Xuuma Aptiyu 1:7 - Mataafa Qulqulloota

⁷ Orra olli kodayteeta qapto piisa ke sassapade; ka piitaaytippa alle' ke daane; moottadaatti nefo ka paarkaala ke' kodden; orra harkaaytippa dame kuli ka turuuraaw ke' qaasni; a sede piisa ke qara' koonaaneeyye, atti a' upnaanne.”

Xuuma Aptiyu 1:7 ပူးပေါင်းရင်းမြစ်များ

Mataafa Masmuureta 41:10

Oo Waaqqo! Atti' xoori ana suraysado; ka akkan ishootta qara haalota pooyyo'e, ana xaashe.

Mataafa Masmuureta 41:9

Moottiyyo an kippanno an toma takkoppa ollin damme kuli, ana qara paarkaallummaatan xa'e.

Xuuma Issayyaasi 27:11

Taammaadi oto kokaneeyye, iqeqqepan; iskatta ka qorootada ka xaayyada; ishootta samayta matte qapnaanni in kinniniiy, semmalla a ishootta uume ishootta in suraysado; umma a ishootta kode ishootta in kaassado.

Xuuma Ermiyaasi 20:10

A orra lekayta hushushino ka kiino, “Tatammaqta qinda piisaayye desa caay; xooya ka mankisteeta isha lella, alle mankisteeta isha lellan” dakaye. A xeliyyaayyo kodde ka pi'ittiyyo faana ka kiini, “Sassapatama in diishooy, in isha punna.”

Xuuma Ermiyaasi 30:14

Orrase a olli dahalsannitto piisa ke teyme; umma qootaayti desa dikanni in caan; qoota dapaayti akata kutti, juppootaayti ka akata koopte malla; akka nyaapa da'innaan mina'en ke dayshe; ka a nyiraamayta qattaanaan mina ke qatta'e.

Xuuma Ermiyaasi 38:22

Tin, iskatta a tika Mankisteeta Yihuta kara' hase piisa, kutkuttowwa mankistewwa Paapilooni turopa qeedama ishootta ka kidane, ‘Moottadasene xaayti a kippatte ike sassapaden ka ke puten amma oori loqqaati dooqqeta karopa loqamen; ishootta ka alle ke kapa tiitaawen’

Xuuma Ermiyaasi 4:30

Atti ke lulle haste, maana kideetaayti akka uwwa a tiima a heraan kokkoka kalsatte! Ka warqeeta siratte ka ilda kela kuula hahaqqatte; ha patta'e siratte; diirrasene ke jaalanna, qoota ke jippen malla ke ikassa faani.

Xuuma Ermiyaasi 49:7

Waaqase we piisa ettaninno qoota piita Etoomiti desa asse kiini, “Hela xawwa katama Temaani kara ookuma ipata? Hela upnampaya kapa dehaama idapade? Hela xawwa ookumaaysho ipirame?

Pooyta Ermiyaasi 1:19

A ana kaarayyina opan ullupade, ishootta' xoori, i'ana marmaden. Qeesewwaayyo isho qimayaayyo, a toota kela paha malla damta pora faddannaaneeyye katama kara' piramen.

Hoose'i 13:13

Isha akka iskatteeta yetatta a xaaya oppa kitto mina'e qaapa qara' de'a. Isha eepa a inna, a dalatta kaye kapaayye karitta aayyaasso oppa' tarkame' mina paha.

Hoose'i 7:11

Efreemeta akka eepa eleela a qalpeeta in qapnin mina ka qaarqaarsa faddatta'e takka Kipsipa ullupanni ka takka qinda Asoori opa anni.

Yohaannisi 13:18

Oton asse haasawannooyye, ishin piisa mallan. Anti ishina an reexade in upa ma xoori, qaalese a mataafa qulqulloota kiinitto ‘Nama laaqqotiyyo dame ana qara' paarkaalummaata' xa'e’ dikkatta isheetta parpaaccisni.