Xuuma Hisqeeli 7:4 - Mataafa Qulqulloota

⁴ Umma ilda a suraysattaatin an ke an tooyo; umma an ke' diissata an kodo; ma akka saantaayti ka waasene an jippina a ke kara ca kapa'en ke qatta'a!’ Ishina ka akkan Waaqa kodde upnaattan.’

Xuuma Hisqeeli 7:4 ပူးပေါင်းရင်းမြစ်များ

Xuuma Ermiyaasi 13:14

Waaqa kiini, “Nama takka a pila ollinnin tooma ka aappada isho hellaasso a diira ollin tottooma; ka ishootta nyarraha ka suraysatta isho isheetta diissata mali alle ishootta pira.”

Xuuma Ermiyaasi 16:18

Qoota piitiyyo killannasene xaaysho a pukkada mina caatta in qapnini ka jippameetin nyalshen malla; ka piitase lehandaayyo koddite wa jeeratin immaken malla; dapaaysho isho juppootaaysho a koden malla harka lakkin ishootta qatta'a.”

Xuuma Ermiyaasi 25:14

Mankistewwa a leka isho nuqussa a kutkutta ka karpishshadda ishootta kodadane; anka akka kodaayshoti ka akka koda harkaayshoti mina ishootta qatta'a.’”

Xuuma Hisqeeli 11:21

Ma xoori sene a karittaaysho killannasene xaaysho jippame ka kodaddasene xaaysho nyale kamma anno'e, Waaqase' piisa qara qapo ikiini, ‘Akka kodaayshoti mina'en ishootta qatta'a.’

Xuuma Hisqeeli 12:20

Katamaddasene a samayta kara' kallaanna ka lulle hasan; piitase ka onta; ikka akkiman anti Waaqa kodde upnaadan.’”

Xuuma Hisqeeli 16:43

Qoota etaatti a innuma' matte a oorsannin ka kodaddaasene' xaaytin ana miirasse malla; semmalla tin anti kodaayti mina'en firteeta ke parpaaccisnitto ke qara' daashe; ana Waaqase' piisa qara qapo asse kiini. Kodase' xaayti jippame qara'e dahalsatta a' padaawanne?”

Xuuma Hisqeeli 22:31

Semmalla Waaqase' piisa qara qapo ikiini, ‘Aariyyon shootta qara' tuqa ka miiriyyo a kokkokan ishootta kupa ka dapaaysho' minan ishootta qatta'a.’”

Xuuma Hisqeeli 23:31

Atti' qoota saanta enentaayshina oppan ante malla, anti' tiwwase' xaadi a qitaateta'en harkaaytippa' xaaya.”

Xuuma Hisqeeli 23:49

ishootta ka paalakumaayshin ishin qaropaaw oorshan; ishina ka juppootase' xaayshin a killoota sakatatta minan qatta'amtan ka akkiman anti Waaqa piisa qara qapo kodde upnaattan.”

Xuuma Hisqeeli 24:14

Anti an Waaqa ana sede haasawade. Isheetta ikoddita, anti ka koda; umma iskammandesa an ooro; umma an suraysado, umma dikattiyyo an pursho. Akka kodaayshina isho akka saantaayshina mina'e ishin qara' faratamta. Sede ana Waaqa piisa qara qapo asse kiini.”

Xuuma Hisqeeli 33:29

Kodaddasene' xaaysho jippame minanne, oton piitoose lulle hattisho ka onshooyye, ikka akkan Waaqa kodde upnaadan.’”

Xuuma Hisqeeli 5:11

Semmalla Waaqase' piisa qara qapo ikiini, ‘Anti caattampayta, kodeetiyyonnen xaxanni; qoota ishina waasene xaayshin jippamma ka nyalaassinan tikiyyo a qulqulloota nyalissen malla anti alle'en ishin tawsha, umma nama takka nefo'e an diisho umma an suraysado.

Xuuma Hisqeeli 6:14

Anti ka ishootta qaropa harkiyyo a kokkoka xaasha ka piitadda a oppa kalane' piisa, koommayte paayyatte haka katama ripilaati'i piitaaysho lulle hattisha; ishootta ka akkiman anti Waaqa kodde upnaadan.”

Xuuma Hisqeeli 6:7

Orraayshin a leysame piitaayshin oppan desa dakkama; akka akkiman anti Waaqa kodde upnaattan.

Xuuma Hisqeeli 7:27

Nuqusa ipooya, taanynya a kutta ka xasa mura; harka samayta piita ka tammaqtan qishshaamoodan; anti ka akka saantaayshoti' qara ishootta qara' koda ka akka muraassoti' mina ishootta qara' farata. Ikka akkan Waaqa kodde upnaadan.”

Xuuma Hisqeeli 7:3

Oo piita Isira'eelitiiyyi! Amma piraampiraayti idesa kaye; anti miiriyyon ke qara' tuqa ka akka saantaayti mina ke qara' farata ka wa an jippina a' koote piisa kapa'e, ke qatta'a.

Xuuma Hisqeeli 7:9

Umma iltiyyo ishinan suraysatto; umma ishina' diissata an kodo; haka waasene an jippina koda tupa' tawnittane'e, akka saantaayshina' qara'en ishin qatta'a; akka sitiiyyi a ishin qattaano akka ana Waaqa koddite upnaattan.’

Xuuma Hisqeeli 8:18

Semmalla miiriyyonnen ishootta qara' de'a; umma karittiyyo ishoottan suraysado; umma diissata an ishootta an kodo. Kadi punu nessa kuttan anopa ullupannaaneeyye, ishootta an dakayo.”

Xuuma Hisqeeli 9:10

Ma xoori anti kodaaysho kapa'en ishootta qatta'a diisheey iltiyyo ishoottan suraysatto; umma karittiyyo ishootta'en nyarraho.”

Hoose'i 12:2

Waaqa samayta Yihuta olli haasa qapa ka sanynyeeta a Yayqoopi akka kallaatayshoti' mina'e qara' dapa mura ka akka kodaayshoti' mina'e kateettaaysho ishootta' oorsha.

Hoose'i 9:7

Kuyyaata oppa dapa muramo akka kayte, kuyyaata oppa haalota pooyyamto ka dehaatte samayta a Isira'eeli a upnaado. Juppootaayshin qoota koopte, paarkaalummaataayshin ka akata kokkoki malla, xuumampayta akka eepa' mina'e' dikten ka nama hapura Waaqa' qara co akka taarayta' mina dikten.

Xuuma Amoosi 7:8

Waaqa ka ana' kide, “Ata Amoosi maana akkini?” Anka oorshe ka kide, “Tumpeetan akkini.” Harmitta a qupeeta a tumpeetan(pinkoota) ekkaysanno. Waaqa ka ana' kide, “Qoota samaytase' xayya a Isira'eeli akkima kawwatta a tumpeeta mali dawamte mina'e, tonqolqola kodde malla; pahanoosen a tumpeeta neequmtaysho'e akkinniiy, hakan ishootta qatta'o mali an diisho.

Xuuma Sakkaariyaasi 11:6

Anti amma desa orroose piisse oppa kalo an suraysado; nama takka takkan qeeda ka harka kantittaadi isho a nuqusaadi oppopa tuukka; ishootta ka piisse rakkacciisan; anti umma an harkaaysho oppa ishoottan an paho.”

ipro 10:30

A kide, “Haalota xayyo, ana qara haalota pooyya” Ayno akkima kodde in upna. Akkimoose' mina'ew, ikiini “Poqalla samaytaadi qara'e farata.”