Xuuma Hisqeeli 6:9 - Mataafa Qulqulloota

⁹ Ishin oppaayye a toota kela pahe ka piita pila opa poojame, piitase a oppopa poojameneeyye, matte ana oorsadan ka ete ana jippen ka killanna' sakatadeneeyye, a atta kitto akkima ana nyarrahasiisen upnaadan ka nyalaasso isho neequmtaaysho a koden piisa minanne isi nefo jippan.

Xuuma Hisqeeli 6:9 ပူးပေါင်းရင်းမြစ်များ

Xuuma Hisqeeli 20:43

Eeyye karaayye akka saantadasene' xaayshin ka kodaddasene' xaayshin a issin nyalissene matte oorsatan ka neequmta a' kooten malla isi xaccisattan.

Xuuma Issayyaasi 7:13

Issayyaasi ka kide, “Ishina a sanynyeeta Taawwiti koddeetiiyyi dakkaysada! Hela sede a' nama payyahinnittane ishina' qaje akka Waaqa payyahinnittaneewwe?

Mataafa Masmuureta 78:40

Koommaytoppa meeqaanne isha qara' xa'en? Ka lakoppa' meeqaan isha nyarrahasiisen?

Mataafa Iyyoopi 42:6

Semmalla waan kideetin in jeereey, kuyyaalayta isho taraappa'en kuti'a ka juppootoppa tiitaawa.”

Xuuma Sakkaariyaasi 10:9

Kadin punu piitaddaappa ishootta pasishe nefooyye, ishootta piitaddoosen sessekaati desa ana dikadan. Ishootta isho hellaasso takka'e pahan ka napseetan piitaaysho opa tiitaawan.

Xuuma Hisqeeli 20:7

Ka ishootta' kide, Ishina takka takkaayye pahanaddosen a killoota ifatamma a' qaropa ilda oorissene alle iskapa sekaysha ka killannosen a piita Kipsitin isi in nyalshan. Anti an Waaqa Poqallaassinaay.

Xuuma Issayyaasi 43:24

Atti tankarta alaawnitto kaajan ana'e a' piddine, umma hallaaka kalisootatin a ana' pakinne. Ma juppootaaytinni ana payyahisse; ka dapaaytin ana kaftisse.

Xuuma Hisqeeli 20:24

Maana malla seeriyyo in tooytaanne ka taantetiyyo jippeneey ka kuyyawwaayyo a nessuma nyalsheneey; ikka killannasene a aappadaasso ishootta' sakatadeneeti sakatattaan jaalaneey.

Xuuma Ermiyaasi 51:50

Waaqa ikiini, “Ishina oranna kela paheetiiyyi, are kara'en tawan! Ma aana ka piita sekaatiiyyi desa ana Waaqa matte oorsada ka Yursaalami in teyman!

Petiroosi a lammatta 2:14

Ka iskatta a akken piisa ilda sharmuutumatin tooyni, umma juppoota koda qaatinni in caan; umma xajeeltaaysho a juppoota koda faakni in caan. Ka orra amanteetannen qimmin sassapanni. Ka kaaja kakaabbini. Ishootta orra a jiijame.

Xuuma Hisqeeli 20:28

Piitase an akkan ishootta' daasho' xaxade oppopa eten ishootta kalinnooyye, pora oppa kunkunnawwa deddera taaki qoyra a haashsha qapo a akkinaan piisa kela'e kalisootaaysho' kalshen ka kalisoowwasene' xaaysho kupanna a anan miirayshene dehayshen ka tankartase' xaaysho alaawnitto qayyayshen ka kela' kalisoose' xaaysho a ikkayta tuttuqen.

Xuuma Hisqeeli 16:63

Oton anti juppootaayti a' koote piisa ke' diishooyye, akka dapaayti matte oorsatto ijeerta; umma jeeraayti malla afaa appaqqisso. Ana Waaqase' piisa qara qapo asse kiini.”

Xuuma Hisqeeli 16:43

Qoota etaatti a innuma' matte a oorsannin ka kodaddaasene' xaaytin ana miirasse malla; semmalla tin anti kodaayti mina'en firteeta ke parpaaccisnitto ke qara' daashe; ana Waaqase' piisa qara qapo asse kiini. Kodase' xaayti jippame qara'e dahalsatta a' padaawanne?”

