Xuuma Hake 1:1 - Mataafa Qulqulloota

¹ A Taariyoosi' piita Faaresi' qara' nuqusumeeyye para lammattati, ka leya a lehatta oppa kuyaata a paayyotatiiyyi, Waaqa erkanaadi xuumampaytase Hake qudanne mukissampaytase a Yihuta Serupaapeli inna a Salaatiyaali isho Iyyaasu inna a Iyyosedeqi isase matta saara qeesewwa' koddino erke.

Xuuma Hake 1:1 ပူးပေါင်းရင်းမြစ်များ

Mataafa a Nuqussa a paayyota 10:15

semmaliiyyiiw tookta a nakata mankisteeta kela ishi kallitto isho wa nakkaatewwa ka nuqussa a piita Arapa isho mukissampaya a piitadda ishi kalinnaane qapaaw.

Mataafa a Nuqussa a paayyota 14:18

Akka qaaletase a Waaqa a orxaytaadi Akiyya xuumampayta qudan haasawade mina'e, ikka hawlen. Isira'eeleta piisa ka isha pooyte.

Mataafa a Nuqussa a lammatta 14:25

Waaqa Poqalla Isira'eeli akka Yonaasi inna Amitaay xuumampaytase a katama Katihafeeri orxaytase xaadi qudan haasawade qara'e haminta Isira'eeli tuullaysuma Hamaatitiiyyi paayyatte haka pakateeta a Arapaati kitto piisa oorshe.

Mataafa Otoowwa a paayyota 3:17

Sanynyeeta nuqusase Paapiloonipa poojame a Ikkoniyaani hellaadi, Selatiyaali

Mataafa Otoowwa a paayyota 3:19

Hellaa Fetaayya a diira, Serupaapeli isho Shiimi'i kidammi. Hellaa Serupaapeli a diira, Meshulaami isho Hanaaniya, alawtaaysho'ew, Selomiiti kidammi.

Mataafa Isira 1:8

Qiroosi nuqusa Faarisi mehaddasene qulqullaawe akka namase mehadda tika mankisteeta qara tooyno Mitiredaati kidammo qeedo ka diko' kode ka harka Sheshpaaserise piita Yihuta mukinno oppa' daashe.

Mataafa Isira 10:18

Maxxada a orra iskatta hapta' hemeeti sene are kammopaxata ca. Sanynyeeta hellaa Iyyosedeqi a Iyyaasu isho a hellaassoti oppa orra teyade; Ma'iseeyya ka Eli'eseri ka Yariipi isho Ketaaliya.

Mataafa Isira 2:2

Saarra orrase poojama kela kallo olli de'e' nefo, Serupaapeli ka Iyyaasu ka Nehimiya ka Seraayya ka Reelaayya ka Mardakkiyoosi ka Piilshaani ka Miispari ka Pikiwaayi ka Rehuumi isho Pe'aana. Samayta Isira'eeli a poojama kela kale kafa kafanne are kammopa xata caan.

Mataafa Isira 2:63

Haka qeesitta Turimi ka tuumimin heenna Waaqa kaassatta ettaninno xaano kara'e ishootta akka damtase qulqullaawte in dammini'i mukissampayta ka ishootta ajaje.

Mataafa Isira 3:2

Iyyaasu inna Iyyosedeqi isho qeesewwaasso a ollin koda koonaane ka Serupaapeli inna Selatiyaali isho firraasso ka takka ollin xa'en ka pora qara Waaqa Isira'eeliti kalisoota kalshan dawen. Ka akka seerase a Waaqa Muuse' daashe kiino mina'e, qara' kalisoota a kupannitto kupen.

Mataafa Isira 3:8

Semmalla a Yursaalamipa pora tikase a Waaqa qulqullaawte turan oppa kitto kayeneeyye, para lammatta oppa leya lammattatiiyyi Serupaapeeli inna Salaatiyaali ka Iyyaasu inna Iyyosedeqi isho orra pila a hellaa piita' kodde ka qeesewwa ka Lewaata ka orra poojama kela Yursaalamipa kale piisa ka kodase' paayye. Lewaata a para kunda lakki ka qaropeela kitto piisa ka akka tikase a qulqulloota' qupacciisto'e, shuumamte.

Mataafa Isira 4:2

Ka Serupaapeli isho saarra a kaffaati' kidene, “Haka Asraatoni nuqusase kutta a Asoori arepa inon de'e paayyatte, Waaqase' xaayshinan waaqaysanninna ka isha' kalisoota kalissa qudaaw kinnaay, ino ishin olli tikoose' xaadi a qulqulloota' qupno.”

Mataafa Isira 4:24

Semmalla haka Taariyoosi Faarisi qara nuqusumeeyye a para lammatta kaynitto kara'e kodase a tika qulqlloota a Yursaalami kara kitto ka akka paayyaden eeyye' qa'ade.

Mataafa Isira 5:1

Sitiiyyi xuumampayasene lakki, Haake isho Sakkariyaasi inna Iiddo ka maxxa Waaqa Isira'eelitinni' Yihutaata a Yursaalami isho piita Yihuta kara kalto'e, xuuma haasawaden.

Mataafa Isira 5:3

Sitiiyyi Taatenaayise piita a kirra Efraatiisitiiyyi qinda dumaateta opa kitto mukinno ka Shittarpoosinaayi isho orra a ishootta olli piita mukinno ka Yursaalamipa de'e. Ka ishootta' kide “Akka tikoose a qulqulloota' quptan ka kawwattoose kuli harmissane'e, ayno ishin ajaje?”

