Xuuma Hisqeeli 40:2 - Mataafa Qulqulloota

² Ka keleshaata Waaqatin piita Isira'eeli opa anan aane; ka irroota takka akata dera qara ana xaaye; wa katama paha ka irrootasete qinda tupattatin caan.

Xuuma Hisqeeli 40:2 ပူးပေါင်းရင်းမြစ်များ

Mataafa Otoowwa a paayyota 28:12

Ka akeekase a qupeeta a hapura mattaadi oppa xaaye a paapahadda tika a Waaqa ka a kaatadda kapandesa caati ka a tikka meeha a tika Waaqa isho a tikka daassawwa xawwi reexame kara xaaynaane Selemooni daashew.

Mataafa Otoowwa a paayyota 28:19

Taawwiti ka kide, “Sede piisa tooy harkase a Waaqa ana qaraayye co qobbeesse ka akeekose piisa akkan taafo'e, paata qapatta ana daashe.

Mataafa Masmuureta 48:2

Irrootase a Siyyooni kara qutattatin kitto, a kuttumaadi isho paqaarumtaadi orra qawwannaan, piita piisa ka ishin xasoonnitto, isheetta katama a Waaqase kuttati.

Xuuma Issayyaasi 14:13

Ha iskaranxata iddikatte ka kiite, ‘Moontopan fayyada ka sufaaniyyo hiikka a Waaqa' qaropeela xaayada ka pora sekaayye qinda qutattatin irrootase a killanna qaropa xoorraan qara' kuti'a.

Xuuma Issayyaasi 48:2

Ishina issi' kiina'e, “Maxxa katamoosen qulqullaawetin halaamminna, ka Waaqa Isira'eeli isase a maxxaadi Waaqa a we piisa ettaninno kidame kippanninna.” Sede dakaya.

Xuuma Hisqeeli 1:1

Para kunda sessatta oppa leya afrattati ka leyoose oppa kuyyaata kenattatiiyyi an kaba Kepaari kapaayye orrase poojameppa cooyye, moontada paname anka keleshaatoppan Waaqa akke.

Xuuma Hisqeeli 20:40

Irrootase' xayyo qulqullaawte ka akata dera a Isira'eeli qara'e, samayta Isira'eeli' piisa ana' sakatada; anti ka eeyye ishootta teyyada ka eeyye'e, daassawwaasso ka mehaddaasso a qulqullaawe isho kalisowwaasso a paxaara teyyada. Ana Waaqase' piisa qara qapo asse kiini.

Xuuma Hisqeeli 37:22

Ka piitase kara irrowwasene a Isira'eeli qara'e mankisteeta takka ishootta koda ka ishootta piisa qara' nuqusuma; umma kulipaata lakki in qitan ka mankisteeta lakki in koddan.

Xuuma Hisqeeli 41:1

Sekkammaayye, namase ka tika qulqulloota kela pora a qulqullaawe oppopa anan kulle ka tuudda ekkaysade; qindadda lakki piisanne ikka metireeta sessa sessa kayen.

Xuuma Hisqeeli 43:12

Tin sede seera a tika qulqulloota: haminta a kuuta irroota qara kitto ka tikase a qulqulloota kapa tiitasse piisa, a akata qulqullaawte koddita.”

Xuuma Hisqeeli 8:3

Isha ka wa harka paha anopa derayshe ka ana qara nyirfaayyo a matta' qape; hapura ka piiteela moontopeela ana xaashe ka keleshaata Waaqatin Yursaalamipa ana qeede; ka xarrase paapahase karan co opa kullino ka qinda qutatta mina tooyno opa ana qeede; poroose oppaayye killootase Waaqa kara yoota xa'innitto ca.

Xuuma Taani'eeli 7:1

A nuqusase a Paapilooni Pelishasaari' nuqusume para paayyotati, a Taani'eeli mukittopa cooye olsa olsoode ka keleshaata kuli akke ka wa akke' piisa taafe.

Xuuma Taani'eeli 7:7

An eeyye tooyyannooyyeew pinanta afratta ka sookteew. Pinantoseew akata kokkoki ka orra fuurinni ka nama tamaqinni ka ilka sipla a kukutta' qapta ka ishin wa qapta' piisa moojni ka dammi. Ka a damtaadi kela haste oppa diddiinni. Pinantose' qoota kaassa kudani qapto malla, pinaana an turan akke oppa xawwayteeta.

Xuuma Mikkiyaasi 4:1

Parra piraampiraatiiyyi, irrootase a tika qulqulloota a Waaqa qara qupamte, irrowwa a pila' piisa qara harmo' qapnaatta ka akkaatta, samayta piitadda ka eeyyepaaw tupeela de'a.

Kodampaya 16:9

Eyyeeyye, halkeetteeyye Pawloosi ka keleshaatappan, nama takka a piita Meqedooniya a qa'ade ka isha naappanno ka kiino, “Meqedooniyaapa tuulle ka ino qaarqaare” akke.

Kodampaya 2:17

‘Ha Waaqa ikiini, Kuyyaata piraampiratiiyyi, asse koddita; anti hapuriyyon nama piisa qara' tuqa. Hellaassin a diira isho a tuparra ka xuuma haasawadan, xayyoolaytaayshin keleshaata akka, qimayaassin nefo ka olsa olsootta.

Kelaatiya 4:26

Yursaalamise a moonta' xoori, nataanne kitta. Isheetta' nefo aayya a ino piisa.