1

A Hoosei inna Eella Isira'eeli qara nuqusume para sessattatiiyyi Hisqiyaasi inna Akasiyaasi Yihuta qara'e nuqusume.

Mataafa Otoowwa a lammatta 28:1

Akaasi a nuqusummooyye paraadi kunda lakki; ikka Yursaalami kuti'e ka para kudanka lehi mukshe, ma xoori isha akkima aakkaaysho Taawwiti fuula Waaqa tura wa paxaara kode mina'e in koone.

Mataafa Otoowwa a lammatta 29:1

Hisqiyaasi a nuqusummooyye paraadi kunda lakki keni; ikka Yursaalami kuti'e ka para kunda lakki sakali mukshe. Aayyaasso Apiya kidammi; isheetta nefo enenta Sakkariyaasi.

Xuuma Issayyaasi 1:1

Parra Osiyaani ka Yo'ataami ka Akaasi isho Hisqiyaasi Yihuta qara nuqusumeneeyye, keleshaata a Issayyaasi inna Amoosi qoota Yihuta isho a Yursaalamiti desa akke sede.

Xuuma Issayyaasi 1:2

Waaqa ikiini, “Moontadaayye dakaya; ka piitaayti dakkaysado; hellaan qohe ka kukuttishe ikka ana qara' falqoolaya kodden.

Xuuma Issayyaasi 7:1

Oopaase a Oosiya innasene a Yo'ataami Akaasi a nuqusa Yihuta' koddeeyye, Resiini nuqusase Asoori isho a Faaquhe nuqusase a Isira'eeli innasene a Remaaliya, Yursaalami torpa'e tuulen; ma xoori isheetta puteeta in ettaninne.

Xuuma Issayyaasi 7:9

Ka akkimose mina'e, matta Isira'eeli Samaariyaay; matta Samaariya kan Faaquhe inna Romaaliyooy nuqusase xaaysho'eey. Ishina' nefoow oton amanteetaayshinanne a kokkonnaanni a' kinniniiyyi, pakkanna a' qa'attan.’”

Xuuma Ermiyaasi 26:18

“Xelta a Hisqiyaasi a nuqusa Yihutaatiiyyi namase a katama Mooresheti Mikiyaasi samayta Yihuta piisa'e xuuma haasawade ka asse kide, “Waaqase we piisa ettaninno ikiini, ‘Siyyooni a dula mina'e xafafsamta; Yursaalami ka qitqitta ka tuula dakadda koddita; irroota a tika Waaqa ka mura dehissa.’

Hoose'i 1:1

Xelta a nuqussasene a piita Yihuta a Oosiyaani ka a Iyyo'ataami ka a Akaasi isho a Hisqyaasi olkamma' nuqusumeneeyye, Iyyoorpi'aami inna Yo'aasi ka piita Isira'eeli' qara' nuqusumeeyye, sitiiyyi nessa Waaqa xuumampaytase Hoose'i inna Pi'eeri' de'e.

Hoose'i 4:15

Oo samayta a Isira'eelitiiyyi! a asse almalummittan qaran desa Yihutaata qaropa dapa in oorshan, umma Kelkelaapa in aanan umma Peti'awweni qaropa in fayyadan. Umma ‘Dukaata a Waaqatinni’ in kidan ka pora in reersadan.

Hoose'i 8:14

Ha samayta a Isira'eeli uumampaytaaysho'e teymen ka tikka kukutta issi qupaden. Samayta a Yihuta'ew, katamadda a kapa kawwattan qorrame lekaya qupade ma anti' xoori, apittan katamaddaasso' oppa diisha ikka mishshikeewaasso alle' kupa ka pira.”

Xuuma Amoosi 1:1

Xelta Oosiyaani' piita Yihuta' qara' nuqusummooyye, Iyyoorpi'ami inna Yo'asi ka piita Isira'eeli' qara' nuqusummooyye, orra piita Taqo'a karaayye horeeta siksanno oppaayye nama takka Amoosi kidammo, a piita in lelleehnini para lakki turanne qoota Isira'eeliti desa xuuma haasawade.

Xuuma Amoosi 6:1

Ishina' saarra samayta Isira'eeli' koddeetiiyyi, ha orra qaarqaarsa akkatta'e ishin kapopa deeni; ishina' xoori i'ishina ettante, akka Siyyooni qara naalaan kallaannitan ka irroota Samaariya' qara wa ino qappada in caan kiinittaneey, oo ishin kido!

Xuuma Mikkiyaasi 1:5

Sede piisa, qoota dapa Yayqoopi ka juppoota hellaa Isira'eeli' koopte malla asse koddita. Ata ayno hellaa Isira'eeli' dapoppopa kalshe? Neequmta a katamaasene' xaaysho a Samaariya'enne? Ata ayno orra Yihuta akka kunkunnawwa qara killowwa' sakatado' kodeew? Katamaasene a Yursaalami'inni?

Xuuma Mikkiyaasi 3:9

Ishina dukaata tura miinta quu'ina ka haasa fayya alle' quqquu'ina, mukissampaya hellaa Yayqoopi ka saarra samayta Isira'eelitiiyyi, are dakkaysada!

Xuuma Inpaqoomi 1:1

Sene erkanasene a Waaqa xuumampaytase Inpaqoomi kidammooti keleshaatoppan akkishe.

Petiroosi a lammatta 1:21

Xuuma takka nefo heenna namatin in deene. Ma orra Hapura Qulqullootatin marra'ame Waaqa qara teyyade ka xuumose haasawade.