Xuuma Hisqeeli 48:8 - Mataafa Qulqulloota

⁸ Qinda piirtotati paayyatte haka qinda dumaatetati'i, piita a haminta Yihuta quda' qatto, a paldumaadi kiilomeetireeta kudanka lakki ka paka kaynaan, derumaadi ka asseew caan, qinda piirtotati paayyatte haka dumaatetati'i, a qoottota kafa takka mina kitto xawwi' reexxita; tika qulqulloota ka oppa' kinnaatta.

Xuuma Hisqeeli 48:8 ပူးပေါင်းရင်းမြစ်များ

Xuuma Issayyaasi 12:6

Ishina Siyyooni qara kalatiiyyi, qulqullittase a Isira'eeli ishin oppa kalo ikuttiiy, ililiwa ka xasan dawada.”

Xuuma Hisqeeli 48:21

Qoottose xawwi reexxamte isho piita a haminta katamaati qinda lakki piisan hasse, a saarase kutta a samayta'e koddita; sede nefo porase xawwi reexxame ka kiilomeetireeta kudanka lakki ka paka kaynooyye xaani ka xeela a qinda piirtota, kayni ka qinda dumaatatinniiw, porase kiilomeetireeta kudanka lakki ka paka kaynooyye xaani ka haminta kaffa qudandesa anni ka xeela a qinda dumaata' kayni; qoottose xawwi reexxamte isho tika qulqulloota, ishoottaayye otantoppa kinnaadan.

Xuuma Hisqeeli 48:35

Kawwatta a katama quda kitto tiitaawwataadi piisa, kiilomeetireeta sakali kayni; awseti desa paayyatte maxxa katamooseneti ka ‘Waaqa eeyye kara ca!’ kidama.”

Xuuma Hisqeeli 48:9

Qoottota a Waaqa' reexxito, derumaadi kiilomeetireeta kudanka lakki ka paka ka paldumaadi kiilomeetireeta kudani.

Qorontoosi a lammatta 6:16

Tika qulqulloota a Waaqa killanna olliiyyi, olli' kalayta maana'e qapta? Waaqa akka haasawade ka kide, “Ishootta oppa'en kallaada ka ishootta oppa pora aana, ka Waaqaaysho' kodda, ishootta ka samaytiyyo koddan.” mina'e, ino takka takkaayye an tika qulqulloota a caattampayta Waaqa.

Qolaasiisi 2:9

Immakkoota Waaquma piisa, dakintanne Kiristoosi kara kallaanni.

Keleshaata 21:22

Waaqa Poqalla isase we piisa ettaninno isho laahase qoota tikaadi a qulqulloota kodden malla, katamasene kara'e tika qulqulloota an akkine.

Keleshaata 21:3

Anka nessa kuttayta a sufaana qara desa kiino, “Tin tika a kara Waaqa kalo orroppa kitta. Waaqa orra olli kallaada ishootta ka orraadi koddan. Waaqa ka mattaadi ishootta olli caada ka Waaqaaysho kodda.” dakaye;

Keleshaata 22:3

Umma arepa desa jiija takkan nefo in kinnaadan. Sufaana Waaqa isho a laahaseti katamasene kara kinnaadan, orxayaadi ka isha waaqaysadan.