Masmuureta a masmuurewwa piisa qara jaallitto 8:1 - Mataafa Qulqulloota

¹ Atti allu kati a innaanno, a aanna aayyaanno luuke koddite maana in kinnin? Oton lakoppa ke akkooyye helani anka ke dinka. Umma nama anan puyadooy.

Masmuureta a masmuurewwa piisa qara jaallitto 8:1 ပူးပေါင်းရင်းမြစ်များ

Mataafa Masmuureta 2:12

Miiraadi irra qara xaaniiy, akka ishin qara'en miironnin, akka poroppa a' pannini'i, innaadi' sakatada. A isha xelsuma' kodanna' piisa xaaysho i'olooden!

Mataafa Masmuureta 51:17

Ha! kalisoota Waaqa, karitta qepe; oo Waaqqo, atti sataata qepte ka nahnitto a' puyanni a' kitto.

Masmuureta a masmuurewwa piisa qara jaallitto 1:2

Jaalalaatti wayneeta qaropa me'uma' jaalliiy, afaattin ana dinke.

Masmuureta a masmuurewwa piisa qara jaallitto 7:13

Turunkoota i'alaawni. Luukkawwasene memme'aawna' piisa are xarrinno oppa caan. Ke an jaalanno, an ka ke xaaye.

Masmuureta a masmuurewwa piisa qara jaallitto 8:2

Helani anka ketupa harka qapa ka tikase a aayyasene xanno ana kollisse opa ken kala. Ka taadetase a wayneeta' paxaara isho' miila dalta roomaani ke' daasha.

Xuuma Issayyaasi 60:14

Hellaa a orra a ke miiddeeti kaareeta ke oorissaanne ke turopa de'an, a ke jippe piisa ka turumpa dawattaanne, loqqaatti kela seehan; ka ke halan ka kidane, ‘Ha Siyyooni katama a qulqullitteetase a Isira'eeliti, ha isheetta katama Waaqa!’

Xuuma Issayyaasi 7:14

Semmalla Poqalla mattaadi' milikkita ishina' daasha; tin, iskatteeta xayya qapto inna hita ka inna diirta' xaaya ka maxxaadi ‘Amaanu'eeli’ Kiita ka haleeta.

Xuuma Issayyaasi 9:6

Inna ino' dalade, inna a diirta ka ino' daasamen; hupnaadi a nuqusumaadi' nefo xashshittaadi qara ca; maxxaadi nefo, “Dehaamampayta a orra qawwanno ka hupnampayta Waaqa, ka aappa parapara ka mattitta nakayta'e” kidama.

Xuuma Hake 2:7

Waaqase piisa ettaninno ikiini “Mankistewwa ana amanni in kinnini alle'en karkalsha, teyantaaysho' piisa ka arepa deeta anka tikoose are kitto ulfeenan immaka.”

Xuuma Sakkaariyaasi 9:9

Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.

Xuuma Milkiyaasi 3:1

poqallasene we piisa ettaninna ikiini, “Ha anti erkamampaytase' xayyon erka ikka ana turandesa pora harmisha. poqallasene a ishina' faanittane ka a isqara a upnin maliiyyi, tikaadi a qulqulloota kelopa de'a. Erkamampaytase a ishina ishin xasoottan ide'a.

Luqaasi 10:16

Yesuusi ka tamaarewwaadi kideewwe, “Nama ishina dakayno ana'e dakayni; nama ishin teyyanni in kinnin ana teyyanni in kinnin; nama ana teyyanni in kinniniiw, a ana erke teyyanni in kinnin.”

Luqaasi 12:8

Kamma desaaw Yesuusi ikide, “In ishina kiini nama fuula orra tura ana maakkummo, inna nama nefoow, fuula erkampattowwa Waaqa tura'e asseew ishi maakkumaneew.

Luqaasi 18:9

Kamma desaaw Yesuusi, orra issi kiino, “Ino an hanqeellaya” Ka orra pila puyanno'e pahanoosen lele ka kide,

Luqaasi 2:38

Sitiiyyi, isheetta kuli ka deetew ka Waaqa kalataysatta paayyite ka qoota innaseneti desa orra kipeetan dina Yursaalami asanno piisa haasawanni.

Luqaasi 9:26

Nama ana ka qaaletiyyon jeerro piisa; inna a nama awta ulfeenaadi ka ulfeena Aappaayshoti isho ulfeena qulqullowwa erkampattowwaatin deenooyye, awwse ishan jeera.

Yohaannisi 1:14

Sede qaaleta kidame nefo, nama kodde ka daassata Waaqa isho dukaata immakaade ka otantinno oppa kallaade. Ino ka a inna sene takkan a aappa ulfeena, a'appaaysho kapa qapan akkine.

Yohaannisi 13:3

Waaqa Aappa akkima hupna ukkumeeta piisa ishi' daashe, ikka Waaqa kapa sooke ka de'e ka Waaqa kapopaaw tiitaawo Yesuusi i'upa.

Yohaannisi 16:28

Anti Waaqa Aappa kapaayyen sooke ka piisse qaropa de'e, amma piisse in diishaaw ka Waaqa Aappa kapopa aana.”

Yohaannisi 3:13

Innasene a nama moonte xata lekkade maliiyyi, a moontopa fayyade takka nefo in co.

Yohaannisi 8:42

Yesuusi ka ishootta kide, “Katin Waaqan Aappaayshin kiiteeyye, ana jaalanni heenten; Anti sede an arepa de'e, Waaqa kapan de'e. A ana erke nefo Waaqa diisheey, ukkumeeta mattiyyootin an deene.

Qorontoosi a paayyota 1:28

Waaqa, wa orra piita' kapa icaan ishootta kiinaane, patissa'e, wa piita qara jeere ka puyatame ka paata patta kapa dikamma'e reexade.

Kelaatiya 4:26

Yursaalamise a moonta' xoori, nataanne kitta. Isheetta' nefo aayya a ino piisa.

Kelaatiya 6:14

Masqala an anti qara' piita malla fannisame kato'e piita ka qara' ana malla fannisamte ka toote masqala poqallaanno a Yesuusi Kiristoosi mali jeejja a pila ana kapa a sekaaden.

Filippisiyuusi 3:3

Maana malla ino a Hapura Waaqatin waaqaysanna ka taanteta a laka tulan akkaannitton in koddinin mali Yesuusi Kiristoosiiw jeejjaanna, ino dukaatan dawra qara murade.

Timotoosi a paayyota 3:16

Juuttota amanteetinno akkima kutti oppan desa anta in qapto; isheetta' nefo ikiini, “Waaqa nama kodde ka akkaade, dukaallyta koddetaadi ka hapuran upnaysamte; ikka erkampattowwa tura' akkaade ka lekna piisa tura' torraame. Orra a piita qara co ka isha amane; ikka ulfeenan moontopa fayyade.”