Xuuma Hisqeeli 9:4 - Mataafa Qulqulloota

⁴ Ka ishi' kide, “Katama Yursaalami' piisa oppa a'aane ka nyalasene katama kara' kodde minanne, fuula orrase akata nyarrahe oppa' milikkita kode.”

Xuuma Hisqeeli 9:4 ပူးပေါင်းရင်းမြစ်များ

Mataafa Uumata 4:15

Yaahiwwe ka ishi' kide, “Inna! nama ke in qappado. Nama ke ishsho haalota harka tappan qara qeeda.” Akka nama Qa'eli mina de'o isha in ikannini'i, Yaahiwwe ka milikkita isha quda' kode.

Mataafa a Nuqussa a lammatta 22:13

“Aappadaanno wa mataafose kara taafame koda qara nakassa'e, qoota nessa mataafoseti in ajajammin malla miira Waaqa a ino qara opaye akata kuttiiy, aana ka qootiyyo ka qoota samayta isho qoota Yihuta piisa malla qaaleta a mataafose kara taafamte desa Waaqa kaassada.”

Mataafa Masmuureta 119:136

Qoota orra seeraayti tooytanni in kinnin malla, ilmaama ildaayyo oppaayye a malxa' mina'e urqini.

Mataafa Masmuureta 119:53

Ukkuttowwa seeraayti alle' diishe' minanne, a kuttatin miiroode.

Mataafa Sooketa 12:13

Diikoose tikka a kara kittaneeti'i, milikkita kodda; oton diikoose akkooyye anka ishin qaran tarpa; oton Kipseeta pirrooyye, umma xaayshin erkannaata ishin qara in kayto.

Mataafa Sooketa 12:23

Yaahiwwe Kipseeta lessaata'e piitaaysho oppan tarpaay, oto qorasene paka pakan ca a xarra lakki isho manturayta quda diika akkooyye, Yaahiwwe tikoose kapanne tarpa, umma akka erkampatootase a toota tikkaassin karopa kullito ka ishin pirto in kodo.

Mataafa Sooketa 12:7

Ka diika qeedo ka tikase a kara so'asene damammaaneeyye xarra turaayye qora a xarra a qinda qindan ca isho manturayta quda daato.

Xuuma Issayyaasi 57:15

Waaqase a parapara a maxxaadi qulqullitta kodde isase opeela kuttade ikiini, “Kadin punu pora kutta ka qulqullaaweppa kalaayye, anti nama isi shakkinno ka maraarfanno ollin caanni ka hapura a nama isi shakkinnooti japeessini ka karitta a nama mararfannooti impasinni.

Xuuma Ermiyaasi 13:17

oto a dakayni a kinnin xoori, isi peepaassin malla anti dekandekattin pooya; qoota a xelloota Waaqa poojammitto malla; a kuttati'in pooya; ildaayyo ka ilmaama urqishan.

Xuuma Hisqeeli 21:6

Ma xoori atti to'ampayta namatiiyyi, quujado! Karitta a qepenne ka nyarrahata kokkokan quujado!

Xuuma Hisqeeli 6:11

Anti Waaqase piisa qara qapo in kiini, ‘Samayta Isira'eeli qoota nyalaasso a neeqa piisa minanne, oranna ka loota isho paaqa orra pirron piramo malla, ‘Oo ishootta kido!’ Kide ka miiran qupittaayti kiskise ka piita diittado.

Xuuma Hisqeeli 9:5

Ka an dakaynooyye namase lehi' kideewwe, “Isha kamma' qata ka katamaappa pora aana ka leysha; umma karittaayshin nama takka nefo in suraysannin ka nama takka nefo'en nyarrahanin.

Xuuma Hisqeeli 9:6

Qimaya ka xayyoolayse a diira ka tuparra isho iskatta ka hellaa shashakka' piisa leysha; ma nama a milikkita qapo takka nefo quda in kayan ka tikiyyo a qulqulloota kara paayya.” Ikka qimayaasene tika qulqulloota tura ca qara paayyen.

