Xuuma Hisqeeli 26:2 - Mataafa Qulqulloota

² “Atti to'ampayta namatiiyyi, wa malla samayta katama Tiroosi xasoonna ikiini, ‘Yursaalami iqitqitte; hupnaadi a nakata nefo ipi'e; isheetta' qoota ino kapa in kaynin malla, ino in teyantoonna.’

Xuuma Hisqeeli 26:2 ပူးပေါင်းရင်းမြစ်များ

Mataafa Saamu'eeli a lammatta 5:11

Kiraami nuqusase a Tiroosi ka Taawwiti kapopa orra erke ka qora talta isho harmoota a qora ka a kawwatta erkeew, ishootta ka Taawwiti tika mankisteeta qupen.

Mataafa Masmuureta 35:21

Ishootta anaaw pora torrini ka kiini “A ke! Akke! Ildaannonnen isha akkine.”

Mataafa Masmuureta 40:15

A ana “Hashu paka!” “Hashu paka!” Koddanna, a palamaayshotin tammaqen ka shamen.

Mataafa Masmuureta 40:16

A ke faana' piisa, a ken xasooden ka xasa qapnaaden. A awta piisa dinaayti jaalanna a kidene, “Waaqa ikutti.”

Mataafa Masmuureta 70:3

A hashshu! Hashshu! Kiina ka ana qara seesina' piisa, a jeeren ka isikamman desa ooren.

Mataafa Masmuureta 83:7

ka orra Epaali ka a Amooni ka a Amaaleqi ka a Filisteemi isho a Tiroosi.

Xuuma Issayyaasi 62:10

Tarpa, xarra paleeta oppan tarpa; ka samayta' saanta saha; ka pora kutta koda; koda! Ka oppa dakadda alle' poha; ka samayta' opeela milikkita akkaatisha.

Xuuma Ermiyaasi 25:22

ka nuqussa a Tiroosi isho a Sidoona piisa ka pakateete afa disitiiyyi nuqussa a piitadda pakateeta kapa caati piisa;

Xuuma Ermiyaasi 27:3

Ka orra pakka nuqussa oppa erkame ka Seteqiyaasi nuqusa Yihuta kapopa Yursaalamipa de'e qaraayye, nuqusa a Etoomi ka a Amooni ka a Mo'api ka a Tiroosi isho a Sitoonati qaalese erke.

Xuuma Ermiyaasi 47:4

Kuyyaata oppa Filisteemeta piramto, ka a ishoottoppa peela hase akka ishootta in awlinini'i, katamadda a Tiroosi isho a Sidoona qara dawreeta'e kuyyaatase qoota kayte malla, Filisteemetase piitase pisha kapa kitto, a Kaftoori kara kalto pira'e Waaqa ixa'e.

Xuuma Ermiyaasi 49:1

Waaqa qoota Amooniti desa asse kiini, “Hela Isira'eeli, hellaa a diira'en xaayanne? Ka a isheetta lehada dapte? Ka kuli killootase milkoomi, kidammitto atta piita Kaati lehatte? A isheetta' sakatanna ka katamaddaadippa kuti'en?”

Pooyta Ermiyaasi 1:1

Katamasene xatta orran immakaade, ata awwe atta asse lulle hasen! Isase orroppaayye kutta, ata awwe atta asse iskatteeta a qara diirta in kinnin koddite? Ha isase takkayye samayta piita oppaayye poqolteeta koddite, ata awwe atta shetteeta koddite.

Xuuma Hisqeeli 25:10

Akka piita Mo'apeta mankistewwaappa matte in oorsammini'i, isheetta isho Amoonatan qeeda ka samayta qinda piirtota turopa tuukka, ikka ishootta qara piran.

Xuuma Hisqeeli 25:6

Maana malla Waaqa piisa qara qapo ikiini, “Neequmta a piita Isira'eeli qara' qapatten minanne' kanaata dawten ka kamanta qapten ka kirpiteneey.

Xuuma Hisqeeli 25:8

Waaqase' piisa qara qapo ikiini, “Mo'api isho Etoomi qoota kidene, ‘Tin ha samayta Yihuta akka mankistewwa a pila' mina'ew kodde’ malla.

Xuuma Hisqeeli 26:1

An ino' poojammeeyye para kudanka takkattatiiyyi kuyyaata paayyotatiiyyi qaaleta Waaqa ka ana kapopa deete ka kiini,

Xuuma Hisqeeli 35:10

Kadan punu anti Waaqa eeyye ca nefooyye, i'haasawatte ka kiite, ‘Mankistewwosen lakki isho katamaddaasso lakki xayyo koddan, anka lehada’ malla.

Xuuma Hisqeeli 36:2

Waaqase' piisa qara qapo ikiini, ‘Nyaapa qootaayti desa qoota kide, tin irrowwasene a' xatta lehnaanno kodden.’”

Xuuma Iyyu'eeli 3:4

Ishina orra Tiroosi ka a Sitoona ka a Filisteemi kodde piisantiiyyi, ata sede maana' koonittan? Hela haalota ana qara qeeda heentane? Oton laadi sede' dikannittaneeyye, jarjartannen wa' kootene ishin qaropa oorsha.

Mataafa Iyyaasu 19:29

Ka akkimose mina'ew, haka katama Tiroosi kayni ka qinda Raama opa tiitaawni ka haka pakateeta mediteraaniya kayni ka qinda Hossa opa qeppini. katamaddoosen nefo Mahalapi ka Aksiipi ka Uuma ka Afeeqi isho Rehoopi kidammi. Ishootta olloppa'e, katama kunda lakki lakki ka kantada kapandesa ca kuli karopaaw qapanni.