Xuuma Hisqeeli 32:3 - Mataafa Qulqulloota

³ Waaqase' piisa qara qapo ikiini, “Samayta lekaytan isquda' qeeda ka nyupuraayyo ke qaropa kata; ikka nyuporaayyon lakopa ke titan.

Xuuma Hisqeeli 32:3 ပူးပေါင်းရင်းမြစ်များ

Mataafa Iyyoopi 7:12

Hela anti an pakateetam moon an pinanta pakateeta akka ana kapa orra ana tooyto koote?

Mataafa Dehaamta 9:12

Semaliiyyiiw nama eta a xaamane oppa maana akkima isha qara' kayna upo in co; oto kuyyaataadi a neeqa' kaytooyye, murkuja akkima nyupuraappa' qapammo, xampirteeta ka ereera qara' qapammitto mina'e, a isqara in upnin mali, asseew eta neeqa orra qara' kayni, ikka oppa' qapammi.

Xuuma Ermiyaasi 16:16

Waaqa ikiini, “Tin anti, nyaapa kuttaytan ishootta qaropa erka, ikka akka a murkuja qapnaan mina'e, ishootta qaqqapan, ka kamma desaaw nyaapa kuttayta erka; ikka akka pinanta xemannaan mina'e, irrowwa isho kunkunnawwa piisa qaraayye ka paqiyya dakadda karaayye ishootta xemadan ka qaqqapan.

Pooyta Ermiyaasi 1:13

Ha isha illi moontexata apitta erke; apittase ka lafta karopa ana' kulle; ka loqqaayyo tura' turuura qaase ka iskammadesa ana kate. Ka kuyyaata kumma ana liibshe ka alle ana diishe.

Xuuma Hisqeeli 12:13

Anti Waaqa ka isha tura turuuraayyo qaasa; ikka oppa' qapama ka piitase a Keletaata katama Paapilooni opa ishan aana; ikka a piitase ildaan in akkinnin mali eeyye' to'a.

Xuuma Hisqeeli 17:20

Anti turuuriyyon isha tura' qaasa ikka oppa' qapama; anka Paapiloonipa isha qeeda ka qoota ana marmade malla eyye isha qara' farata.

Hoose'i 7:12

Anti porra oppandesa annaane' piisa oppa'en ishootta tura' turuura qaasa ka akka a xampira' mina moonta quda piitopa ishootta tita ka kodaaysho a neeqa malla qara' dapa mura.