Xuuma Hisqeeli 2:3 - Mataafa Qulqulloota

³ Ikka ana' kide, “Atti to'ampayta namatiiyyi, anti tiyyoolaytase a samayta, samaytase a Isira'eeli oppopan ke erkini. Ishootta isho aappadaasso haka awweti'i ana tiyyen.

Xuuma Hisqeeli 2:3 ပူးပေါင်းရင်းမြစ်များ

Mataafa a Nuqussa a lammatta 17:14

Ishootta xoori akka aappadaasso Waaqa Poqallaassoti amanama tiiten ka xolma kappishen mina'e ishi dakaya itiiten.

Mataafa a Nuqussa a lammatta 17:15

Ka seerase isho kodayteetase an aappadaasso olli kodade isho dehaamase an ishootta turadesa lele ka kokkonnayshe puyaden ka killowwa we patanni in kinnini kamma aanen ka mattaayshoti orra we patanni in kinnin kodden. Kadi punu Waaqa ishootta ajaje ka kide, “Wa ishootta koonaane in kodan.” nefooyye, kollima a orrase Waaqa amanni in kinnini a ishootta kapandesa kalo qara in oorre ka wa a Waaqa ishootta dawre piisa koden.

Mataafa Isira 9:7

Sapana a aappadaanno a xattati paayyatte haka ammati'i, dapa kuttan koone; juppootinno qaran xaate'e, ino ka nuqussaanno isho qeesewwaanno anka harka nuqussa a piita pila oppa' pi'ine. Oranna ka ino qara' kayen anka poojamme, wa an qapna piisa ka saramen anka tin are haka ammati' jeerre.

Mataafa a Nehimya 9:26

Ma xoori ke' ajajama itiiten ka ke qara' xa'en; ka seeraayti iskammandesa katen. Ka xuumampayasene' xaayti qindaaytipa ishootta tiitassa'e ishootta dehaamma alle' leyshen. Ka a lekatin afaa otitta ke qara' haasawaden;

Mataafa Masmuureta 106:28

Ishootta killootase “pe'ori” Kidammitto quda'e koken; ka so'a killowwa nessa in qapniniti' qalene damen.

Xuuma Issayyaasi 30:1

Waaqa ikiini, “Falqoolaya hellaa, a kodiyyo an qapde alle' diishe ka xaaysho kammaaw anna; a heennaayyo alle' tiite ka a xaaysho' qara olli kodayteeta kodanna ka juppoota qara' juppoota koona, oo ishootta kido!

Xuuma Ermiyaasi 1:7

Ma xoori Waaqa i'ana' kide, “Poran opa ke erkino piisa opa antaay; ka waan ke ajajina piisa haasawattaay, ‘An nama shakka’ Issi in kidan.

Xuuma Ermiyaasi 3:25

An shashakki paayyatteeyye ino isho aappadaanno Waaqa Poqallaanno qara'en juppoota koone; umma Waaqa Poqallaanno afaa an dakayneey ino jeerinno haadanno; palaminno ka ino qara piro.”

Xuuma Ermiyaasi 36:2

“Mataafase ollopa marrammo qeede ka qoota Isira'eeli ka a Yihuta isho a mankistewwa pila piisaayye desa kiseese an oppa ke haasawatta paayye a Iyyosiyaasi nuqusume paayyatte haka awweeti waan ke' haasawade piisa taafe.

Xuuma Ermiyaasi 44:20

Ermiyaasi ka samayse asse isha kide, diirra isho iskatta oorshe ka kide,

Xuuma Ermiyaasi 44:21

“Tankartase a ishin ka aappadaassin ka nuqussaassin isho samayta piita katamadda a Yihuta isho porra Yursaalami oppandesa qayyassen, hela Waaqa mattoppopa deeni in kinnin ikka matte oorsanni in kinnini ishina' pahata?

Xuuma Ermiyaasi 7:2

“Xarra a tika Waaqa oppa qa'ado ka erkanoosen salishe ka kide, ‘Ishina a samayta Yihuta kodde ka Waaqa sakatatta'e xarradoosen oppan kullina piisantiiyyi, qaaleta a Waaqa dakaya.

Xuuma Hisqeeli 17:12

“Amma tiyyoolayoosen a samaytati' kide, ‘Hela wossen maana akkima kodden a'uptane?’ Ishootta' kide, ‘Tin nuqusa Paapilooni'i Yursaalamipa de'e ka nuqusaadi isho kutkuttowwaadi pooje ka katama Paapilooni opan kale.

Xuuma Hisqeeli 24:3

Falqoolayse a samaytati' pahana haasawado ka ishootta' kide, Waaqase' piisa qara qapo ikiini, ‘Tisteese a sipla kisa qara' qa'e ka kela' pisha katte.

Xuuma Hisqeeli 40:4

Ka ana kide, “Atti to'ampayta namatiiyyi, wa malla arepa qeedamte akkan we takkan ke akkisho mallaay, waan ke akkinna qanqannissa tooye; ka qanqannissa dakkaysado; ka qanqannissa qalpeeffado ka wossen piisa samayta Esra'eliti lele.”

Xuuma Amoosi 7:15

Ma Waaqa kaharra kamma ana qeede ka ana ajaje ka kide, ‘Aane ka samaytiyyo a Isira'eeliti' xuuma haasawado.’

Xuuma Milkiyaasi 3:7

Xelta aappadaassinati paayyatte, seeriyyo kapa issekaatten umma a' tooytaanne, anti Waaqase we' piisa ettaninno in ishina' kiini, ‘Anopa tiitaawa! Anti nefo in ishin opa tiitaawaay.’ Ma xoori ishina ikkiitene, ‘Hela attan kepa tiitaawna?’

Mataafa Dikoota 20:10

Muuse isho Arooni ka shilase turopa samaytase xora' xaashen; Muuse ka ishootta kide, “Ishina tiyyoolayaayye dakkaysada! Hela in shiloose kara ishina pisha qitinnaawwe?”

Kodampaya 7:51

Ishina kamtollayaayye, ishina a karittaayshin dundune, nappaassin ka dakkaawene, ishina akka aappadaassina mina'ew awta piisa Hapura Qulqulloota' toorrittan!

Roomi 10:15

A kollissampaya in erkammin maliiyyi, atta qaalese kollissa ettanshan? Sede nefo akka taafamte ka kiinitto, “Deena a orrase otoota fayya' torrinooti, oo atta orra xasanni!” mina.

Mataafa oppa' Ooreta 9:24

Anti hakan ishin upnaade paayyatte, Yaahiwwe qara tiyya xaana tupa kittan.

Mataafa oppa' Ooreta 9:27

Orxayasene xaayti Aprihaami ka Hisaaqi isho Yayqoopi matte oorsado; ka xolma kokkonnassa a samayseti ka ukkuttumaaysho isho juppootaaysho weti in dikan.