Xuuma Hisqeeli 7:8 - Mataafa Qulqulloota

⁸ Anti dehaynittoppa'en ke qara aariyyo tuqa ka miiriyyo ke qara' qeeda ka akka saantaayti mina'e ke qara' farata ka akka waasene an jippina a' koote' piisa mina ke qatta'a.

Xuuma Hisqeeli 7:8 ပူးပေါင်းရင်းမြစ်များ

Mataafa Otoowwa a lammatta 34:21

“Qoota aappadaanno Waaqa in ajajammin ka wa mataafose kara taafameetin in kallaannin malla, miira a Waaqa a kutta ino qara opayeey, qootiyyo desa ka qoota peela Isira'eeli isho a Yihutaati desa, aana ka wa mataafose teyade kara taafame piisa maana akkima kodden Waaqa kaassada.”

Mataafa Masmuureta 79:6

Samayta ke in upnin ka mankistewwa maxxaayti haleeni in kinnini qara'e, miiraayti tuqe.

Xuuma Issayyaasi 42:25

Semmalla miiraadi a apitta ino qara' tuqe, ka hupna oranna a apitta' mina ino kapan tiitayshe; ma xoori ino in kalle, ikka a apitta' mina ino kupe, umma matte an qapnaanne.

Xuuma Ermiyaasi 36:31

ka juppootaaysho malla isha isho hellaadi ka kutkuttowwaadi qatta'a; ka neequmtase an ishootta qara qeeda' haasawade ikka dakaya tiiten piisa ishootta isho a Yursaalami kara kala ka samayta Yihuta qara qeeda.”

Xuuma Ermiyaasi 7:20

Semmalla, Waaqase we piisa qara qapo asse kiini, “Miiriyyo ka aariyyo poroose oppa'e qita; ka nama ka horeeta ka qora isho unta a dullaappa kitto piisa qara' qita; ka opaya umma in libbo.”

Pooyta Ermiyaasi 2:17

Ha Waaqa, wa koda dikade idikkishe; qaaletase' xaadi a xatta haasawade idikkishe. Ha a ke in suraysannin mali alle ke' pashshe; ka akka paarakaalaatti rakkootaaytin xasoodane' kode; ka hupna a paarkaalaatti kokkonayshe.

Pooyta Ermiyaasi 2:4

Ka akka a paarkaala mina'e, paanta qapade, ka harkaadi a akkittatin pokka' harmisade, ka wa paxaara' piisa alle' xolmaandesa quure, ka tukkana enenta Siyyooni qara'e, miiraadi akkima apitta' mina opayshe.

Pooyta Ermiyaasi 4:11

Waaqa miiraadi tura xarra pane ka aaraadi a opayno tupaxata tuqe; ka Siyyoonippa apitta qape, kirittaadi kuli ka kupade.

Xuuma Hisqeeli 11:21

Ma xoori sene a karittaaysho killannasene xaaysho jippame ka kodaddasene xaaysho nyale kamma anno'e, Waaqase' piisa qara qapo ikiini, ‘Akka kodaayshoti mina'en ishootta qatta'a.’

Xuuma Hisqeeli 14:19

Taaki oton piisse oppopa paaqa orra pirro erkooyye ka isheetta kara nama ka horeeta pireetan miiriyyo akkishooyye,

Xuuma Hisqeeli 16:43

Qoota etaatti a innuma' matte a oorsannin ka kodaddaasene' xaaytin ana miirasse malla; semmalla tin anti kodaayti mina'en firteeta ke parpaaccisnitto ke qara' daashe; ana Waaqase' piisa qara qapo asse kiini. Kodase' xaayti jippame qara'e dahalsatta a' padaawanne?”

Xuuma Hisqeeli 16:59

Dukaatan Waaqase' piisa qaropa qapo ikiini, “Atti ke a xaxaayyo tuffatte ka kodayteeta pootte akka' koote kapa'en ke qatta'a.

Xuuma Hisqeeli 18:30

Waaqase' piisa qara qapo ikiini, ‘Ishina samayta Isira'eelitiiyyi, anti akka kodaayshina kapa'en ishin takka takka qara' farataay, juppootaayshin oppa oora! Ka akka' juppootaayshinan a pirammini'i, juppootayshin piisa oppa tiitaawa!

Xuuma Hisqeeli 20:13

Ma xoori samayta Isira'eeli koommaytoppa'e ana falqe umma taantewwaayyonne in kallaanne ka seerase xayyo kadi nama tooytannaayye ishin caattaan kallaanno jippen ka a kuttati kuyyaatiyyo a nessuma nyalshen; anka dikade ka kide, Koommaytoppa alle ishootta pira'en aariyyo ishootta qara' tuqa.

Xuuma Hisqeeli 20:21

Hellaasso ka ana falqeneew; umma taantetiyyonne, in kallaanne ka seerase' xayyo oto nama tooytannooyye caattaan kallaanno qanqannissa in tooytaanne ka kuyyaatiyyo a nessuma' nyalshen; anka dikade ka kide, ‘Aariyyon ishootta qara' tuqa ka koommaytoppa' miiriyyo ishootta qara' paafada.’

