Xuuma Amoosi 7:3 - Mataafa Qulqulloota

³ Waaqa nefo ka ishootta' nyarrahe ka ana' kide, “Wossen a akkite ishootta qara'en kayan.”

Xuuma Amoosi 7:3 ပူးပေါင်းရင်းမြစ်များ

Mataafa Uumata 6:7

Semmalla Yaahiwwe ka dikade ka kide, “Uumatase an uume ana nyarrahasiiseey, allen sanynyeeta nama piita qara qishsha. Pinaana piita qara kala ka xampira moontan xa'anna piisan piita qara alle pashsha.”

Mataafa Otoowwa a paayyota 21:15

kamma'ew Waaqa ka akka Yursaalami patisso'e, erkampatootaadi erke; ete patissa dehaatteeyye, Waaqa ka akke ka pateetta a deenitto malla maraarfade ka erkampattootase orra pirritto kide, “Ikodditeey, harkaayti oorsado!” Sitiiyyi erkampattootase a Waaqa awta Orna a Iyyapuusitta kapa'e qa'atte.

Mataafa Masmuureta 106:45

Ka ishootta malla kodayteetaadi matte oorsade, ka xoonaadi a koope malla miiraadi alle' diishe.

Mataafa Masmuureta 78:38

Waaqa xoori qoota suraysattan immakaade malla, juppootaysho i'ishootta' diishe, umma alle ishootta in patinne. Ka a lekatin alle' miiraadi ishootta qara tiitayshe, umma aaraadin ishootta qara in' xaane.

Mataafa Masmuureta 90:13

Waaqqo, miiraayti haka aytamiti'i jara? Tiitaawe ka orxayaatti suraysado.

Mataafa Sooketa 32:14

Yaahiwwe ka pateettase a samaytaadi qara qeeda dikade alle diishe.

Xuuma Ermiyaasi 26:19

Hela kuli nuqusase a Yihuta Hisqiyaasi isho samayta Yihuta piisa iMikiyaasi ishshene? Hisqiyaasi Waaqan fuurre ka diissata in qinsanne? Waaqa ka qitaatetase a ishootta qara qeeda haasawade alle'en diinne? Ha ino pateetta kuttayteetan isi qara qeenninna.”

Xuuma Ermiyaasi 42:10

‘Pateettae an ishin qara' qeede minanne dikattiyyo qoota pursame malla, oton piisse oppa'ewwe kallaannittaneeyye, in ishin qupa diisheey alle an ishina an pooto; ka ishin disha diisheey alle an ishina an shukko.’

Hoose'i 11:8

Ata Efreemi! Attan ke qara karitta kutada ka alle ke diisha? Ata Isira'eeli! Attan orra pilaati ke tarpisha ka daasha? Ka atta akka katama a Taama isho a Sepooymi' mina alle ke pashsha? Ha jaalala an ke' qapa' qoota dikkeeti kutti malla, sede ke qara' koda'e karittiyyo in ettaninne.

Xuuma Iyyu'eeli 2:13

Nyarrahataayshin akkissa'e ohawwaassin kakkaa'a kapaayye, karitta a nukkullan anopa oora.” Ha Waaqa Poqallaassin, naalayta ka suraysattampayta, a miira' jarjarri in kinnin, a diissataadi haka parparati' koopte ka a dapa mureeta' jarjarri in kinniniiy, ishopa tiitaawa.

Xuuma Iyyu'eeli 2:14

Ata ayno upa, a Waaqa Poqallaassin miira alle' diisho ka pakkoose oppa'e saka ishina' daasho; akka ishi kalisoota unta isho a ikkayta dehassan?

Xuuma Amoosi 5:15

Takka punu Waaqa Poqalla a we piisa ettaninno hellaa a Isira'eeli'i suraysada kodditaay, ishina wa neeqa needdada ka wa paxaara' jaalada ka porra a firteeta farannaan oppaayye, dukaata haasawada.

Xuuma Amoosi 7:6

Waaqa ka ishootta' nyarrahe; Waaqase piisa qara qapo ka ana' kide, “Sede nefo ishootta qara in kayto.”

Xuuma Yoonaasi 3:10

Waaqa ka orrase a Nenewwe akka kodase' xaaysho' neeqa oppa oore akke ka ishootta suraysade ka waasene' neeqa a ishootta qara' qeeda' dikade alle' diishe.

Mataafa oppa' Ooreta 32:36

Oto hupnaaysho pato, a karpishsha kodde ka a in koddinini ka takka dapadooyye, Yaahiwwe samaytaadi'i dukaata mura; ka orxayaadi suraysada.

Yayqoopi 5:16

Semmalla akka' dintane'e, juppootaayshin oli tura' lelada ka olli' qinsada. Qinseeta a hanqeellita nama, wa kutta'e kooni.