Xuuma Hisqeeli 8:3 - Mataafa Qulqulloota

³ Isha ka wa harka paha anopa derayshe ka ana qara nyirfaayyo a matta' qape; hapura ka piiteela moontopeela ana xaashe ka keleshaata Waaqatin Yursaalamipa ana qeede; ka xarrase paapahase karan co opa kullino ka qinda qutatta mina tooyno opa ana qeede; poroose oppaayye killootase Waaqa kara yoota xa'innitto ca.

Xuuma Hisqeeli 8:3 ပူးပေါင်းရင်းမြစ်များ

Mataafa a Nuqussa a paayyota 18:12

Oton ke kapa tawooyye, pora oppopa haapura Waaqa ken aano umma an upooy, oton aano ka Aki'api lelo, ikka ke dapooyye, ana isha. Aren anti orxaytaayti hakan shakkooyyen paayye ka Waaqa fuurri.

Mataafa a Nuqussa a lammatta 16:14

Ka poqase a kalisoota a sipla poora oppa kodame fuula Waaqa tura qaatishen; isase arta poqase a kalisoota haaraya isho tika qulqulloota kara co qeede ka poqase a kalisoota haarayatiiyyi a isha kodacciiseeyye qinda qutattatin xaaye.

Mataafa a Nuqussa a lammatta 2:16

Ka ishi kidene, “Ino orxayaatti tin orra kokokkoka kunda kenin are qapnaay, takka punu hapura Waaqa Poqallaatti qeede ka irroota qara taaki naaba kara lekkishe kodditaay, a aanen ka pora faden.” Isha ka ishootta kide, “Inna! ishootta in erkan.”

Mataafa a Nuqussa a lammatta 21:7

Minaase ka pahanasene a olahitta asheera qeede ka tikase a qulqulloota kela xaaye. Isheetta nefo porase a Waaqa Taawwiti isho innaadi Selemooni kide, “Tikoose isho Yursaalamise an Isira'eeli pisa oppa reexade kara'en maxxiyyo haka paraparati halacciisa.”

Mataafa Masmuureta 78:58

Ka irrowwasene a qara' killowwa' sakatannaanetin isha tanayshen, ka waakkaasso a xefadenetin yoota isha kara' xaashen.

Mataafa Sooketa 20:4

“Wa moonta quda ca taaki piita qara ca taaki pisha kela ca oppaayye pahana takkan nefo issi in xefadan ka killoota'en kodadan.

Mataafa Sooketa 20:5

Ka ishootta'en sakatadan umma in waaqaysadan; anti Yaahiwwe Waaqaayti an yo'ampayta Waaqa; a ana needda qara'e, juppoota a aappadaasso minanne haka xelta sessa ka a afuri'in hellaasso qattaani.

Mataafa Sooketa 34:14

“Anti Yaahiwwe a maxxiyyo yo'ampayta kodde an yo'ampayta Waaqa'ey, ana mali Waaqa pila'en waaqaysadan.

Xuuma Ermiyaasi 32:34

Tikoose maxxiyyon halaamte kela'e killoowwasene xaaysho an jippe xaayen ka nyalshen.

Xuuma Ermiyaasi 7:30

Waaqa ikiini, “Samayta Yihuta wa neeqa'e fuuliyyo tura kode; tikoose maxxiyyon halaamte kela'e killowwasene xaaysho an jippe xaayen ka nyalshen.

Xuuma Hisqeeli 1:1

Para kunda sessatta oppa leya afrattati ka leyoose oppa kuyyaata kenattatiiyyi an kaba Kepaari kapaayye orrase poojameppa cooyye, moontada paname anka keleshaatoppan Waaqa akke.

Xuuma Hisqeeli 10:3

Ete namase' kulleeyye, kirupeelewwa tikase a qulqulloota kela qinda tupattatinni qa'aden; urratta ka paapahase a karan co immake.

Xuuma Hisqeeli 11:1

Hapura ka opeela ana xaashe ka xarrase tika Waaqatiiyyi qinda piirtotatin qato ka fuulaadi qinda piirtotatin desa oorshepa ana qeede; kullaysuma xarra oppaayye nama kunda lakki keni ca. Anka ishoottoppaayye saarra samayta Asaaniya inna Asuuri isho Felaatiya inna Pannayya akke.

Xuuma Hisqeeli 11:24

Hapura Waaqa ka opeela ana xaashe ka keleshaatase a ana' daashenne, orrase' poojame kapopa piita Paapilooni opa anan aane; sekkammaayye keleshaatase an akke ka ana qara alle' tawe.

Xuuma Hisqeeli 2:9

Eten tooyyadeeyye tin, anka harka mataafa a ollopa marrammo a kara taafame qapade ka anopa deraade akke.

Xuuma Hisqeeli 3:12

Sekkammaayye hapura ka opeela ana xaashe; anka nessa a kutta a lellehayta piita a ana kamma desa xaano dakaye; ikka kiini, “Ulfeena Waaqa a poraadippa ulfeessamo.”