Xuuma Hisqeeli 20:33

Anti Waaqase piisa qara qapo in kiini, anti' caattampayta koddeetiyyonnen xaxanni! Harkase' xayyo kokkoka ka hupnase' xayyo kutta isho aariyyo ishin qara' tuqaanne a dukaatatin ishin qara' nuqusuma.

Xuuma Hisqeeli 20:8

Ishootta' xoori ana falqen umma ana dakaya in heennaanne; umma ishoottoppa nama takka' nefo pahanaddosen a killoota ifatamma iskapaayye in sekanne; umma killannasene a Kipsi in diinne; anka kide, a piisse a Kipsi kara caaneewwen aariyyo ishootta qara' tuqa ka miiriyyo ishootta qara' paafada.

Xuuma Hisqeeli 22:31

Semmalla Waaqase' piisa qara qapo ikiini, ‘Aariyyon shootta qara' tuqa ka miiriyyo a kokkokan ishootta kupa ka dapaaysho' minan ishootta qatta'a.’”

Xuuma Hisqeeli 24:14

Anti an Waaqa ana sede haasawade. Isheetta ikoddita, anti ka koda; umma iskammandesa an ooro; umma an suraysado, umma dikattiyyo an pursho. Akka kodaayshina isho akka saantaayshina mina'e ishin qara' faratamta. Sede ana Waaqa piisa qara qapo asse kiini.”

Xuuma Hisqeeli 30:15

Ka katamaasene a Pelusiimi mishshikeeta Kipsi kodde qara aariyyo tuqa; ka samaytase a Teepisi dikoota in qapnin qishsha.

Xuuma Hisqeeli 33:20

Ma xoori ishina samayta Isira'eelitiiyyi, ikiinittane, ‘Saanta Waaqa in qajeelle’ Ma anti ishin takka takka qara'en akka saantaayshina mina' farata.”

Xuuma Hisqeeli 6:12

A pora sekaayye co paaqa orra pirronne to'a; a pora dehaayye co ka orannaappa' to'a; a pahe ka peela hase nefoow lootanne to'a; anti assen ishootta qara' miiriyyo a kutta qeeda.

Xuuma Hisqeeli 7:27

Nuqusa ipooya, taanynya a kutta ka xasa mura; harka samayta piita ka tammaqtan qishshaamoodan; anti ka akka saantaayshoti' qara ishootta qara' koda ka akka muraassoti' mina ishootta qara' farata. Ikka akkan Waaqa kodde upnaadan.”

Xuuma Hisqeeli 7:9

Umma iltiyyo ishinan suraysatto; umma ishina' diissata an kodo; haka waasene an jippina koda tupa' tawnittane'e, akka saantaayshina' qara'en ishin qatta'a; akka sitiiyyi a ishin qattaano akka ana Waaqa koddite upnaattan.’

Xuuma Hisqeeli 9:10

Ma xoori anti kodaaysho kapa'en ishootta qatta'a diisheey iltiyyo ishoottan suraysatto; umma karittiyyo ishootta'en nyarraho.”

Xuuma Hisqeeli 9:8

Ete ishootta lennaan anti ka xawwaati haseeyye, piitopan pi'e ka fuula piitan kaye ka ullupe ka kide, “Oo ino kido! Waaqqo ke a piisa qara qapo! Hela asse' miiraayti Yursaalami qara' tuqta ka peela Isira'eeli' piisa pirta?”

Xuuma Taani'eeli 9:11

Samayta Isira'eeli' piisa ka seeraayti qepshe ka haasaatti' ajajama tiite. Akka qootan ke' dakaya tiinne malla jiijasene a' xaxaan Muuse' seeran daasse ino qara' qeette.

Xuuma Taani'eeli 9:27

Mukissampaytase tappa takkan kara'ew samayta lekayta olli kodayteeta kodada ka paka tappoosene kara'e kalisoota isho' daassata dehaannito piisa alle' hattisha ka pakkoose oppa'e haka kuyyaatase a toota isha qara' kidamte kaynitto kara'e tika qulqlloota' kara'e nyala hente koda.

Hoose'i 12:3

Yayqoopi a karitta aayyaassoti kara cooyye, innaasso' tura' qata fade ka kamma kaminta qape ka ete kuttadeeyyeew Waaqa soote.

Hoose'i 5:10

Waaqa ikiini, “Saarra Yihuta a orra xeella laayyo tuukanno mina'e kodden; semmalla anti miiriyyonnen akka malxa' mina alle ishootta haada.

Xuuma Nahoomi 1:6

Ata ayno nyara ka miiraadi tura' qa'atta ettansha? Miiraadi akka apitta' mina'e kupniiy, ata ayno aarase' xaadi a miira orra xaalanno tura' qa'atta ettansha? Sede qaran xaate'e shilalla kuli kakkaamanni ka fidammiiy!

Keleshaata 14:10

taadetase a wayneeta a miira Waaqa'e ikkan. Taadese a wayneeta nefo, a we oppa in lahammin maliiyyi kuppaayyasene a miira Waaqa oppa kishshamte. Ishootta, fuula erkampattowwa qulqullaawe isho a laahaseti tura'e, apitta isho daka apittatin rakkoota a kutta akkadan.