Xuuma Hisqeeli 16:3 - Mataafa Qulqulloota

³ ka kide, Waaqase' piisa qara qapo Yursaalami' kiini, ‘Sanynyeetaayti ka dalattaayti piita Kene'aani kara; aappaayshin Amooritta, aayyaassin Hiittitteeta.

Xuuma Hisqeeli 16:3 ပူးပေါင်းရင်းမြစ်များ

Mataafa Uumata 11:25

Nakoori a Taara xaaye kammaayye, para dippa ka kunda lakki' sakali kallaade ka parroosen kara'e, hellaa a diira isho a tuparra' xaaye ka to'e.

Mataafa Uumata 11:29

Apraami iskatteeta takka Soora kidammitto heme. Naakoori'iw, Milka heme. Haraani tuparra lakki, Milka isho Yaska xaaye.

Mataafa Uumata 15:16

Xelta afrattati sanynyeetaayti piisse are kitto oppopa tiitaawta. Sede nefo wa malla asse eeyye' jarta, qoota Amoorata juppoota koda fulan kayatto malla.

Mataafa a Nuqussa a paayyota 21:26

Wa Amooretase a Waaqa alle Isira'eeli tura daane koote piisa kode ka killanna kamma aane ka wa akata neeqa kode.

Mataafa a Nuqussa a lammatta 21:11

“Minaase nuqusa Yihuta, nyala asse paha'e kode ka Amooratase ishin turan kitto piisa qaran qapto'e neequmta kode ka killowwa sakatattaan Yihutaata juppootoppopa kate.

Mataafa Isira 9:1

Ete sede dikkatte kammaayye, saarra a samayta ka ana kapopa de'en ka kidene, “Ha samayta ka qeesewwa isho Lewaata kuli a orrase Waaqa amanni in kinnin mina'e, wa neeqa' kode ka nyalaasene a orra ishootta kapan desa kalooti a Amoonata ka a Mo'aapeta ka a Kipseeta ka a Kene'aaneta ka a Hiittata ka a Feresaata ka a Iyyapuusata isho a Amoorata' kapa isi in tooytaannin.

Mataafa a Nehimya 9:7

ke a Apraami reexade ka piisse a Paapilooniti katama Uuri kara sookshe ka maxxa ishi' kode ka kide, ‘Aprihaami’ atti ken Waaqa Poqallaanno.

Xuuma Issayyaasi 1:10

Ishina mukissampaya a Sotoomitiiyyi, qaaleta Waaqa' dakaya; ishina' samayta Kamooratiiyyi, seera Waaqinno dakkaysada.

Xuuma Issayyaasi 43:27

Aappaayshina a paayyota juppoota ikode; kollissampayaassin ka ana qara' dapa koden.

Xuuma Hisqeeli 16:2

“Atti to'ampayta namatiiyyi, Yursaalami'i kodaddoosen xaadi jippame upnayshe;

Xuuma Hisqeeli 16:4

Kuyyaata a' dalatteeyye, opani ke quda kusumta in murre; umma opani pishaan ke quda in jaqqine; umma opani sookittan ke quda in shoohne; umma japara nefo opani ke quda'en qapne.

Xuuma Hisqeeli 16:45

Atti dukaatan a enenta aayyaassin; aayyaassin ka diirtaadi isho hellaadi needdatte; atti dukaatan a enenta opa tuparraassina; ishootta ka diiraasso isho hellaasso needdaden. Aayyaassin Hittitteeta, aappaayshin Amooritta.

Xuuma Hisqeeli 21:30

Koraatetase korkortaadi karopa oorshe; atti koraatetaayti, pora oppa uumamte ka piita oppa dalatte eyye'en ke qara' farata.

Maatiyoosi 11:24

Ma xoori in ke kiini, awse ke kapaayye piita Sotoomiti'i firteeta sholla'atta.”

Maatiyoosi 3:7

Ma xoori Yohaannisi ete Feresaata isho Saatuqaatoppa lekaya isha kapopa jaqqatta deenaan ikka akkeeyye, i'ishootta kide, “Ishina hella maakaatiiyyi, miirase a Waaqa deeno kelaayye akka qahatane'e ayno tura desa ishina lele?

Luqaasi 3:7

Yohaannisi, samaytase kutta jaqatta isha kapopa deeno'e, ikiini “Ishina hellaa a haddoolayta maakaatiiyyi akka miiroose a Waaqa deeno kela qahatane'e, ayno turadesa ishina lele?

Yohaannisi 8:44

Ishina a hellaa aappaase xaayshin a taaploosi, wa faanittane nefo xajeelta aappaayshina kodeeta. Isha paayyote paayyatte xattaaw orra lenni; qoota dukaata isha kapaen pannen malla, dukaata quda we takkan nefo in qapo. Isha qootan darampayta ka aappa opa darta piisa kodde malla, oto darta haasawnnooyye, isi kareela qeenni ka haasawanni.

Efesooni 2:3

Seturan ino pisaniiyyi anka ishoottoppaayye heenna so'anno isho dikatta mattinno kammaaw anninna ka xajeelta so'annotin kallaanninna ka akka orra pila' mina'ew dalaanno oppaayye miira Waaqa kela kinna.

Mataafa oppa' Ooreta 20:17

Semmalla akka Yaahiwwe Waaqaayti ke ajaje qara'e, Hittaata ka Amoorata ka Kene'aaneta ka Fersaata ka Hiwwaata isho Iyyapuusata piisa pire.

Mataafa oppa' Ooreta 7:1

Yaahiwwe Waaqaayshin oto piisse a lehatta karopa kallittan oppopa ishinan aanooyye ka mankistewwa lekaya a ishin qaran qapto kukutta ka kokokkoka tappa, Hittaata ka Kerkersaata ka Amoorata ka Kene'aaneta ka Feresaata ka Hiwwaata isho Iyyapuusata alle ishin tura sookshooyye.

Mataafa Iyyaasu 13:4

ka qinda pilaatinniw, piisse a Kene'aani a Sidoonata qapatte Ma'aara kidammittooyye paayyatte haka piisse a Amoorata Afeeqi kidammitto oorto

Mataafa Iyyaasu 24:14

Iyyaasu ka haasaadi kammaaw caade ka ishootta kide, “Amma desa tooy Waaqa ulfeessa ka dukaatan karittaayshin kareela ishi koda koda. Ka killowwasene a aappadaassin kirreeyye afa disiti ka piita Kipsiti ishi sakatadane alle isikapa sekaysha ka Waaqa patta'ew sakatada.

Yohaannisi a paayyota 3:10

Hellaa Waaqa isho a taapiloosi sedenne olikela reexammi ka upnaysammi. Nama a hanqeelluma kooni in kinnin ka innaasso a kiristaana' jaalanni in kinnin piisa inna Waaqa'en.