Xuuma Hisqeeli 3:14

Hapura ka opeela ana qeede ka anan aane; anti ka iskaranxata miirode ka quumattaan aane; hupna Waaqa ka ana qara' ulsaade.

Xuuma Hisqeeli 37:1

Hupna Waaqa ka ana qara' de'e, hapura Waaqa ka ana qeede ka otanta naabase a lafa orra a kokeetin immakaade oppa ana lekkishe;

Xuuma Hisqeeli 40:2

Ka keleshaata Waaqatin piita Isira'eeli opa anan aane; ka irroota takka akata dera qara ana xaaye; wa katama paha ka irrootasete qinda tupattatin caan.

Xuuma Hisqeeli 43:5

Hapura ka opeela ana qeede ka paapahase karan co opa anan aane; tin tikase a qulqulloota ka ulfeena Waaqatin immakaatte.

Xuuma Hisqeeli 43:8

Ishootta' xarra tikaaysho a killoota'e xarra tikiyyo oppopa dehaysaden; otantoppa qussa patta ka ca ka nyalaasso a kodeneetinni maxxiyyo a qulqullaawe' nyalshen; semalla anti ka miiriyyon ishootta pire.

Xuuma Hisqeeli 5:11

Semmalla Waaqase' piisa qara qapo ikiini, ‘Anti caattampayta, kodeetiyyonnen xaxanni; qoota ishina waasene xaayshin jippamma ka nyalaassinan tikiyyo a qulqulloota nyalissen malla anti alle'en ishin tawsha, umma nama takka nefo'e an diisho umma an suraysado.

Xuuma Hisqeeli 7:20

Siraasso a paxaaratinni isi jeejjini ka oppaayye killannasene xaaysho jippame ka nyale kodaden. Semmalla anti wossen xaaysho'en nyalaapa oorsha.

Xuuma Hisqeeli 8:5

Ikka ana kide, “Atti to'ampayta namatiiyyi, qinda qutattatin dela tooyyado!” Anka qinda qutattatin dela tooyyade; xarra a pora kalisootati qinda qutattatinni killootase Waaqa kara yoota xa'innitto ka eeyye kittaaw.

Xuuma Hisqeeli 9:2

Tin nama lehi a matta mina meehaaysho a oranna harkoppa' qapade ka qinda qutattati xarrase ela qatooyye xata deeni; ishootta qudaayyeew, nama takka mehadda qaaha kalsade ka koroja a meeha taafeta surraappa' hiddade ka caaw. Ka kullen ka porase a kalisoota silpa kapa qa'aden.

Xuuma Taani'eeli 10:10

Sekkamma harka nama ka an quda qape ka ela ana xaashe; anka kilpallaan kilpiippade ka harkaan piita qapade.

Xuuma Taani'eeli 10:18

Erkampattootase nama pahato ka a lammattati ana quda qappatteew anka kokkonnaade.

Xuuma Taani'eeli 5:5

Sitiiyyi eennow qupiyya a harka nama'e akkaade ka tika nuqusati qussa a saalame quda'e, porase' qara ipsa xaaynaan minaadesa paata puusni; nuqusa ka qupiyyasene' paata puusna akke.

Kodampaya 8:39

Ete pishaappa sookeneeyye, Hapura Poqalla ka Filippoosi qeede; umma kunaytase sekkammaayye isha in akkine; a koddito ma xasanne poraadi qapade ka kalta qaraaw caade.

Mataafa oppa' Ooreta 32:16

Waaqadda a pilaati sakatattaanne isha kara yoota xaashen; ka kodaddasene xaaysho jippameetinni isha tanayshen.

Mataafa oppa' Ooreta 32:21

Wa a Waaqa in koddininitinni ana kara yoota xaashen; ka killannaassotin ana miirayshen; anti nefoow, samayta a puyatamennen ishootta kara yoota xaashaaw; ka eeppa samaytatin ishootta miiraysha.

Mataafa oppa' Ooreta 4:24

Maana malla Yaahiwwe Waaqaayshin yo'ampayta Waaqa, a apitta mina paata kupnooy.

Mataafa oppa' Ooreta 5:9

ka tura in kilpiippadan ka in waaqaysadan; anti Yaahiwwe Waaqaayshin an yo'ampayta Waaqa ka a ana needda haka xelta sessa ka a afuriti juppoota a aappadaassoti malla hellaasso qattaaniiy.

Mataafa oppa' Ooreta 6:15

Akka miira Yaahiwwe Waaqaayshina ishin qara in xaanin ka piita qara ishinan patinnini'i, tooytaada; maana malla Yaahiwwe Waaqaayshin isase otantaayshin oppaayye kalo yo'ampayta Waaqa'ey.

Mataafa Iyyaasu 24:19

Iyyaasu ka samayta orshe ka kide “Isha qulqullitta ka yo'ampayta Waaqa'ey, ishina isha kela koda kodeeta a ettanissan, umma isha falqoose a koonittan isho juppootaayshin piisa ishina in diisho.