Xuuma Hake 2:7 - Mataafa Qulqulloota

⁷ Waaqase piisa ettaninno ikiini “Mankistewwa ana amanni in kinnini alle'en karkalsha, teyantaaysho' piisa ka arepa deeta anka tikoose are kitto ulfeenan immaka.”

Xuuma Hake 2:7 ပူးပေါင်းရင်းမြစ်များ

Mataafa Uumata 22:18

Qoota' waan ke' kiina' dakayte malla, orra piita qara co piisa sanynyeetaayti minan sakama.’”

Mataafa Uumata 3:15

Otantaayti ka a iskatteetoseti ka otanta sanynyeetaayti ka a sanynyeetaadi oppa'en paarkaallummaata koda. Isha mattaayti oppa tuma atti ka kamdaadi qomta.”

Mataafa Uumata 49:10

Haka piddampayta a samayta piita piisa isha'ew ajajama' deeno kara'e, nuqusuma harka Yihuta oppa'ew tawa, uleeta a siltaana (a nuqusuma) umma nama a harkaadi oppa poqqisho in caado.

Mataafa a Nuqussa a paayyota 8:10

Ete qeesewwa tikase a qulqulloota kara sookeneeyye urratta ka tikase a qulqullitta a Waaqa kara immake.

Mataafa a Nuqussa a paayyota 8:11

Qoota ulfeena Waaqa tikase a qulqullitta a Waaqa kara immake malla, urratta qaran xaate'e, qeesewwa kodaaysho kodeeta in ettaninne.

Mataafa Otoowwa a lammatta 5:14

Qoota ulfeena Waaqa tikase a qulqulloota a Waaqa kela immake malla, urrattose qaran xaate'e, qeesewwa ka kodaaysho koda in ettaninnin.

Mataafa Masmuureta 80:1

Oo ke a xelloota kahirra' mina Yoosefi marraano sikmayta Isira'eeliti ino dakaye; oo ke a otanta kirupeelewwa kara' kuti'e la'aye.

Mataafa Masmuureta 85:9

Akka ulfeenaadi piitinnoppa' kallaado'e, orra isha tura fuurro'e, dinaadi idehi.

Xuuma Issayyaasi 2:19

Oto Waaqa piita yaaqyaaqissa' xaanooyye, orra tammaqissa a Waaqa ka ulfeena kuttumaadi turaayye, paqiyya a shilalla' karopa qaha ka rahanadda a piita' kara deddekada.

Xuuma Issayyaasi 60:4

Ildaatti opeela xaashe ka iskapandesa tooyyado; ishootta takka'e ollopa ooren, ka ke kapopa deeniiy; hellaatti a diira pora sekaayye ke kapopa de'an, a tuparra ka ke kapopa hahaddunaman.

Xuuma Issayyaasi 60:7

Xelloota kahirra a piita Qeedaari piisa, keepa ollopa oora; akka laahadda a piita Nepayooti kalisoota qalta; ishootta ka poqaayyo a kalisoota qara a teyyatamma koddan, anti ka tikiyyo a ulfeessamte sira.

Xuuma Hisqeeli 21:27

A qitqitte! A qitqitte! A qitqitte'en isheetta koda; haka nama isheetta qattaano deeno kara' xoori, sede in koddito ma oto de'oyye, isha'en isheetta daasha.’”

Xuuma Hisqeeli 31:16

Eten a hawla karopa lekkanna olli hawla karopa isha lekkisheeyye, anka mankistewwa a pi'ittaadi dakaye akka xarane' kode; ete qoyroose ishoottoppa laheeyye, qora a hawwla kara ca' piisa ka xasooden. Qoroosen nefo qora a dula Kenneeti ka qoraasene a Lipaanoosi akata paxaara; ishootta qorasene a kuttati pisha ike ka akata paxaara.

Xuuma Hisqeeli 38:19

Awsetiiyyi Isira'eeli kara piita akka a kuttaati lelleehto'e, yootiyyo isho aariyyo a opaynonnen salisha.

Xuuma Hisqeeli 44:4

Namase ka pora a xarra qutatta opa anan oore ka tika qulqulloota' turopa anan aane; anka tooyyade ka ulfeena Waaqa a tika qulqulloota a Waaqa immake akke. Anka piitopa pi'e ka miinta piitan kaye.

Xuuma Hake 1:8

Semalla Waaqa ikiini “Amma nefo irroota qaropa fayada ka qora quura ka tikiyyo a qulqullootatin qupa, xasa ka ishin ana' dakaado anka kela' ulfeessamo!

Xuuma Milkiyaasi 3:1

poqallasene we piisa ettaninna ikiini, “Ha anti erkamampaytase' xayyon erka ikka ana turandesa pora harmisha. poqallasene a ishina' faanittane ka a isqara a upnin maliiyyi, tikaadi a qulqulloota kelopa de'a. Erkamampaytase a ishina ishin xasoottan ide'a.

Luqaasi 19:47

Yesuusi, kuyyaata piisa tika qulqulloota kela orra kollinni. Saarra qeesewwa ka kollissampaya a seera isho saarra samayta xoori, isha ikassa faani.

Luqaasi 2:27

Kuyyaasitiiyyi Hapura Qulqulloota ka isha xaashe, ikka tika qulqulloota opa aane. Ete Yoosefi isho Maariyaami, aatasene kollatame a seera dikkissa'e, innasene qeeden ka tika qulqulloota kelopan aaneneeyye.

Luqaasi 2:46

Ka kuyyaata sessa kammaayye, tika qulqulloota kela isha teyen. Eeyyeeyye isha otanta kolissampaya kara qa'e ka wa haasawannaane dakkaysanno; ka kaassuma nefo ishootta dehanno akken.

Luqaasi 20:1

Kuyyaata takkaayye a Yesuusi tika qulqulloota kela co ka samaytase kollinno ka otootase a fayya torrinooyye, saarra qeesewwa ka kollissampaya a seera isho qimoota piita, isha kapopa de'en.

Luqaasi 21:38

Orra piisa ka Yesuusi dakkaysatta'e paraappan xaani ka tika a qulqulloota kelopa isha kapopa keeni.

Yohaannisi 1:14

Sede qaaleta kidame nefo, nama kodde ka daassata Waaqa isho dukaata immakaade ka otantinno oppa kallaade. Ino ka a inna sene takkan a aappa ulfeena, a'appaaysho kapa qapan akkine.

Kelaatiya 3:8

Waaqa akkima amanteetan orra a Yihutaata in koddinini hanqeellaya' kodo, mataafa qulqulloota turanneew akke ka turanneew Aprihaami otootase a fayya' torre ka kide, “Lekna piisa ke qudanneew saka akkada.”

Qolaasiisi 2:9

Immakkoota Waaquma piisa, dakintanne Kiristoosi kara kallaanni.