Xuuma Aptiyu 1:21 - Mataafa Qulqulloota

²¹ Orrase a Isira'eeli putaymaan kale, irroota Siyyooni' qaraxata piita Etoomi' pidda; mankisteese' nefo Waaqa muksha.”

Xuuma Aptiyu 1:21 ပူးပေါင်းရင်းမြစ်များ

Mataafa Uumata 25:23

Yaahiwwe ka isheetta' kide, “Helloosen ke kara ca, samayta lakki koddan. oto daladan kammaayye, umma olli in kalan, takka ka takka qara jaala. Qaarta ka kussitta' piddama.”

Mataafa a Nuqussa a lammatta 13:5

Ka a Isira'eeletan paho ishootta daashe, ikka miiddota Soorata kela pahen. Isira'eeleta ka a xata mina nakaytan kallaatte.

Mataafa a Nehimya 9:27

semmalla akka nyaapaaysho ishootta puto'e' koote; ikka ishootta payyahashen. Ikka ete rakkadeneeyye, kepa ullupaden; atti ka moonte xata ishootta dakayte. Qoota suraysattaayti koope malla, orra nyaapaaysho kela ishoottan paho ishootta' daasse.

Mataafa Masmuureta 102:15

Oo Waaqqo, mankistewwa piita maxxaayti fuuran, nuqussa piita ka ulfeenaayti fuuran;

Mataafa Masmuureta 22:28

Mankisteeta a Waaqa'ey, isha ka samayta piita' piisa mukinniiy.

Mataafa Masmuureta 22:29

Taajurra piita piisa'e dama ka ishi' sakatada; a wa qara kallaadane' dape ka toota qara ca kuli ka isha tura' kilpiippadan.

Mataafa Masmuureta 47:7

Waaqa nuqusa piita piisa'ey, masmuureta kalataatin isha saarsha.

Mataafa Masmuureta 67:4

Qoota' hanqeetan samayta faratto, ka mankistewwa piita' mukisso malla, mankistewwa a xasooden; ka xasan ililiwen.

Xuuma Issayyaasi 19:20

Sene ka piita Kipsi' kara'e milikkita ka maakkitta koddan; a ishootta miina' mina'e, oto Waaqopa ullupannaaneeyye, isha ka a ishootta' qato ka ishoottan paho ishootta' erka ka oppa ishootta sooksha.

Xuuma Issayyaasi 24:23

Waaqa a we piisa ettaninno, qoota irroota Siyyooni isho a Yursaalami qara nuqusumo malla, piirtota ishishshipta; leya la'ayta in daasho; ishakka qimayaadi tura ulfeenaadi akkisha.

Xuuma Taani'eeli 12:3

Sitiiyyi ookka akka piirtota opa la'ayan, a orra lekayta hanqeelluma kollishe ka haka paraparati akka hiikka moonta' mina' la'ayan.

Xuuma Taani'eeli 2:35

Sitiiyyiiw siplase ka piitase ka siplase poora ka siplase isho warqeetase' piisa ka takka alle yooqamen ka akka raanda poneeyye okteetoppa xaano mina'e, uruuritta ka piisa alle' haade, ikka porase oppa dapaden. Ma xoori shilase pahanasene qara' pi'e ikuttade ka piita piisa qara pire.

Xuuma Taani'eeli 2:44

Sapanna nuqussasenetiiyyi aappa moonta Waaqa mankisteeta haka parparati' kallaatto, samayta piita pila ka quda qappatta in ettaninnini xaasha. Mankisteetose ka mankistewwa pila' piisa alle' pirta ka xaadi haka paraparati kallaatta.

Xuuma Taani'eeli 7:14

Ka akka samayta piitadda leka oppa kalo ka sanynyewwa ka orra afadda karkar haasawanno piisa isha kela' piddamo'e, siltaana ka nuqusuma isho hupna mukissa ka ishi' daasame. Mankisteetaadi umma pata in qapto, mukissaadi umma in dikkado.

Xuuma Taani'eeli 7:27

Siltaana ka kuttumta isho hupna mankistewwa mukissa ka oori moonte arepa xata piita piisa qara'e, qulqullowwasene a Waaqa kuttati' daasama, mankisteetaaysho ka haka paraparati' kallaatta, mankistewwa a piita qara ca' piisa ka ishootta' piddaman ka ishootta' ajajaman.

Xuuma Iyyu'eeli 2:32

Nama maxxa Waaqa' haleeno piisa ka dina. Akkima Waaqa kide mina'e Yursaalami isho irroota Siyyooni' qara qoracca orra dinsho caada. Orra dino oppaayye, a Waaqa ishootta reexade'e caada.

Xuuma Mikkiyaasi 4:7

Isasene totoonnaawe akka peela hasanen koda; isasene alle' puyatame sawwa fuurammoti' koda; anti Waaqa ka awwe desa paayyatteeyye haka paraparati'i irroota Siyyoonitiiyyi ishootta qara' nuqusuma.”

Xuuma Sakkaariyaasi 14:9

Sitiiyyi, Waaqa piita piisa qara'e nuqusuma; kuyyaasetiiyyi, Waaqa isha takkayta caada! Maxxaadi nefo takkaytaaw kodda.

Maatiyoosi 6:10

Mankisteetaayti a deeto wa jaalannitta akka moonta kodden mina'e, a piita koddeneew.

Maatiyoosi 6:13

Isase neeqa kela inon pahe diisheey, ekkaysumaappopa in kalshan [Mankisteeta ka hupna ka ulfeena, haka paraparati'i xaaytiiw. Ameen.’]

Luqaasi 22:30

Semmalla mankisteetiyyo oppaayye damta kutiitan ka damtan ka ikkitan; ka sufaana qara kutiitan ka kaffasene a Isira'eeli kudanka lakki qara' farattan.”

Timotoosi a paayyota 4:16

Ka isi isho wa' kollinnitta' tooytado ka wossenen japaado ka qa'ado. Oton asse' kooniiyyi, issi isho a ke dakayna kulinni' pahaniiy.

Yayqoopi 5:20

namoose' juppoolaytase saanta qaropa oorinno, akkima toota kela napseeta namoosetitin pahano ka juppootaadi a koopte akka ishi' hasto' koono a upnaado.

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.

Keleshaata 19:6

Nessa samayta kutta ka nessa fotota a pisha isho nessa a xirara kokkoka paho ka kiini, “Haalleluuyya Waaqa Poqallaanno, isase we piisa ettaninno, inuqusume! Anka dakaye.

Keleshaata 20:4

Sekkammaayye suufaanaddan akke suufaanaddasene qara'ew orra akka faratane'e hupna ukkumeeta ishootta daasame ka kukkuti'e anka akke. Anka napseewwa a oorra qoota Yesuusi desa maakkuma malla ka qoota qaaleta Waaqa malla mattadaasso qara quuramene akke. Ishootta orra pinantase isho waakkaadi in sakatannin ka milikkitaadi fuulaaysho isho harkaasso quda in kodannini. Ishootta tootoppa xa'en ka Kiristoosi olliiyyi para kuma nuqusumen.

Mataafa Taanynyada 2:16

Sekkammaayye Waaqa ka taanynyada ishootta shuume. Ikka sarampayasene ishootta sarra kela ishoottan pahen.

Mataafa Taanynyada 3:9

Sekkammayye samayta Isira'eeli ka Waaqopa ullupe, ishi ka akka ishoottan paho'e, Otini'el inna Qenesi a kussitta Kaalepi ishootta' shuume.