Xuuma Hake 1:9 - Mataafa Qulqulloota

⁹ Ha ishina unta kuttayteeta' feratta dikatten, ma xoori shakkayteetaaw koddite; anka a' tikopan kalten kulippa saka dawre ikka dapatte.” Waaqase we piisa ettaninno ikiini “Maana mallan asse kode ishina' pahata? Qoota ishina piisantiiyyi tikkasene xaayshin a mattaayshina' qupatta kamma pora hirrittan, tikiyyo a qulqqulloota a qitqitte ka nama tooyyo dapte malla.

Xuuma Hake 1:9 ပူးပေါင်းရင်းမြစ်များ

Mataafa Saamu'eeli a lammatta 21:1

Parrada Taawwiti nuqusumma karaayye, para sessa olkamma loota deete; Taawwiti ka qootoseti desa Waaqa kaassade. Waaqa ka kide, “Qoota Saa'ooli Kepa'ooneta leyshe malla, ishindapayta diika kodeeta'e isha isho sanynyeetaadi qara ca.”

Mataafa Saamu'eeli a lammatta 22:16

Fukkeeta Waaqa malla ka nessaadi a miira a soonaappa ishi shore malla pakateeta kela piita kokte ka akkaatte; kiritta piita ka lakoppa akkaade.

Mataafa a Nuqussa a lammatta 19:7

Tin anti hapura akka otoota dakayo ka piitaadipa tiitaawo kodon isha qaropa erka, ikka eyye'e akka koraatetan to'o koda.’”

Mataafa Iyyoopi 10:2

In Waaqa kida, “Wa ana qara qapatte ana' lele diisheey ana qara' dapa in muran.

Mataafa Pahana 11:24

Nama takka patta'e daanni, ka a qaran qapto teyni. Nama pila'ew akata qorqummummi, ka qara'ew teekni.

Mataafa Pahana 27:20

Akka hawlalla ka pora pateetta paata pakni in kinnin mina'e, ilta nama asseew paata tooya pakni in kinnin.

Mataafa Dehaamta 1:8

A nama lela ettansho qaropa, we' piisa orraaw kaftinni. Ilta paata akkeeta pakni in kitto, umma napahata paata dakayaan immakaanni in kitto.

Xuuma Issayyaasi 40:7

Oto nessa Waaqa qara' de'oyye, aykitta ikokni, pisa ka seehni; dukaatan samayta ha aykitta mina.

Xuuma Issayyaasi 5:10

Piita a kinteeta kudani mina' kitto oppaayye, wayneeta a diipamte kura paadoosi takkanewwe kaytan; dula a oppa xotta kura qoroosi takkan aylene oppaayye, unta kura ifi takkaw ferama.”

Xuuma Ermiyaasi 12:13

Kappa aylaadan ka qeeyya feradan; ka yaalan isi kaftishan umma we takkan nefo in akkadan; miira Waaqa a koope qaran xaate'e, ikka wa a feradeneetin jeeran.”

Xuuma Hisqeeli 21:31

Miiriyyon ke qara' tuqa ka apitta aariyyo ke qara' opaysha ka karpampaya a orra lessaata saha turopa ke tuukka.

Mataafa orra Lewi 19:25

Para kenattati xoori luukkawaasso idamtan ikka pora asse pahonne, qara koopan aanan ka ishina palan. Anti an Yaahiwwe Waaqaayshin (Yaahiwwe elohim).

Xuuma Hake 1:4

“Hela ini eta a oppa ishina tikka papaxxaara a' qupattane' kara' kallaattane'e? Tikiyyo a qulqqulloota a qitqitte ka nama tooyyo dapte?”

Xuuma Hake 1:6

Ha ishina piita piisa' tupadesa aylaatten ma unta shakkayteetaawwe' feratten; damta iddammittan umma ishin kara kayni in kitto; ikkayta i'iknittan umma a' pakni a kittan; mehadda ikkalsannittan umma foola ishina' dakaanni in co; mushaara itteyyannittan ikka akkima qarateeta a kaamatte kara' xaayatten mina' koddite.”

Xuuma Milkiyaasi 2:2

Ishina oto ana'e a dakayni a kinnin ka karittaayshin kareela maxxiyyo ulfeessa alle' diissaneeyye, anti ishinan jiija ka sakaayshin jiijaapa pursha. Amma nefo ana ulfeessa'e karittaayshin a' harmisanneey, sede piisan ishin qara' qeeda.

Mataafa oppa' Ooreta 28:38

Ikkaama kuttaya duloppa aylaatta; ma qoota torrayta damo malla, shakkayaawwe feratta.

Keleshaata 2:4

Ma xoori, waan ke qara' puyanna, takkanen qapa: sede nefo jaalalasene' xaayti a xatta alle'e' diisse.

Keleshaata 3:19

Anti orra an jaalanno piisan fukni ka ishootta qattaani, semmalla japaado ka juppootaaytippa oore.