Xuuma Hake 2:5 - Mataafa Qulqulloota

⁵ Kodayteetsase an xatta a aappadaassin piita Kipsi' kara sookeneeyye, ishin olli kodade ka kide, ‘Ishin ollin caada’ qara'e, hapuriyyo ishin olli caadaay, in fuuran.”

Xuuma Hake 2:5 ပူးပေါင်းရင်းမြစ်များ

Mataafa Otoowwa a lammatta 20:17

Yihutaata isho Yursaalameteeyyi, a orannoosen torpa ishinanneey, aana ka porraassin qaqqapada ka kokkonaada ka qa'ada; ka putayma Waaqa ishina daanna tooya! In fuuran umma in tammaqan ma parri seeyye ishootta turopa sooka! Waaqa ishin olli caadaay!’”

Mataafa a Nehimya 9:20

Ka akka hapurase' xaayti paxaara ishootta kollisho'e, ishootta' daasse. Ka menna a damane ka pisha ikane ishootta' daasse.

Mataafa a Nehimya 9:30

Atti' xoori parra lekaya ishootta kela duupatte; ka hapuraaytin xuumampaya ishootta kollisha ishootta' xa'isse. Ishootta' xoori in dakayne atti ka orra a ishootta kapandesa kalo akka ishootta puto'e, tura' diisse.

Mataafa Sooketa 19:4

Anti Waaqase co ka kallaanno waan Kipseeta qara kode ka akkima kawwaarayta jiwjiwaadi xoollaadin haano mina'e ishin haade ka iskapan ishin kaye i'akkiten.

Mataafa Sooketa 19:6

Ka ana qeesewwa a mankisteeta ka samayta qulqullaawe kodditan; semmalla hellaa Isira'eeliti qaalese lelta.”

Mataafa Sooketa 24:3

Muuse ka samayta kapopa oore ka ajajadda isho tampewwa a Yaahiwwe piisa samayta lele. Samayta ka afaa takkanenne kide, “Wa Yaahiwwe ino kide piisa in koona.”

Mataafa Sooketa 24:8

Muuse ka diikase qeede ka samayta qara fide ka kide, “Qaalewwosen a haasawade qara'e, diika a kodayteetase a Yaahiwwe ishin olli kodade tin sede.

Mataafa Sooketa 34:10

Yaahiwwe ka Muuse kide, “Tin anti samayta Isira'eeli ollin kodayteeta kodada. Ka fuulaaysho tura'e daxxowwa piita qara apari samayta takka nefoppa in koddinin ishoottopa koda; qootan ishin tura wa orra qawwanna kodo malla, samayta ishina oppa kaltan, koda orra fuurinno an anti Yaahiwwe ishina koono akka.

Mataafa Sooketa 34:8

Muuse ka ennow piitopa xata kide ka ishi sakatade

Xuuma Issayyaasi 41:10

Anti ke ollin caay, in fuuran; anti an Waaqaaytiiy, in tammaqan; in ke kokkonnaysha ka ke qaarqaara, ka harkiyyo a akkitta a hanqeellumaayyotin opeela ke qapa.

Xuuma Issayyaasi 41:13

Maana malla ana Waaqa Poqallaatti harkaayti a akkitta opeela qapaay; ana ke' kiini, “Ana ke qaarqaaraay, in fuuran.”

Xuuma Sakkaariyaasi 4:6

Sekkammaayye ikka ana' kiite, “Erkana a Waaqa a Sarupaapeeli erkame anka ishi' lela' de'e ikiini, ‘Hapuriyyonne diisheey hupnaayti isho kokkonnumaattinni a ettanisso.’ Sede ana Waaqase we piisa ettaninno haasawade.

Xuuma Sakkaariyaasi 8:13

Ishina samayta Yihuta isho a Isira'eelitiiyyi! Ha xatta samayta piita' tura'e' pahana a jiija' kodditen. Amma xoori, anti ishinannen paha; akka orra saka' kodditaneey, semmalla ishina' japaada ka in fuuran.”

Xuuma Sakkaariyaasi 8:15

Amma xoori, samayta Yursaalami isho a Yihutaati'in wa paxaara' koda' piisadeey, in fuuran.

Maatiyoosi 28:5

Erkampattootase xoori i'iskattaseti kiite, “Ishina akkima Yesuusise fannisame faanittan in upaay, in fuuran.

Kodampaya 27:24

Ka ana' lelte ka kiite, ‘Atti Pawloosi! in fuuran, Qeesaari nuqusase kutta a Roomi tura qa'atta ke parpaaccisni. Waaqa ke malla kida ka, tin sene ke olli anna piisan toota kela ishoottan paha.’

Mataafa Iyyaasu 1:9

Pora oppa annito piisa opa ana Waaqa Poqallaatti ke ollin caadaay, in fuuran, umma in tammaqan ma, kokkonnaado ka japaado ke an kiine?

Mataafa Iyyaasu 8:1

Sekkammaayye Waaqa ka Iyyaasu kide, “In fuuran, umma in tammaqan; isquda xela oranna torpino piisa qeede ka katama Aayi opa oranna tuule. Anti akka ishootta torpito ka putto'en ke putayma daasha, nuqusaaysho ka katamaasso isho piitaaysho ka xaayti koddan.

Keleshaata 1:17

Eten isha akkeeyye, anka akkima nama to'e' mina'e loqqaadi kela' pi'e. Isha' xoori harkaadi a akkitta'e ana qara' qapade ka ana' kide, “in fuuran, a paayyota ka a piraampira anaay.

Mataafa Saamu'eeli a paayyota 12:20

Saamu'eeli ka samaytaseti kide, “In fuuran neequmtose piisa kooten ma, amma karittaayshin piisan Waaqa' sakatada diisheey, Poqalla kamma alle in tiitaawan