Xuuma Amoosi 2:13

Semmalla anti akkima shila wa a qara pi'a jaqqalinno mina'en ishin jaqqalsha.

Mataafa Dikoota 15:39

Wa karittaayshin xajeela, iltaayshin ka akkita kamma akka a annini'i ka a almalummini'i, kayloosen oppa tooyyattan ka ajaja Yaahiwwe matte oorsattan ka kootan.

Xuuma Hisqeeli 12:16

Ma xoori mankistewwa a oppopa paqnaane karaayye, akka kodaase xaaysho jippame torrane'e ka akkan anti Waaqa kodde upnaadane'e, oranna ka loota isho paaqa a orra pirro kelaayyen ishoottoppa lamayaan paha.”

Xuuma Hisqeeli 7:16

Oton a peela hase ka qahe'e caayye, akka a elela naaba mina'e irrowwa qaropa sookan; nama piis ka juppootaadi a kode malla pora moomo'a.

Xuuma Hisqeeli 5:13

Miiriyyo ka seden harfa, anti ka miiriyyo a kutta ishootta qara' qeeda ikka sitiiyyi anoppa utta. Oto miiriyyo qa'ado kammaayye ikka akkiman anti Waaqa kodde ka yootan haasawade upnaada.

Xuuma Ermiyaasi 3:13

Waaqa ikiini, “Sede a Waaqa Poqallaati qara tiyyaan xaate; ka paajanna qora piisa kela killowwa a hapta olli almalumte, ka ana afa dakaya tiite, dapoose xaayti pattaaw tura amane.’”

Xuuma Ermiyaasi 3:6

Waaqa xelta a nuqusase a Iyyosiyaasiiyyi i'ana kide, “Hela wa Isira'eeletase amanteeta dapte koote i'akkite? Kunkunnaawwa a kukutta piisa qaropa fayyatte ka paajanna qora piisa kela dahalsatte.

Xuuma Issayyaasi 64:6

Ino' piisantiiyyin nyalle, kodinno a hanqeelluma kan soddinka uta; anka piisani a haashsha' mina oline, neequmtinno ka a puppeeta mina ino haate.

Xuuma Issayyaasi 63:10

Ma xoori ishootta isha falqen ka hapuraadi a qulqulloota nyarrahasiisen; seminan isha ka nyaapaaysho kodde ka mattaadi' ishootta torpe.

Mataafa Masmuureta 137:1

Eten kirrada Paapilooni kapa' kutiine ka Siyyooni matte oorsanneeyye inpooyne.

Mataafa a Nuqussa a lammatta 16:10

Nuqusase Akaasi ka Teklaati peleseri nuqusa Asoori kapopa Tamaasqopa aane ka poqa a kalisoota a eeyye ca akke ka atta akkima kodamen ka pahanaasso xaashe ka qeesittase Uriiya erke.

Xuuma Hisqeeli 6:10

Ka akkiman Waaqa kodde upnaadan; sede an kide neequmtan ishootta qara' qeeda paata patta asse an kiine.’

Xuuma Hisqeeli 16:61

Oton anti tuparraassina a ke tura' qata ka a ke kamma' qata' qeedo ka tuparraatti' kodo ka ke' daasho atti ka teyyattooyye, saantadasene' xaayti' matte oorsatta ka ishin jeerta; ma xoori sede kadi punu kodeetiyyo an ke olli kodade kara in kinniniiyi, assen koda.

Xuuma Hisqeeli 23:30

sede ke qara' qeedeey. Maana malla mankistewwa kela'e sharmuutumte ka killannaassotin isi nyalisseey.

Hoose'i 11:8

Ata Efreemi! Attan ke qara karitta kutada ka alle ke diisha? Ata Isira'eeli! Attan orra pilaati ke tarpisha ka daasha? Ka atta akka katama a Taama isho a Sepooymi' mina alle ke pashsha? Ha jaalala an ke' qapa' qoota dikkeeti kutti malla, sede ke qara' koda'e karittiyyo in ettaninne.

Xuuma Mikkiyaasi 5:13

Killowwasene a' xefattene ka tuuddasene a' kela xata sakatannittane'en ishin tura alle' pashsha, umma awwe desa wa a harkan xefatteneti'i a' sakatattan.