Xuuma Hisqeeli 13:9 - Mataafa Qulqulloota

⁹ Harkiyyon xuumampaya a keleshaata darta akkina ka suuma sassapa' soona qara' xaasha. Ishootta' xora samaytiyyo oppan caadan; umma maskapa samayta Isira'eeli oppa'en taafaman; umma piita Isira'eeli karopan kalan; akka sitiiyyi akkan anti Waaqase' piisa qara qapo kodde upnaadan.

Xuuma Hisqeeli 13:9 ပူးပေါင်းရင်းမြစ်များ

Mataafa a Nuqussa a paayyota 13:18

Xuumampaytase a qimayta ka ishi kide, “Ha anti a xaayti mina'ewwen an xuumampayta. Erkampattoota ka qaaleta Waaqatin ana haasawatte ka kiite, ‘Akka damta damo ka pisha ikko'e, isha oorshe ka tikaaytipa ollin kala.’” Ma xoori isha sassapanni.

Mataafa Isira 2:59

Orra a katamadda Telmelaahi ka Telharsha ka Karuupi ka Ataani isho Imeeri kidamma kara a poojama kela kale icaanma, akka dukaata sanynyeeta Isira'eeli kodden olkela la'assa in ettaninne.

Mataafa a Nehimya 7:64

Ma xoori ishootta' qoota sanynyeeta a oppa de'en maskapa qara faden ka dapen malla, koda qeesuma kodeeta idawramen.

Mataafa Masmuureta 101:7

Nama a nama sassapanno, tikiyyo kara in kallaado; umma nama a darta koono, ana tura in qa'ado.

Mataafa Masmuureta 69:28

Maxxaaysho a mataafa caattampaya qara alle haqamo. Ikka hanqeellaya oppa in taafammin.

Mataafa Masmuureta 69:5

Waaqqo, eepumiyyo i''upta; juppootiyyo umma ke tura in juutamme.

Mataafa Masmuureta 87:6

Oto Waaqa samayta piita ollopa taafnooyye, itaafa ka kida, “Namoose Siyyooni kara'e dalade.”

Mataafa Masmuureta 95:11

Semmalla anka miiriyyon xaxade ka kide, ‘Ishootta pakkanna nessumaayyo oppopa in kalan.’”

Xuuma Issayyaasi 4:3

A Siyyooni kara peela hase ka Yursaalami kara kala, a akka Yursaalami kara caadane masakapame olliiyyi qulqullowwa koddan.

Xuuma Ermiyaasi 14:15

Waaqa asse kiini, “Semmalla xuumampayosen an anti ishootta an erkinnin mali xuuma haasawanna ka kiina'e, ‘Piitinnoppopa oranna ka loota in de'a’ Annti ana Waaqa orana ka doxan ishootta pira.

Xuuma Ermiyaasi 17:13

Oo Waaqqo ke a kippeeta Isira'eeli kodde, a alle ke diinna piisa jeera, a ke kapa alle tiitaawna a ka qoota ke Waaqa a paada pisha caatta kodde alle diishen malla; akkima maxxa a kuyyaalaytoppa taafame mina'e patan.

Xuuma Ermiyaasi 23:20

umma miira Waaqa wa ishi xa'e haka kodo ka dikkisho mali, patta harfini in cooy; itturopa sede fayyaae upnaattan.

Xuuma Ermiyaasi 4:9

Waaqa ikiini, “Kuyyaasetiiyyi, nuqusa ka saarraadi xormumaaysho ipata; qeesewwa ifuuran, xuumampaya itammaqan.”

Xuuma Hisqeeli 11:10

Orannaanne' piramtan; anka xeela Isira'eeli oppa ishin qara' farata; akka sitiiyyi akkan Waaqa kodde upnaattan.

Xuuma Hisqeeli 12:20

Katamaddasene a samayta kara' kallaanna ka lulle hasan; piitase ka onta; ikka akkiman anti Waaqa kodde upnaadan.’”

Xuuma Hisqeeli 13:14

Kawwasse a aannatan daatiten alle'en qitqishsha ka piitan isheetta kaya; kirittaadi ka akkaada; oto qinnittooyye ishina ka kela' piramtan ka sitiiyyi akkan Waaqa kodde upnaattan.