Xuuma Amoosi 6:6

Ishina taadeta wayneeta' shuubbaan ika kapa oktaanne' iknittan ka shittoota katetaadi akata kokkoka' fidannittan, umma pateeta samayta Isira'eeliti desa pakkanna nyarrahata ishina' dakaanni in kittooy, oo ishin kido!

Xuuma Sofooniyaasi 1:12

Anti awsetiiyyi, la'ayta'en ipsa qapada ka Yursaalami kara pora a'aana ka paata fada ka orra akka inna pisha qara mina seesan kallaanno ka dikanno ka kiino, ‘Waaqa wa paxaara taaki a neeqa takkan nefo ino qara in kodo’ qara' farata.

Xuuma Sofooniyaasi 3:18

Waaqa ikiini, “Kuyyaatase a xaysonessuma isase a oppa nyarrahate ka otittase a' pakte kelaayyen ke nessisha ka xasa ke' oorsha.

Xuuma Milkiyaasi 3:16

Sitiiyyi orra Waaqa fuurro ka ollopa oore ka ollin torraade, Waaqa ka wa torraadene' dakkaysade ka dakaye. Semmalla isha tura'e, maxxada orra isha fuurrooti ka maxxaadi ulfeena daanno akka in teymammini'i, mataafa qaropa taafamen.

Qorontoosi a lammatta 1:22

Akkiman xaadi koddine'e, a kobbeetaadi ino qara' toomme ka qoota teyantase a itturopa ino' daashoti desa Hapura Qulqulloota a qapteeta' mina' kode ka karittinno kara' daashe isha.

Qorontoosi a lammatta 12:21

Oton amma ishin kapopa tiitaawnooyye, “Takka punu Waaqiyyo ishin tura'e ana jeershan” kiini ka fuurri. “Orrase turan juppoota kode ka nyaloosen ka sharmuutumose isho seera dapeetaaysho oppa in oorrin minannen, nyarrahata qara' pi'an” kiini ka fuurri.

Kelaatiya 6:17

Anti milikkita Kiristoosin dakintiyyo quda qapaay, arepa desa nama takka nefo anan payyahinnin.

Efesooni 4:30

Ka kuyyaatase a oppa furamtane'e Hapurase a Qulqulloota a Waaqa a ishin kobbeetan toommamten in nyarrahasiisan.

Timotoosi a lammatta 2:19

Ma xoori kirittase a Waaqa, lellehni in kinnin a qara kobbeeta kitto, isase kiino “Poqalla a xaadi kodde i'upa” ka kiinoowwe, “Nama maxxa Poqalla' haleeno piisa a neequmta kapa sekaado,” Iqa'ada ka kallaada.

Keleshaata 14:1

Sekkammaayye, tin laahase ka irroota Siyyooni qara qa'ade anka akke. Isha olliiyyi nama kuma dippa kunda afuri afuri a maxxaadi isho maxxa aappaayshoti miintoppa ishootta taafame ka ca.

Keleshaata 20:4

Sekkammaayye suufaanaddan akke suufaanaddasene qara'ew orra akka faratane'e hupna ukkumeeta ishootta daasame ka kukkuti'e anka akke. Anka napseewwa a oorra qoota Yesuusi desa maakkuma malla ka qoota qaaleta Waaqa malla mattadaasso qara quuramene akke. Ishootta orra pinantase isho waakkaadi in sakatannin ka milikkitaadi fuulaaysho isho harkaasso quda in kodannini. Ishootta tootoppa xa'en ka Kiristoosi olliiyyi para kuma nuqusumen.

Keleshaata 9:4

Torraytase nefo, akka aykitta isho jabba ilaawa taaki qoyra takka nefo in miiddinini'i ishi' lelamte; torraytase orra miidda isha parpaaccisno orra kobbeeta Waaqa' fuulaaysho oppa in qapnini patta.