Xuuma Hisqeeli 5:2 - Mataafa Qulqulloota

² Ka oto kapa murama katamooseneti' qa'adooyye, nyirfasene a' pora sessa' qootte oppa harka takka qeede ka pahana katamaasene a' xa'isse kara' kupe ka harka sessaappa a lammatta' qeedew ka katamaasenetiiyyi laka tulan oppa muje ka katamaasene kapan desa seehshe. Ka harka a kela hase a sessatta' qeedew ka xayxaytoppan dela purraahe; anti koraatetannen ishootta kamma daanaay.

Xuuma Hisqeeli 5:2 ပူးပေါင်းရင်းမြစ်များ

Xuuma Ermiyaasi 13:24

Waaqa ikiini, “Akkima puppeeta alle ukkashsha fiinito mina'en alle ishootta fida.”

Xuuma Ermiyaasi 15:2

Oto ke kaassannaan ka kiinaane, ‘Ayshopan annaayye’ Ishootta kide, “Waaqa asse kiini, ‘A akka paaqa orra pirron le'ani qara muramte, a leeta aanen; a akka orannaappa piramane qara muramte, a orannaapa aanen; a akka lootan le'ane qara muramte, a lootan piramapa aanen; a akka poojamane qara muramte, a poojamaapa aanen’”

Xuuma Ermiyaasi 24:10

Haka piita an ishootta isho aappadaassoti daashe oppaayye pirammaan ka pannaane'e; anka oranna ka loota isho paaqa orra pirro ishootta qaropa erka.’”

Xuuma Ermiyaasi 38:2

Waaqa asse kiini, ‘Nama a katamoosen kara tawno piisa orana ka loota isho paaqa orra pirronne pirama; ma xoori, a xela Paapilooni oppopa aano icaada ka issin paha ka kallaada’ Dakayen.”

Xuuma Ermiyaasi 39:1

A Seteqiyaasi nuqusa Yihuta nuqusume para sakalattati ka leya kundattatiiyyi, Naapukedenasoori nuqusa Paapilooni xelaadi a oranna piisanne tuule ka Yursaalami kapa mure.

Xuuma Ermiyaasi 39:2

A Seteqiyaasi Yihuta qara nuqusumeeyye para kudanka takkatta ka leya afratta ka leyoose oppaayyeew kuyyaata sakalattati ikka kawwatta katama karan qaawa sookshen.

Xuuma Ermiyaasi 9:15

Waaqase we piisa ettaninno Waaqase a Isira'eeli asse kiini, “Semmalla tin anti samaysetin arkayta damsha ka pisha marseeta ishootta iksha.

Xuuma Ermiyaasi 9:16

Mankistewwa aappadaasso taaki a ishootta in upnini oppan desan ishootta fida; ka hakan ishootta pirrooti koraatetan kamma daana.”

Xuuma Hisqeeli 12:14

Dehaamampayaadi ka tooytampayasene' xaadi isha kapa ca alle'en isha kapa qindadda piisandesa fida ka koraatetan ishootta kamma daana.

Xuuma Hisqeeli 17:21

Xelaadi a oranna oppa mattiyya ka orannaappa' piraman; a peella hase ka qindadda piisandesa pasan; a sede piisa haasaawade akka ana Waaqa koddite akka upnaatta.”

Xuuma Hisqeeli 5:10

Semmalla ishin oppaayye aappada hellaasso'e daman; hellaa ka aappadaasso' daman. Anka ishin qara' farata ka a ishin oppa peela hase qindadda piisan desa alle' fida.’

Xuuma Hisqeeli 5:12

Ishin oppaayye harka sessa oppa harka takka paaqa orra pirro isho lootanne pirama; harka sessa oppa takka'ew, oto katama kara alle qahanooyye, nyaapa ishootta pira; harka sessa oppa takka'ew, qindadda piisan desan alle ishootta pasisha ka ishootta kamma daana ka ishootta leysha.

Xuuma Hisqeeli 5:3

Ka nyirfasene a' xayxaytoppandela purrahate quda lamaya qeede ka mehaddaatti a' kalsannittaati kaamaara mina' sukke.

Mataafa orra Lewi 26:33

Ka mankistewwaappa ishin pasisha; ka oraniyyo qapada ka ishin kamma daana; piitaayshin ka lulle hassa, katamaddaassin ka a qitqite koddan.

Xuuma Amoosi 9:4

Kadi punu paarkaala ishootta poojaneeyye, akka eyye'ew koraatetan piramane'en koda; anti assen ishin rakkacciisa disheey wa paxaara ana kapa a' teytan.”

Xuuma Sakkaariyaasi 13:8

Waaqa ikiini, “Orra piisse oppa co oppaayye, harka sessa oppaayye, harka lakki idaysama ka pirama; a koddito ma harka sessa oppaayye, harka takka hasa.