Xuuma Aptiyu 1:18 - Mataafa Qulqulloota

¹⁸ Ana Waaqa asse haasawade ka kide, Hellaa Yayqoopi akka apitta, hellaa Yoosefiiw akka hapulpula apitta' mina'e koddan; hellaa Eesaawi ka akka kajja' mina koddan; akka apitta kajja kupno mina'e, hellaa Yayqoopi isho a Yoosefi ka hellaa Eesaawi alle' kupan ka piran.

Xuuma Aptiyu 1:18 ပူးပေါင်းရင်းမြစ်များ

Mataafa Saamu'eeli a lammatta 19:20

Maana malla, anti orxaytaayti akkiman juppoota kode in upaay. Awwe xoori ke poqallaayyo nuqusa teyyatta'e, sanynyeeta Yoosefi oppaayye tin a paayyota'en kodde ka lekkadeey.”

Mataafa Sooketa 5:12

Semmalla samaytase ka jiteeta faddatta'e, piita Kipsi piisa kara' pase.

Xuuma Issayyaasi 10:17

Waaqase la'ayta Isira'eeli' kodde, qulqullittase' xaaysho a Waaqa ka apitta opayno kodda ka kuyyaata takka oppa'ew qassattaaysho isho qeeyyaasso' kupa.

Xuuma Issayyaasi 31:9

Mishshikeetase a Asoori kokkoka ka fuuraan alle' qitqitta; saarraasso ka paantiraaysho alle katan ka tammaqtan qahan” Waaqase a apittaadi Siyyooni qara co, poroodaadi ka Yursaalami kara co asse kiini.

Xuuma Issayyaasi 47:14

Tin, ha ishootta kajja mina, apitta ka ishootta kupa; umma hupna apitta kela issin paha in ettanshan; awsatta'e umma porooda in qapnaadan; umma tura kutiitta'e apitta in caado.

Xuuma Issayyaasi 5:24

Semmalla akka apitta irma kupno, miissa ka apittan kupanno mina'e, hittinnaasso asseew olloppa tortora; pissaaysho ka a kuyyaalayta' mina' pittinnaawa. Maana malla, seera a Waaqa Poqalla a we piisa ettaninno'e tuffadeneey ka qaaleta a qulqullitta Isira'eeli puyadeneey.

Xuuma Issayyaasi 9:18

Neequmta a apitta' mina'e opayta ka qassaya isho qeeyya kupta ka mura a oli qape oppa' qapatta, qayyaadi ka a tuuda' mina moontandela qa'ada.

Xuuma Issayyaasi 9:19

Miira a Waaqa Poqalla a we piisa ettaninnotinni, piita ikupatta; samayta ka apittase oppa opaya umma nama innaassoti nyarraho in caado.

Xuuma Ermiyaasi 11:23

Paran oppa samayta Anatooti qattaanooyye, qootan ishootta qara erkannaata qeedo malla, ishoottoppa peela nefo in hasan.”

Xuuma Hisqeeli 37:16

“Atti to'ampayta namatiiyyi, uleeta teyyado ka qara' taafe ka kide, ‘Yihuta isho samayta Isira'eeli ka a ishootta quda koddina’ Ka uleeta pila qeedew ka qara' taafe ka kide, ‘Yoosefi taaki Efreemi isho sanynyeetase a Isira'eeli isha quda koddina.’

Xuuma Hisqeeli 37:19

Ishootta' kide, Waaqase' piisa qara qapo ikiini, ‘Tin anti uleetase a Yoosefi harka a Efreemippa kitto isase a kaffaasene a Isira'eeli isha quda caati qeeda qaran ca; akka harkiyyoppa takka koddane'e, uleese mina'en uleeta Yihuta qapa; ikka ollin takka koddan.

Xuuma Iyyu'eeli 2:5

Torrayse irrowwa qarandesa pora hira, nessa ka kela a sarakella' mina' duuta; ikka akka apitta ollaata kupno mina, we piisa kupa; ka akkima nessa orra lekumtan oranna anno kela kuuminno mina' kuumshan.

Xuuma Amoosi 1:8

Anti samayta katama Ashtooti kara kalon alle' pira ka saarra katama Asqeloona alle' pashsha ka orra katama Eqrooni kara kalo qatta'a; umma Filisteemeta peela in hasan.” Waaqase' piisa qara qapo asse kiini.

Xuuma Amoosi 5:15

Takka punu Waaqa Poqalla a we piisa ettaninno hellaa a Isira'eeli'i suraysada kodditaay, ishina wa neeqa needdada ka wa paxaara' jaalada ka porra a firteeta farannaan oppaayye, dukaata haasawada.

Xuuma Amoosi 6:6

Ishina taadeta wayneeta' shuubbaan ika kapa oktaanne' iknittan ka shittoota katetaadi akata kokkoka' fidannittan, umma pateeta samayta Isira'eeliti desa pakkanna nyarrahata ishina' dakaanni in kittooy, oo ishin kido!

Xuuma Aptiyu 1:16

Samaytiyyo irrootase' xayyo qulqullaawte qara'e rakkoota teyyade; samayta piita a kapandesa co piisa ka a sede qaran qapto' rakkada; orra a rakkoose' qara kayte piisa ka piitoppa dapada.

Xuuma Mikkiyaasi 5:8

Ka akkima karma pinaana a kappina opa shorro taaki akkima haaritta karma' xelloota kaharra opa doono ka qapanno ishootta ka nama qara ‘Sapay’ kido in qapnin mina'e, peelasene samayta a Yayqoopippa hase asseew samayta leka oppa paarkaalaasso' kodan.

Xuuma Nahoomi 1:10

Ishina' maashshoolayaayye! Akka qeeyya isho' miissa koke apittan kupannaan ka pannaan mina'e asseewwe' pattan.

Xuuma Sakkaariyaasi 12:6

Kuyyaasetiiyyi, akka xoopnatta apitta a tuula qora oppa qapade ka akka ila apitta a tuula unta oppa' qapade mina'en saarra a Yihuta' koda. Ishootta ka samayta a ishootta kapandesa a qinda akitta isho a pittittatin co piisa kupan. Yursaalami' xoori, poraadippaayye in lehto.

Xuuma Milkiyaasi 4:1

Waaqase we piisa ettaninno ikiini, “Ha kuyyaata akka porooda apitta' mina kupnitto de'a ka orra isi peepno isho orra wa neeqa' koono piisa akka qaawta' mina kupa. Umma hittinnaasso taaki taammaasso nefo kela in hasan.

Qorontoosi a paayyota 3:12

Nama, kirittoose qara warqeeta, taaki dakara pirreeta, taaki daka kokkokan tika qupno, taaki qora, taaki aykitta, taaki qaawtan tika qupno,