Mataafa Isira 6:14

Saarra Yihuta ka xuumampayasene Haake isho Sakkaariyaasi ishootta kokkonnaanni, ikka kodase a tika qulqulloota jarjarshen. Ka heenna a Waaqa Isira'eelitinni, akka nuqussasene a Faarisi Qiroosi ka Taariyoosi isho Artekisiisi ajajen mina'e, kodase a tika qulqulloota dikkishen.

Mataafa a Nehimya 12:1

Maxxada qeesewwa isho a Lawaata ka a qeesittase kutta Serupaapeli inna Salaatiyaali isho Iyyaasu olli poojama kela kale sene are kammopa xata ca.

Mataafa a Nehimya 12:10

Iyyaasu Yoyaqiimi xaaye, Yoyaqimi ka Eliyaashipi xaaye, Eliyaashipi ka Yoyaata'i xaaye,

Mataafa a Nehimya 5:14

A nuqusase Arteksiisi nuqusumeeyye para kunda lammattati paayyatte haka para kunda sessa lakkiti'i, parroosen kudanka lakki an oppa mukissampayta piita Yihuta kodde oppa ana isho hellaanno kalaata mushaara a mukissampayta parpaacciisno an teyyanne.

Mataafa a Nehimya 7:7

A tiitaawnaaneeyye, orra ishoottan kale, Serupaapeli ka Iyyaasu ka Nehemiyya ka Asaariya ka Ra'aamiya ka Naahamaani ka Mardakkiyoosi ka Piilshaani ka Miispereti ka Piikiwaay ka Nahumi isho Pa'aana.

Mataafa a Nehimya 8:9

Samaytase ete wa seerase' kiina dakkaysannooyye, ipooyni. Nehemiyase piita mukinno ka Isirase qeesitta kodde ka seera kollinno isho Lawaatase samayta kollinnitto ka samayta piisa' kidene, “Awwe kuyyaata a Waaqa Poqallaanno qulqullaawteey, in pooyan ka ilmaama an urqishan.”

Mataafa Sooketa 4:13

Muuse' xoori ikide, “Oo poqallaayyo! Nama pila erke.”

Xuuma Hake 1:12

Sekkammaayye, Sarupapeeli inna a Selatiyaali ka Iyyaasu inna a Iyyosedeqi isase matta saara qeesewwa kodde isho samaytase' poojama kelaayye kale piisa ka erkanasene a Waaqa Poqallaassoti a Hake ishootta' lele dakaye, maana malla Waaqa Poqallaasso'e isha erkeey ikka owsade; ka Waaqa fuure.

Xuuma Hake 1:14

Waaqa ka mukissampaytase a Yihuta Sarupaapeeli inna a Salaatiyaali ka isase matta saarra qeesewwa' kodde Iyyaasu inna a Iyyosedeqi isho orra poojama kela kale piisa koda a tikaaditi xaxxaashe. Ishootta ka de'en ka tikase a qulqqulloota a Waaqase we piisa ettaninno a Poqallaassoti qupeeta paayyen.

Xuuma Hake 1:15

Qupeese' nefo a Taariyoosi nuqusumeeyye, para lammattati, leya a lehatta oppa kuyyaata kunda lakki afrattati paayyen.

Xuuma Hake 1:2

Waaqase we piisa ettaninno ikiini, “Ha samaytose xayyo ikiini, ‘Ha ini etasene a oppaayye tika qulqqulloota a Waaqa' qupamto in kayne.’”

Xuuma Hake 1:3

Waaqa xoori iHake' kide,

Xuuma Hake 2:10

A Taariyoosi' nuqusumeeyye para lammatati, leya a sakalatta oppa, kuyyaata kunda lakki afrattatiiyyi, Waaqa ka erkanaadi xuumampaytase Hake kapopa erke. Hake ka kide,

Xuuma Hake 2:20

Leyoose oppaayyeew kuyyaata kunda lakki afrattatiiyyi, Waaqa ka erkanaadi a lammattati'i xuumampaytase Hake kapoopa erke ka kide,

Xuuma Hake 2:21

“Ise' piita Yihuta' mukinno Sarupapeeli' lele ka kide, ‘Anti piita ka moontan lellehsha;

Xuuma Hake 2:4

Waaqase we' piisa ettaninno ikiini, “Amma xoori, atti Sarupapeeli, kokkonaado! Atti Iyyaasu inna Iyyosedeqi ke a saara qeesewwa' kodde, atti kuli japaado! Ishina' nefo samayteeyye anti ishin ollin caay, japaada ka kokkonnaada!

Xuuma Sakkaariyaasi 1:1

Ataaryoosi Faarisi qara' nuqusumeeyye, para lammattati leya settatta oppaayye xuumampaytase Sakkaariyaasi isase oopa a Parakiyyu ka inna Iddo kodde'e erkana a Waaqa' de'en.

Xuuma Sakkaariyaasi 3:1

Sekammaayye Waaqa ka saarase a qeesewwa Iyyaasu a fuula erkampattoota a Waaqa tura' qa'ade, seetana ka qinda akittatin Iyyaasu xasasa qa'ade ana akkishe.

Xuuma Milkiyaasi 1:8

Oto horeeta qaja qapto taaki a joolte kalisoota ana dehannittaneeyye, hela sede dapa ishina'en koddito? Taaki oto horeeta a toonnaawte taaki a paaqnitto kalisoota' dehannittaneeyye, sede ishin qara' dapa in koddito? Kadi daassata asse qaja qapto orra ishin mukinno' dehannittan kiiteeyye, hela ixasan ishin qara teyyadane?

Luqaasi 3:27

Yoota kan inna Yonaani, Yonaani kan inna Reesi, Reesi kan inna Serupaapeli, Serupaapeli kan inna Selatiyaali, Selaatiyaalikan inna Neeri,