Xuuma Hisqeeli 32:2 - Mataafa Qulqulloota

² “Atti to'ampayta namatiiyyi, Feri'ooni nuqusa Kipsiti saara pooyta' saarshe ka kide, ‘Ke nuqussaappa karma kapa isi dikno ka pofa a pakateeta kela' paho, atti kirradaappa pora pajaqjaqinni; ka pisha kirradaappa' pooranni.’

Xuuma Hisqeeli 32:2 ပူးပေါင်းရင်းမြစ်များ

Mataafa Uumata 49:9

Innaayyo Yihuta, a' haaritta karma mina; oto wa dama qapadooyye, rahanaadipa tiitaawa ka a karma mina fuura mali mukaay, ata ayno isha xa'issa' nyara?

Mataafa Iyyoopi 41:23

Dakintaadi olqaropa qeqqepte ka jaqqalte ka a sipla mina kokkoki ka lehni in kinnin.

Mataafa Iyyoopi 7:12

Hela anti an pakateetam moon an pinanta pakateeta akka ana kapa orra ana tooyto koote?

Mataafa Pahana 25:26

Hanqeellitta a koda ukkuttoota nama kamma anno, akkima paada pooraawe taaki pisha ela a nyapale' mina.

Mataafa Pahana 28:15

Ukkuttoota nama a orra qaarqaarsa in qapnin mukinno, akka karma daattino taaki tipeeta paata qapatta' doote mina.

Mataafa Pahana 30:30

Pinaanaappaayye karma ikokkoki; we takkan nefo turaayye qahani in co.

Xuuma Issayyaasi 27:1

Awsetiiyyi, Waaqa koraatetase' xaadi kutta qaarta qapto ka kokkokatinni Lewaataani maakase ollopa marammo ka Lewaataani maakase loomlommo qatta'a ka naaccase kutta a pakateeta kara' ishsha.

Xuuma Issayyaasi 51:9

Atti hupna Waaqatiiyyi xa'e! Xa'e ka kokkonnumaatti kalsado; a xatta' mina'e ka akka' xeltada xatta' qara xaate mina'e xa'e! A ra'apippa quure ka pafase kutta dote, keenne?

Xuuma Ermiyaasi 4:7

Isase mankistewwa piro a karma mina muraadippa isooke; ka piitaayti lulle hattissa'e, poraadippa xa'e; katamaddaatti iqitqitan umma nama kara'en kallaado.

Xuuma Ermiyaasi 46:7

Ata ini a kirra Appaayi mina immakaade ka a kirra mina qaran urqino ayno?

Xuuma Ermiyaasi 46:8

Kipseeta akka kirra Appaayi mina'e immakaanni; ka a kirra mina urqini, ka kiini, ‘In xa'a ka piita piisa qara pira; ka katamadda isho orra a kara kalo piisa pira.’

Xuuma Ermiyaasi 9:18

Samayta ka kide, “Haka ildaano ilmaama urqinaan; hirribaanno ka pisha paadinaane'e, a jarjartan de'en ka ino qara pooyta xaashen.

Xuuma Hisqeeli 26:17

Ishootta ka saara pooyta ke' saarshan ka kidane, ‘Ke a pakateeta kara kitto orra ka ke kara' kallaanno, atta asse patte? Atti katama peepammaatiiyyi, a pakateeta qara hupnollayteeta koddite, ke isho orra a ke kara kalo, a ishin kapandesa ca' piisa' fuurissen.

Xuuma Hisqeeli 27:2

“Atti to'ampayta namatiiyyi, saara pooytatin Tiroosi saarshe;

Xuuma Hisqeeli 27:32

Ka pooyta ke' xa'an ka saara pooyta ke' saarshan ka kidane, ‘A pakateeta paawwite; ikka kara' patte; ata ayno Tiroosi paha?

Xuuma Hisqeeli 28:12

“Atti to'ampayta namatiiyyi, saara pooyta' qeede ka nuqusa Tiroosi' saarshe ka ishi' kide, Waaqase' piisa qara qapo ikiini, ‘Ke a pahana a qaja dapna kodde ka ookuman immakaade ka xarjaalluma immakkoota qapo;

Xuuma Hisqeeli 29:15

Ikka mankistewwaappa a shakka' koddita umma mankistewwaappa opeela ishootta an kuttisho; akka kulipaata mankistewwaan ukkummini'i, akatan ishootta shakkisha.

Xuuma Hisqeeli 29:3

Ka ishi' kide, Waaqase' piisa qara qapo ikiini, ‘Ke a kirrada kara' muke ka naacca a kutta paho; Feri'ooni nuqusa Kipsitiiyyi, ke a kiino, kirra Appaayi xayyo a mattiyyo anka issi' kodade, anti ke qara'en xa'e.

Xuuma Hisqeeli 32:16

Sede saara pooyta a saarsamma; tuparra mankistewwa ka sene saarshan ka Kipsi isho samaytase' xaadi dikoota in qapnin saarshan; sede ana Waaqase' piisa qara qapo asse haasawade.”

Xuuma Hisqeeli 32:18

“Atti to'ampayta namatiiyyi, samayse a Kipsi dikoota in qapnin pooye ka isheetta isho tuparrasene a mankisteetase kokkoka, a turan hawlame oppopa saara pooytatin keesse.

Xuuma Hisqeeli 34:18

Deettase ilaawa ideetteneey maana'e a kela hasse loqqaan diddiinnittan? Pisha paxaara i'ikteneey maana'e a kela hase loqqaan poorannittan?

Xuuma Hisqeeli 38:13

Samayta Saapa ka a Etoomi ka nakkaatewwa a Terseesi isho palewwasso piisa ka kidane, ‘Hela sara'e' deete? Ka poojeta haadatta'e ka dakara a pirreeta isho warqeeta pootatta'e ka horeeta isho meeha qedatta'e ka poojeta kuttatin kalatta'e' xelaayti ollopa oorsatte?’”

Mataafa Dikoota 24:9

Akka karma mina'e eyye asadeneey, ka akka akkooteta karma mina eyye rabbeneey, ayno ishootta xa'issa ettansha? A ishin jiijno a jiijame a koddo, a ishina' sakno ka a sakame koddo.”

Maatiyoosi 7:24

Kamma desaaw Yesuusi ikide, “Nama qaalese xayyo dakayo ka ishin kallaanno piisa, ilattayta nama a kookohota qara tika qupade paha.