Xuuma Hisqeeli 3:9 - Mataafa Qulqulloota

⁹ Anti a daka mina'en karittaayti kokkonnaysha; ishootta samayteeyye tiyyoolayaay, atti ishootta kela in fuuran ka fuulaaysho tura in tammaqan.”

Xuuma Hisqeeli 3:9 ပူးပေါင်းရင်းမြစ်များ

Xuuma Issayyaasi 41:10

Anti ke ollin caay, in fuuran; anti an Waaqaaytiiy, in tammaqan; in ke kokkonnaysha ka ke qaarqaara, ka harkiyyo a akkitta a hanqeellumaayyotin opeela ke qapa.

Xuuma Issayyaasi 41:14

Waaqa ikiini, “Nukkullayto Yayqoopi! Ishina' samayta Isira'eelitiiyyi, in fuuran!” A ishin qaarqaarro anaay ka a ishin furanno qulqullittase a Isira'eeli'iy.

Xuuma Issayyaasi 50:7

Ma xoori Waaqase piisa qara qapo i'ana qaarqaarriiy; semmalla an jeerre, ka fuuliyyo a daka paltitta' mina kokkonnayshe, umma akkan an jeerrin in upa.

Xuuma Ermiyaasi 1:17

Semmalla atti harmisado ka qa'ado ka waan ke ajajna' piisa ishootta' lele, diisheey tura in fuuran! A taakati akka fuulaaysho tura fuurto'en ke kodaawweey.

Xuuma Ermiyaasi 1:8

Anti ke olliiyyin caada ka ken pahaay, ishootta turaayyen fuuran, ana Waaqa asse kiiniiy.”

Xuuma Ermiyaasi 15:20

Waaqa ikiini, “Anti samayseti'i akka oxinta a kawwatta a sipla pooran oxnamte mina'e ke koda; ishootta ike torpan ma ken putan; maana malla anti ke furatta ka ken paha'en ke olli caadaay.

Xuuma Ermiyaasi 17:18

A pora ana kamma anna a jeeren, ka atti jeera kela anan pahe; ishootta a tatammaqen ka atti tammaqta kela anan pahe; kuyyaata neeqa ishootta qara qeede; ka neequmta harka lakkin ishootta pashshe.

Xuuma Hisqeeli 2:6

“Atti' to'ampayta namatiiyyi, ishootta taaki haasaasso in fuuran; kadi punu samayta a qassatta ka qeeyya isho kitatta paho oppa kaltaayye, ishootta' qootan samayteeyye falqoolaya malla haasaasso in fuuran ka tura in tammaqan.

Xuuma Hisqeeli 3:10

Semmaliiyyiiw ikka ana' kide, “Atti to'ampayta namatiiyyi, qaaletiyyo an ke' lello piisa qanqannissa dakkaysado ka karitta kara' qapado.

Xuuma Hisqeeli 3:8

Tin anti qootiyyo mallan a xaaysho mina kamtoollayta a karitta kokkoka qapo ke koda.

Xuuma Hisqeeli 44:6

Ka tiyyoolayasene a samayta, samaytase a Isira'eeliti' kide, ‘Waaqase' piisa qara qapo ikiini, “Ishina samayta Isira'eelitiiyyi, arepadesa nyalaasene' xaayshin a qa'aden!

Xuuma Mikkiyaasi 3:8

Ma xayyo xoori, akkan hellaa Isira'eeliti' juppootaaysho ka dapaaysho lelo'e Waaqa hupnaadi ka hapuraadi ka dukaataadin ana immake ka ana kokkonnayshe.

Xuuma Sakkaariyaasi 7:12

Ka karittaaysho a daka' mina kokkonnayshen ka erkanasene ka seerase a Waaqase we piisa ettaninno xuumampayasene' xaadi a xatta qudan hapuraadin ishootta' erke dakaya tiiten. Semmalla Waaqase we piisa ettaninno ka akata ishootta qara' miirode.

Timotoosi a paayyota 2:3

Sede fuula Waaqa a dinshampaytinno' turaayye, wa paxaara ka orra xasanna'eey.

Timotoosi a lammatta 2:6

Qotampayta a kokkonsanno ka koda koono, unta palinitto oppaayye akkatta'e a paayyota' kodda isha faani.