Xuuma Hisqeeli 13:23

Semmalla arepa desa keleshaata a darada a akkitan; umma kodkodda a' kootan; anti harkaayshin oppan samaytiyyon pahada ka akkan anti Waaqa kodde akka upnaattan.”

Xuuma Hisqeeli 20:38

Falqoolaya isho a ana qara kale piisan alle ishin kara sooksha; kadi punu piita amma oppa kalan oppa ishootta sookshaayye, piita Isira'eeli karopa in kalan; ishina ka akkan anti Waaqa kodde upnaattan.

Xuuma Taani'eeli 12:1

Erkampattootase kelashaatase maana akka kodde ana' lelte ka ana' kiiteewwe, Sapanoosetiiyyi erkampattootase erkampattowwa a qara saara kutta koddite samaytayshin tooytinitto Mika'eli kidammitto xa'a. Rakkoota a inna nama' piita qara uumamene paayyatte apari piita qara'en koddinin ka koddita; ma xoori sitiiyyi nama maxxaadi maskapa caatta a Waaqa oppa' taafame piisa ipaha.

Hoose'i 4:5

Ha ishina' kuyyaata quda pora tukulkullittan, xuumampaya kuli ka ishin olli halkeette asseew tukulkulli, semmallan piisse' xaayshin a' oppa' dalattenen alle' pashsha.

Hoose'i 9:3

Samayta Isira'eeli' piitase a Waaqa ishootta' daashe oppa'en kallaadan; Efreemi irreetanne piita Kipsi opa alle' tiitaawta ka piita Asooriti laata nyale damta.

Xuuma Mikkiyaasi 3:5

Waaqa ikiini, “Xuumampaya darta, nama ishootta' damta daannoti'i kiini, ‘We' piisa nakayta.’ Ka torrini ka nama ishootta' daanni in kinnini' kiini, ‘Oranna ishin qara' de'a.’ Ka samaytiyyo sassapanni.

Xuuma Mikkiyaasi 3:6

Semmalla, arepa desa halkeetta oppa keleshaata in akkinini'i de'a, nessiyyo in dakayan ikka tura' tukkantaawta umma keleshaata in akkan ka xuuma in haasawadan.”

Luqaasi 10:20

Ma xoori, qoota orriyya ishina ajajamen malla in xasoodan ma, qoota maxxaayshin maskapa moonta oppa taafame malla xasooda.”

Filippisiyuusi 4:3

Atti ke amaname an ollin koda kooninno, akka iskattoose qaarqaarto'en ke naappanni; iskattoose ana ka Qelementoosi isho orra pila a ana olli koda koono a maxxadaasso maskapa caatta' kara' taafamen olli qa'aden ka otoose a fayya orra piisa qaran kaya'e sooten.

ipro 12:23

Ka xorase a orra amannooti qarammasene a tika kiristaana, isasene a maxxadaasso moonta' taafamene kapopa dehaatten ka Waaqase orra piisa qara' farato isho napsewwa a hanqeellayasene qaja dapeetoppa kaye kapopa dehaatten.

Keleshaata 13:8

A piita uumamte paayyatte, orra piita qara kalo a maxxaaysho maskapase a caatta a laahase qalameeti oppa in taafammini piisa ka pinantaseti sakatadan.

Keleshaata 19:20

Ma xoori pinantase iqapamte; isheetta quda'ew xuumampaytase a darta turan fuulaadi tura wa orra qawwanna lekaya koono ka qapameew. Isha wossen orra qawwanna a koonaatin orra milikkitase a pinantaseti teyyade ka waakkasene a pinantasetiti sakatanno akka kamma dapo kooni, ishootta lakki pakateetase a'apitta daka apittatin opaynitto oppopa akka caanen katamen.

Keleshaata 20:12

Anka orra le'e a kukutta isho a shashakka a sufaanase tura qa'ade akke. Mataaffa ka panamen. Mataafa a pila a mataafa caatta kodde ka panameew. Orra le'e ka kodase xaaysho mataaffasene kara taafame ka teyade kapa'e, firteetaaysho akkaden.

Keleshaata 20:15

Nama a maxxaadi maskapa caatta kara in taafammin ka kara in teyannin piisa ka pakateetase a apitta karopa katame.