Xuuma Hisqeeli 40:4 - Mataafa Qulqulloota

⁴ Ka ana kide, “Atti to'ampayta namatiiyyi, wa malla arepa qeedamte akkan we takkan ke akkisho mallaay, waan ke akkinna qanqannissa tooye; ka qanqannissa dakkaysado; ka qanqannissa qalpeeffado ka wossen piisa samayta Esra'eliti lele.”

Xuuma Hisqeeli 40:4 ပူးပေါင်းရင်းမြစ်များ

Xuuma Issayyaasi 21:10

Oo samaytiyyo! Ishina awtaappa' tumameetiiyyi; waan Waaqa Poqalla a Isira'eeli a we piisa ettaninno qara dakaye, seden ishina' lela.

Xuuma Ermiyaasi 26:2

Waaqa ka ana asse kide, “Paapahase a tika Waaqa oppa qa'ado; ka qaaleta an akka ishootta lelto ke ajajno orra a katamadda Yihuta kara sakatatta tika Waaqa opa deeno piisa' lele; umma waan ke lele oppa takkan nefo in hattishan.

Xuuma Hisqeeli 2:1

Ikka ana' kide, “Atti to'ampayta namatiiyyi, xa'e ka ela qa'ado ke ollin haasawadaay.”

Xuuma Hisqeeli 2:3

Ikka ana' kide, “Atti to'ampayta namatiiyyi, anti tiyyoolaytase a samayta, samaytase a Isira'eeli oppopan ke erkini. Ishootta isho aappadaasso haka awweti'i ana tiyyen.

Xuuma Hisqeeli 3:17

“Atti' to'ampayta namatiiyyi, anti samayta Isira'eeliti'in tooytampayta' ke kode; oto afaayyoppa qaaletiyyo dakaytooyye, akka turadesaaw ishootta' lelta.

Xuuma Hisqeeli 43:10

Ka sekkamma ana' kide, “Atti to'ampayta namatiiyyi, qoota qupeeta tika qulqullootati desa, samayta Isira'eeliti torre ka akeekaadi kuli ishootta' la'ayshe; ikka juppootaayshotin jeeren.

Xuuma Hisqeeli 44:5

Waaqa ka ana' kide, “Atti to'ampayta namatiiyyi, qoota taantewwa ka seera a tika qulqulloota a Waaqati desa, waan ke' lella' piisa ildaattin akke ka nappaattin dakaye ka qanqannissa qalpeeffado ka tika qulqulloota kelopa kulleeta ka sookeeta orra a atta paho akka faqqatammitto ka faqqatammi in kinnin qanqannissa qalpeeffado.

Xuuma Hisqeeli 47:6

Namase ka ana' kide, “Atti to'ampayta namatiiyyi, hela sede i'akkini?” Ka kamkamaasene a kirra qaropa anan tiitaawe;

Maatiyoosi 10:27

Semmalla waan anti tukkantoppa ishina lela, ishina la'aytoppa haasawada; wa napahatoppa ishina hushushaytan lelame, pora opeela kide qara xata salisha.

Maatiyoosi 13:9

Nama napahata a dakaynitto qapo, a dakayo.”

Kodampaya 20:27

Dikatta a Waaqa piisan ishina' lele diishe waan ishin qara hattishe takkan nefo in caan.

Qorontoosi a paayyota 11:23

Kollissa an Poqalla qara teyyade ka ishina' tarpishe sede. Poqalla halkeettase a oppa qapsiisameeyye, laaqqota qeede,

Mataafa oppa' Ooreta 32:46

i'ishootta kide, “Qaalewwa a seeroseti piisa akka kodane'e akka hellaassina ajajtane'e amman ishina lelliiy, sede piisa karittaayshin kara qapada.