Xuuma Hisqeeli 3:3 - Mataafa Qulqulloota

³ Isha ka ana' kide, “Atti' to'ampayta namatiiyyi mataafose ollopa marrammo an ke' daanno dame ka ishin karittaayti immake.” Anka dame ikka afaappa a takma' mina ana' me'aawe.

Xuuma Hisqeeli 3:3 ပူးပေါင်းရင်းမြစ်များ

Mataafa Iyyoopi 23:12

Anti ajaja afaadippa sooke qaraayye qindopa an maqqine lela arrapaadi piisan sataatoppa ollopa qapade.

Mataafa Masmuureta 119:103

Oo qaaletaayti atta ana' me'awni, ka afaayyo oppa a takma qaropa qapto marmaddaawni.

Mataafa Masmuureta 119:11

Akkan ke ishin an dapnini'i, qaaletaaytin iskara' juutade.

Mataafa Masmuureta 119:97

Oo attan seeraayti jaalanni; awta piisa oppaawwen damdamsanni.

Mataafa Masmuureta 19:10

Ishootta warqeeta qaropa qapan ka warqeeta paxaara' qaropa jaalli; ka takma qaropa qapan ka miila takma' qaropa me'uma' jaalli.

Mataafa Masmuureta 19:11

Orxaytaayti ka ishin dapa qara oorri; ka tooytattaadin tookta kutta akkanni.

Xuuma Ermiyaasi 15:16

Oo Waaqa Poqallaayyo! Ke a we piisa ettaninno, qootan maxxaaytin halaame malla, qaaletaayti ete teyatteeyye a damta opan dame; ikka ana kara ettante; anka ishin xasoode.

Xuuma Ermiyaasi 20:9

Ma xoori oton kiino, “Awwe desa maxxa Waaqa an xaasho, ka maxxaadinni an haasawadooyye” Qaaletaadi karittiyyo kara'e apitta koddite ka laftiyyo karopa tawte; tura qapeeta ka anan kamte; iskara qapatta'e, in malaale ikka ana qaropa kitta.

Xuuma Ermiyaasi 6:11

Semmalla anti miira Waaqatinnin immakaade; umma isikara qapatta an ettansho.” Waaqa i'ana kide, “Hellaa poroppa ca isho xayyoolayse a ollopa oore qara miiriyyo tuqe; umma diirta ka iskatteetaadi taaki a qime ka a kere kuli kelaayye in pahanin.”

Xuuma Hisqeeli 2:10

Ikka ana tura'e mataafoose ollopa marrammo olkela pane, opan ka fuule desa ka tultanne qaalewwa a nyarrahata ka a pooyta isho a oo ino kido! kara' taafen.

Xuuma Hisqeeli 2:8

Ma xoori atti' to'ampayta namatiiyyi, waan ke kiina' dakaye ka samayse tiyyoolayta kodde mina tiyyoolayta in koddan; afaatti pane ka waan ke' daanna' dame.”

Xuuma Hisqeeli 3:4

Isha ka ana' kide, “Atti' to'ampayta namatiiyyi, samayta Isira'eeli oppopa aane ka qaaletiyyo ishootta' lele.

Yohaannisi 7:38

Nama ana amanno, akka mataafa qulqulloota kiino mina'e, ‘Paada pisha caatta'e isha karaayye paadaay.’”

Qolaasiisi 3:16

Qaaleta Kiristoosi a immakkootan ishin kara kinnaatto ka ookuma piisan oli kollisha ka oli dehaama ka masmuureta ka saara ka masmuureta a hapuratin karittaayshin piisan Waaqa kalataysada ka dawada.