Xuuma Hisqeeli 10:3 - Mataafa Qulqulloota

³ Ete namase' kulleeyye, kirupeelewwa tikase a qulqulloota kela qinda tupattatinni qa'aden; urratta ka paapahase a karan co immake.

Xuuma Hisqeeli 10:3 ပူးပေါင်းရင်းမြစ်များ

Mataafa Uumata 3:24

Waaqa Poqalla ka oori Attaami kamma daane. Akka nama qoyroose a caatta kapa in kaynini'i, Waaqa erkampattowwa a Kirupeeli kidamma ka koraateta a apitta' mina opaynitto ka kara kakkallitto eenna Kennetiti qinda piirtotatin xaaye ikka tooytini.

Mataafa Sooketa 25:18

Ka pahana erkampattoota a kirupeeli lakki warqeeta tumamteppaayye kode ka dufanasene a diissataatiiyyi paka pakan kutiishe.

Xuuma Hisqeeli 43:4

Ete ulfeena Waaqa xarrase qinda piirtotati' qaten tika qulqulloota' kelopa kullinooyye,

Xuuma Hisqeeli 46:1

Waaqase' piisa qara qapo ikiini, “Xarrase a paapaha karan cooti isase qinda piirtota' mina tooyno, kuyyawwa a koda lehi kara'e a dufamo; ma kuyyawwa a nessumaayyotiiyyi ka kuyyawwa xayso nessumadda a xa'atima leya oppaayye, panama isha parpaaccisni.

Xuuma Hisqeeli 8:16

Ikka tika Waaqatiiyyi paapaha a karan co opa anan aaneew; kullaysuma tika Waaqatiiyyi porase oppan tarpinaan isho pora kalisootati otantoppaayye nama kunda lakki keni mina'e ca ka tultaaysho qinda tika Waaqa opa tiitayshen ka fuulaaysho qinda piirtota opa oorshen ka piirtota' sakatanni anka akke.

Xuuma Hisqeeli 8:3

Isha ka wa harka paha anopa derayshe ka ana qara nyirfaayyo a matta' qape; hapura ka piiteela moontopeela ana xaashe ka keleshaata Waaqatin Yursaalamipa ana qeede; ka xarrase paapahase karan co opa kullino ka qinda qutatta mina tooyno opa ana qeede; poroose oppaayye killootase Waaqa kara yoota xa'innitto ca.

Xuuma Hisqeeli 9:3

Sitiiyyi ulfeena a Waaqa Isira'eeli ka kirupeeletase a qara' kuti'e qaraayye xa'e ka xarra tika qulqulloota oppopa aane; Waaqa ka namase mehadda qaqqaaha' kalsade ka koroja a meeha taafeta surraappa' hiddade hale.