Masmuureta a masmuurewwa piisa qara jaallitto 7:12 - Mataafa Qulqulloota

¹² Ka teykantan xaana ka dulase a wayneeta oppopa keena ka akkima wayneeta piste roomaani ka dalte tooyna. Eeyye'en jaalalaayyo ke akkishaay.

Masmuureta a masmuurewwa piisa qara jaallitto 7:12 ပူးပေါင်းရင်းမြစ်များ

Mataafa Masmuureta 122:5

Suufaanadda a tika nuqusa a Taawwiti ka darta ka dukaata mura'e, eeyye' qaanni.

Mataafa Masmuureta 43:4

Anka porase' qara Waaqa kalisoota kalinnaan opa aana, ka Waaqase' xayyo an a kuttatin ishin xasoonnopa dehaada; Waaqqo Poqallaayyo, kehayta dawetannen ke kalataysada.

Mataafa Masmuureta 73:25

Ke maliiyyi aynon moonteeyye qapa? Ka ke mali piita qara maana faani?

Mataafa Sooketa 25:22

Taapotase qaraayye dufanasene a diisata arta a kirupeelewwosene lakki kara co qara'en ke akka; ka ke' haasawada ka ajajase an hella Isira'eeliti qapo, ke' daasha.

Mataafa Pahana 8:17

A ana jaalanna in jaalanni; a ana faana ka ana teyni.

Mataafa Dehaamta 9:10

Koda harkaayti mina' kale piisa, hupnaayti a' qapton kokkonsado ka kode; maana malla, hawlase a' karopa annitto karaayye, koda ka dikatta, taaki upna ka ookuma in caaneey.

Masmuureta a masmuurewwa piisa qara jaallitto 2:13

Qoyrase hilteeta kidammo idale, wayneeta nefo ipiste ka alaawni ka an jaalanno xa'e, xarjaalliyya xayyo xooye ka ollin anna.

Masmuureta a masmuurewwa piisa qara jaallitto 2:15

Ka'alasene dulinno a wayneeta nyapalinna ka'alasene shashakka wayneetase' xanno pisnitto nyapalinna ino' qaqqapa.

Masmuureta a masmuurewwa piisa qara jaallitto 4:13

Sakkattaayti a duloppa roomaani ka lukkatase reexxamte heena, isho nardoosi kidammitto.

Masmuureta a masmuurewwa piisa qara jaallitto 4:16

Atti xayxayta a qinda qutatta xa'e atti xayxayta a qinda tupatta' xooye ka duliyyo oppopa nessa dawe shittootaadi ka puufamto. Ishase an jaalade a dulaadi oppopa sookado ka luukkatase' paxaara' damo.

Masmuureta a masmuurewwa piisa qara jaallitto 6:11

Dishimase yeela kara co tooyya'e, ka akkima wayneeta japarte, roomaani ka piste akka'en dulase a lawseeta oppopa sookade.

Masmuureta a masmuurewwa piisa qara jaallitto 7:11

ke an jaalanno, xooye ka kantadaappopa anna ka paleetoppopa kalla ka eeyye mukna.

Masmuureta a masmuurewwa piisa qara jaallitto 7:6

Ke an jaalanno enenta, oo atta a' xarjaallitteeta, ka atta paxaari paxaari?

Xuuma Issayyaasi 18:5

Oto wayneeta pisto kammaayye a quda luukkata in kodannin turanne, danka alle' muja ka taamma alle' quura; Waaqa nefo asseew ishin qara' koda.

Kodampaya 15:36

Eta shkkayyta kammaayye Pawloosi i Parnaapaasi kide, “Xooye tiitaawna ka hellaa sene xanno a kiristaana katamaddasene an turan oppa qaaleta Poqalla torrine pisa oppa ca tooyyina ka wa oppa caane upnaanna.”

Roomi 5:11

Umma sede pattannema, Poqallaanno Yesuusi Kiristoosi, isase an qudan Waaqa olli araaramme, qudannen Waaqa jeejjanninna.

Qorontoosi a lammatta 13:5

Akkima amanteetaayshinan kokkonnaatten upnaatta'e isi qora ka isi ekkaysada. Hela akka Yesuusi Kiristoosi ishin kara co, a upnaanne? A taakiti, ekkaysumaappa'e, pi'iten kideetaay.

Efesooni 6:24

A jaalala panni in kinniniitin Poqallaanno Yesuusi Kiristoosi jaalanna' piisa'e, daassata Waaqa a koddito.

ipro 12:15

Ishin oppa, akka nama takka nefo'e, daassata Waaqa in kalinnini'i tooytaada. Ka akka hittina a dalta haddaawnito dallo ishin oppa in dehenin ka ishina in rakkaccisnin ka orra lekayta in nyalinnini'i, isi tooytaada.

ipro 2:13

Ka kiiniwwi, “Anti kippeetiyyon isha qara' xaayada.” Ka kiiniiwwi, “Tin, ana isho hellaasene a Waaqa ana' daashe, aren kinna.”

ipro 2:15

Ka toota fuureeta minan isasene haka caaneeyye karpishshuman piddamma furatta malla.

ipro 4:16

Se malla, akkan diissata akkanno'e ka oto qaarqaarsa ino parpaaccisnaaneeyye daassataadi akkanno'e, suufaanase a Waaqa, a kapa daassataadi teyannitto, kapopa fuura takkan nefo mali dehaanna.