Xuuma Aptiyu 1:6 - Mataafa Qulqulloota

⁶ Ishina' sanynyeeta Eesaawiiyyi, hela atta tikkaassin poqorqorshen, ka wa a' qaptane' piisa ishin tura saren.

Xuuma Aptiyu 1:6 ပူးပေါင်းရင်းမြစ်များ

Mataafa Masmuureta 139:1

Oo Waaqqo, i'ana kara qorte ka ana upta.

Xuuma Issayyaasi 13:16

Nyooqqawwaasso, ildaasso' tura'e le'an ka nyalxattaawan; tikkaasso ka saraman; iskattaaysho ka irreetan sootama.”

Xuuma Issayyaasi 45:3

Akkiman anti Waaqa Poqalla a Isira'eeli' kodde, ka maxxaaytin ke hale akka upnaatto'e, anti teyanta a tukkanta kara' dekatte ka qapna a juutame'en ke' daasha.

Xuuma Ermiyaasi 49:10

Anti xoori lullen sanynyeeta Esaawi hattisha ka porra a kara deddekadene laka' sooksha; ikka dekatta malaalan; anka hellaa a xaayadene ka daltayaasso isho kantiyyaasso piisa alle pira; umma ishootta in caadan.

Xuuma Ermiyaasi 50:37

Orana ka xelaadi a farta isho sarakeelladdaan torpino qara' de'aw; ka xela oranna a hapta a isheetta kara kalo qara' qitaaw! Ikka tammaqitan piraman; ka teyantoolayaadi qara' qitaaw, teyantaaysho ka tura alle saramta.

Xuuma Taani'eeli 2:22

Ha isha wa juutame ka akkaanni in kinnini kuli akkini. Qoota la'ayta isha kapa co malla, wa tukkanta kara' dekade' piisa upa.