Xuuma Aptiyu 1:19 - Mataafa Qulqulloota

¹⁹ Orra Yihuta a kara kammatin co piita Etoomi'i lehada; a qinda dumaatatin irrowwa kelandesa lakoppa kaloow, piita Filisteemi' qara pira; ka piita Efreemi ka a Samaariya kuli qeedada; orra Piniyaamiw, piita a Kele'adi lehada.

Xuuma Aptiyu 1:19 ပူးပေါင်းရင်းမြစ်များ

Mataafa a Nuqussa a lammatta 17:24

Nuqusa Asoori piita Paapiloonitiiyyi katamadda Aawwa ka Kuuta ka Hamaati isho Safaariwaaymi kidamma oppaayye orra xaashe ka pakka Isira'eeleta oppa'e katamadda Samaariyaati kutiishe; ishootta ka katamadda Samaariya teyyaden ka oppa kallaatta paayyen.

Mataafa Otoowwa a paayyota 5:26

Semmalla Waaqase a Isira'eeli ka akka Puuli nuqusa Asoori isase Tiklaatipeleseeri kidammo ishootta qara xa'o kode; ikka kafase a Roopeeli ka a Kaati isho a Minaase quda paka takka poojacciise ka piita Halaahi ka Hapoori ka Haara isho kirra Koosaani kapopa ishootta kotaanshe; ikka haka awweti eyye kallaanni.

Mataafa Isira 4:17

Nuqusa ka taptaappetase mina' oorshe ka kide, “Rehuumi mukissampayta ka taafittaadi Shimshaayi isho orra ishin olli Samaariya isho kirra Efraatisiti qinda dumaata oppa kalo piisa, nakayta a ishina' koddo.

Mataafa Isira 4:2

Ka Serupaapeli isho saarra a kaffaati' kidene, “Haka Asraatoni nuqusase kutta a Asoori arepa inon de'e paayyatte, Waaqase' xaayshinan waaqaysanninna ka isha' kalisoota kalissa qudaaw kinnaay, ino ishin olli tikoose' xaadi a qulqulloota' qupno.”

Mataafa Masmuureta 69:35

Waaqa Siyyooninni pahaay, ka katamadda Yihuta amma piite qupaay; samaytaadi ka oppa' kallaada, piisse ka a xaaysho' koddita.

Xuuma Ermiyaasi 32:44

Waaqa asse kiini, “Piita Piniyaami karaayye ka piitadda a Yursaalami kapandesa ca oppaayye ka katamadda a Yihuta karaayye ka katamaddasene a piita irrowwa karaayye ka katamadda a kerpatta kelandesa ca karaayye ka a tupatta Yihutaati ca karaayye, dulla kaajaan heeraama; warqata a qara olli kalen ka farramama; ka fuula maakkiyya tura ashshakama; maana malla anti paxaarumta piisan ishina oorshaay.”

Xuuma Ermiyaasi 49:1

Waaqa qoota Amooniti desa asse kiini, “Hela Isira'eeli, hellaa a diira'en xaayanne? Ka a isheetta lehada dapte? Ka kuli killootase milkoomi, kidammitto atta piita Kaati lehatte? A isheetta' sakatanna ka katamaddaadippa kuti'en?”

Xuuma Hisqeeli 25:16

Waaqase' piisa qara qapo ikiini, ‘Tin anti harkiyyon Filisteemeta qaropa xaasha ka Keretaata pira ka a pakateeta kapa peella hase kuli pira.

Xuuma Hisqeeli 36:28

Akka piitase an aappadaassina a xattati' daashe oppa' kallaatan ka samaytiyyo kodditan; anti ka Waaqaayshin kodda.

Xuuma Amoosi 1:13

Waaqa ikiini, “Samayta katama Amooni' qoota a lekaatin juppoota kode malla, an ishootta qatta'o ka qara erkannaata qeedo mali an diisho; ha ishootta xeela tuukatta malla piita Kele'adi' torpen ka iskatta karittoppa inna qapo kuli kara hellaa kakkaa'en.

Xuuma Amoosi 1:8

Anti samayta katama Ashtooti kara kalon alle' pira ka saarra katama Asqeloona alle' pashsha ka orra katama Eqrooni kara kalo qatta'a; umma Filisteemeta peela in hasan.” Waaqase' piisa qara qapo asse kiini.

Xuuma Amoosi 9:12

Peellasene piita Etoomi kela' hasa isho samayta maxxiyyon halaame piisa ka lehada” Waaqase sede kodo isha asse kiini.

Xuuma Mikkiyaasi 7:14

Waaqqo! Akka sikmayta fayya deettappan desa xelloota sikinno mina'e, samaytaayti siksado ka ishootta muroppa ca a xatta' mina'e akka piisse a Paasaani ka a Kele'aati oppan desa deetta deetane' kode.

Mataafa Dikoota 1:32

Sanynyeeta Yoosefippa kafa Efreemippaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaassoti qara'e matta mattan taafamen. A kafa a inna Yoosefi a Efreemippa a taafame kan nama kuma kunda afuri ka dippa keni.

Mataafa Iyyaasu 13:25

Xeelaaysho, katamadda Ya'iseeri isho a Kelaadi kara ca piisa ka piita Amooni quda paka takka ka haka Aro'eerise Raapaayye qinda piirtotatin kitto kayni.

Mataafa Iyyaasu 13:31

Ka Kele'aadi quda paka takka isho piita Paasaani oppaayyeew, katamaddasene a nuqusase Ooki mukinna Astaarooti isho Etirayi kidamma piisa, sede nefo hellasene a Maakiri kafa Minaase quda paka takka kodde'e qoottotaadi.

Mataafa Iyyaasu 15:21

katamadda Yihuta a qinda tupattatin xeela Etoomi mina ca, Qaapdu'eeli ka Ederi ka Yaakuri

Mataafa Iyyaasu 15:33

Katamadda irroota kapandesa ca'ew Eshta'ooli ka Soora ka Ashinna ka Saanoha ka Anikaanimi ka Tapuha ka Enami ka Yarmuuti ka Adulaami ka Sokoti ka Aseqa ka Sha'iraymi ka Additayimi ka Kedera isho Kederotaaymi kidamma ishootta olloppa'e, katama kudanka lehi isho kantada kapandesa ca piisa qapanni.