Xuuma Hisqeeli 7:3 - Mataafa Qulqulloota

³ Oo piita Isira'eelitiiyyi! Amma piraampiraayti idesa kaye; anti miiriyyon ke qara' tuqa ka akka saantaayti mina ke qara' farata ka wa an jippina a' koote piisa kapa'e, ke qatta'a.

Xuuma Hisqeeli 7:3 ပူးပေါင်းရင်းမြစ်များ

Mataafa Uumata 6:13

Waaqa ka oori Noohe' kide, “Sanynyeeta inna nama alle patissa'e, in piisade. Qoota piita nyalaan immakaatte malla, anti nama ka piitan ollin pashshaay, upnaado.

Xuuma Issayyaasi 47:7

Ka kiite, ‘Anti haka paraparatin poqolteeta kodda,’ Umma wossen a' koonitta matte a' qapnaanne, umma wa a kamma de'a a upnaanne.

Xuuma Ermiyaasi 13:14

Waaqa kiini, “Nama takka a pila ollinnin tooma ka aappada isho hellaasso a diira ollin tottooma; ka ishootta nyarraha ka suraysatta isho isheetta diissata mali alle ishootta pira.”

Xuuma Hisqeeli 11:21

Ma xoori sene a karittaaysho killannasene xaaysho jippame ka kodaddasene xaaysho nyale kamma anno'e, Waaqase' piisa qara qapo ikiini, ‘Akka kodaayshoti mina'en ishootta qatta'a.’

Xuuma Hisqeeli 16:38

Ka firteeta iskatta a dahalsanno isho a orra lenno qara' faratammitto ke qara' farata ka aariyyo isho yootiyyon ke ishsha.

Xuuma Hisqeeli 16:43

Qoota etaatti a innuma' matte a oorsannin ka kodaddaasene' xaaytin ana miirasse malla; semmalla tin anti kodaayti mina'en firteeta ke parpaaccisnitto ke qara' daashe; ana Waaqase' piisa qara qapo asse kiini. Kodase' xaayti jippame qara'e dahalsatta a' padaawanne?”

Xuuma Hisqeeli 16:59

Dukaatan Waaqase' piisa qaropa qapo ikiini, “Atti ke a xaxaayyo tuffatte ka kodayteeta pootte akka' koote kapa'en ke qatta'a.

Xuuma Hisqeeli 18:30

Waaqase' piisa qara qapo ikiini, ‘Ishina samayta Isira'eelitiiyyi, anti akka kodaayshina kapa'en ishin takka takka qara' farataay, juppootaayshin oppa oora! Ka akka' juppootaayshinan a pirammini'i, juppootayshin piisa oppa tiitaawa!

Xuuma Hisqeeli 21:25

Ke a etaayti a oppa qatta'amto kayen, kuyyaataayti ka dehaatte, ke a nyalte ukkuttootayti saara Isira'eelitiiyyi!

Xuuma Hisqeeli 22:31

Semmalla Waaqase' piisa qara qapo ikiini, ‘Aariyyon shootta qara' tuqa ka miiriyyo a kokkokan ishootta kupa ka dapaaysho' minan ishootta qatta'a.’”

Xuuma Hisqeeli 24:14

Anti an Waaqa ana sede haasawade. Isheetta ikoddita, anti ka koda; umma iskammandesa an ooro; umma an suraysado, umma dikattiyyo an pursho. Akka kodaayshina isho akka saantaayshina mina'e ishin qara' faratamta. Sede ana Waaqa piisa qara qapo asse kiini.”

Xuuma Hisqeeli 33:20

Ma xoori ishina samayta Isira'eelitiiyyi, ikiinittane, ‘Saanta Waaqa in qajeelle’ Ma anti ishin takka takka qara'en akka saantaayshina mina' farata.”

Xuuma Hisqeeli 36:19

Anka mankistewwaappopa ishootta fide; ikka piitaddaappa' pasen; anka akka kodaayshoti isho a kallaatayshoti mina ishootta qara' farate.

Xuuma Hisqeeli 5:12

Ishin oppaayye harka sessa oppa harka takka paaqa orra pirro isho lootanne pirama; harka sessa oppa takka'ew, oto katama kara alle qahanooyye, nyaapa ishootta pira; harka sessa oppa takka'ew, qindadda piisan desan alle ishootta pasisha ka ishootta kamma daana ka ishootta leysha.

Xuuma Hisqeeli 5:13

Miiriyyo ka seden harfa, anti ka miiriyyo a kutta ishootta qara' qeeda ikka sitiiyyi anoppa utta. Oto miiriyyo qa'ado kammaayye ikka akkiman anti Waaqa kodde ka yootan haasawade upnaada.

Xuuma Hisqeeli 7:2

“Atti to'ampayta namatiiyyi, Waaqase' piisa qara qapo ipiita Isira'eeliti' kiini, ‘Piraampira a piitoose piisa idesa kaye.

Xuuma Hisqeeli 7:27

Nuqusa ipooya, taanynya a kutta ka xasa mura; harka samayta piita ka tammaqtan qishshaamoodan; anti ka akka saantaayshoti' qara ishootta qara' koda ka akka muraassoti' mina ishootta qara' farata. Ikka akkan Waaqa kodde upnaadan.”

Xuuma Hisqeeli 7:4

Umma ilda a suraysattaatin an ke an tooyo; umma an ke' diissata an kodo; ma akka saantaayti ka waasene an jippina a ke kara ca kapa'en ke qatta'a!’ Ishina ka akkan Waaqa kodde upnaattan.’

Xuuma Hisqeeli 9:10

Ma xoori anti kodaaysho kapa'en ishootta qatta'a diisheey iltiyyo ishoottan suraysatto; umma karittiyyo ishootta'en nyarraho.”

Hoose'i 12:3

Yayqoopi a karitta aayyaassoti kara cooyye, innaasso' tura' qata fade ka kamma kaminta qape ka ete kuttadeeyyeew Waaqa soote.

Xuuma Amoosi 8:2

Ka kide, “Amoosi maana akkini?” Anka kide, “Satara a luukkata oopnaatte oppa immakaatten akkini.” Sekkammaayye Waaqa ka ana' kide, “Samaytiyyo a Isira'eeli piraampiraaysho'e kayteey, anti arepa desa hakan ishootta qatta'o mali an diisho.”