Masmuureta a masmuurewwa piisa qara jaallitto 7:4 - Mataafa Qulqulloota

⁴ xolmaatti kawwatta tooya a hirta arpatin dawene pahan. Ildaatti nefo ella takkan a Heseepooni xarra oxinta kapa ca'e pahan. Siinaatti, kawwatta takka a tooya a katama Lipaanoosi katama Temaasqo mina tooynitto pahan.

Masmuureta a masmuurewwa piisa qara jaallitto 7:4 ပူးပေါင်းရင်းမြစ်များ

Mataafa Uumata 15:2

Apraami' xoori i'isha' kide, “Ata Poqallaayyo Waaqqo, anti umma inna an qapooy, maana ana' daassa? Ha namase a Tamaasqo Eli'eseri kidammo tikiyyo lehada.

Mataafa Saamu'eeli a lammatta 8:6

Ka Tamaasqo a Sooriya kara'e safarra oranna qaatishe. Soorata ka Taawwiti piddamte ka isha kapparte. Waaqa ka pora oppopa Taawwiti tuule piisa oppaayye ishi putayma daashe.

Mataafa a Nuqussa a paayyota 10:18

Semaliiyyiiw nuqusase Selemooni sufaaneta kuttayteeta hirta arpa oppa kodacciiseew ka warqeeta paxaaratin quda uwwishe.

Mataafa a Nuqussa a paayyota 10:22

Nuqusase markapadda a piita Terseesi a pakateeta qara markappa Kiraami olliiyyi nakanna'e qapa. Ishootta ka para sessa oppa takkan warqeeta ka sipla dakara ka hirta arpa ka qamilewwa isho keltaya feeni ka ishi ishin kalli.

Mataafa a Nuqussa a paayyota 22:39

Wa a ata hase a Aki'api kode piisa, tikase a manksteeta a hirta arpatin sire ka katamaddasene a qupe piisa mataaffa torra a nuqussa Isira'eeli oppa'e taafamen.

Mataafa a Nuqussa a paayyota 7:2

Ka tikase xaadi a mankisteeta mura Lipaanoosi kidammitto qupe. Piitandesa derumaadi dikla dippa ka paldumaadi dikla kunda keni ka moontandela dikla kunda sessa. Isheetta qapaya talta a pora sessa olkammandesa qa'ame ka xarna qapa qara'e qupamte.

Mataafa a Nuqussa a paayyota 9:19

Ka katamadda a oppa meehaadi a qapo xaayanna ka a sarakeella oranna isho a orra fartan torpino kara safarro piisa qupe. Ka Yursaalami ka Lipaanoosi isho piitadda a mukinna piisa kara wa qupa fade qupe.

Mataafa Otoowwa a lammatta 8:6

Ka asseew katama a Pa'ilaati ka katamadda a tika meeha piisa ka katamadda kara sarkeelladda kalinnaane isho a fartada kara kalannaane piisa qupe; ka sene isho wa koda dikade piisa katama Yursaalami ka a Lipanoosi isho pora piitaadi oppa oorto ikka mukinno piisa kara' qupe.

Mataafa Masmuureta 144:12

Hellaanno a diira a xayyoppa caaneeyye, akka qoyra a kuttannooyye we' piisa akkade mina' kodden; hellaanno a tuparra'ew, a tuudda qeppeelliyya tika nuqusa kara' quda sirene' mina'e, a paqaarnaaden.

Mataafa Masmuureta 45:8

Mehaddaatti a' kalsannitta' piisa shittootase qoyra tankarta ka a arkayta isho a karpeeta oppa kodamtenne alaawni; tikase' xaayti a manksteeta a hirta arpatin siren karaayye, nessa a kehayta isho a maasinqoota ka ke xasanni.

Masmuureta a masmuurewwa piisa qara jaallitto 1:10

Dapnannaatti qudaxata siraatti a nappaappa xata rarraa'e, ka xolmaatti a yaakata sirade, oo atta paxaari.

Masmuureta a masmuurewwa piisa qara jaallitto 4:1

Keese an jaalanno enenta, oo atta' paxaari? Oo atta a xarjaallitteeta? Ildaasene' xaayti shaashetaayti karan akkaanna, ilda elela'e pahan. Nyirfaatti xellootase a tela irroota Kele'aadi quda xata lekkannitto pahan.

Masmuureta a masmuurewwa piisa qara jaallitto 4:4

Xolmaatti kawwattase a Taawwiti a tooya, a quda meeha orana raken, kontaleeta kuma ka quda raa'initto pahan

Masmuureta a masmuurewwa piisa qara jaallitto 4:5

amaddaatti lakki, nyalqa takkan a kuumanta sallahama' dalade, ka pisa paxaara oppopa dawwade'e pahan.

Masmuureta a masmuurewwa piisa qara jaallitto 6:5

Ana qara pirriiy; ildaatti ana quda pute. Nyirfaatti xelloota takka a tela irroota Kele'aadi quda xata lekkannitto pahan.

Xuuma Issayyaasi 54:4

A' jeertooy in fuuran; a' palamtooy in tammaqan; jeeraayti a xayya itteymita, umma jeeraayti a hiyyuma lammatta matte a oorsatto.

ipro 5:14

Orra a damta kokkoka ishootta parpaaccisnitto xoori, orra a kukutta a wa neeqa isho a paxaara olkela reexa' kolluma qapo.