Masmuureta a masmuurewwa piisa qara jaallitto 6:2 - Mataafa Qulqulloota

² Ha ishase an jaalade xelloota dawwa'e ka pisase' papaxxaara qapsatta'e yeelase a oppa qimaameewwa ika lekaya aylaadepa xata lekkade.

Masmuureta a masmuurewwa piisa qara jaallitto 6:2 ပူးပေါင်းရင်းမြစ်များ

Masmuureta a masmuurewwa piisa qara jaallitto 2:16

Innasene an jaalade, isha xayyo, antikan an xaadi. Isha' pisa paxaara kapopa xellootaadi dawwini,

Masmuureta a masmuurewwa piisa qara jaallitto 4:12

enentinno haantotiyyo ha atti, a' dula kapa oxname mina ka a ela tura dufame mina a paada tura pashshen mina.

Masmuureta a masmuurewwa piisa qara jaallitto 4:16

Atti xayxayta a qinda qutatta xa'e atti xayxayta a qinda tupatta' xooye ka duliyyo oppopa nessa dawe shittootaadi ka puufamto. Ishase an jaalade a dulaadi oppopa sookado ka luukkatase' paxaara' damo.

Masmuureta a masmuurewwa piisa qara jaallitto 4:5

amaddaatti lakki, nyalqa takkan a kuumanta sallahama' dalade, ka pisa paxaara oppopa dawwade'e pahan.

Masmuureta a masmuurewwa piisa qara jaallitto 5:1

Enentinno, haantotiyyo ha' dulase xayyo oppopa in sookade. Ka karpeetiyyo isho qimaamewwaayyo olopa qapsade ka laaqqotiyyo a takma miilaadi ollin dame ka taadetiyyo a wayneeta aannaayyo ollin ike. Ishina' moottadaannooyye, dama ka ikka ishina ino jaalannatiiyyi, haka' duttannittane'e ika.

Masmuureta a masmuurewwa piisa qara jaallitto 5:13

Addaadi qimaameewwa alaawna a pora poran xaayene pahan hibbaadi pisa a minaxata shittoota tajtajno pahan.

Masmuureta a masmuurewwa piisa qara jaallitto 6:11

Dishimase yeela kara co tooyya'e, ka akkima wayneeta japarte, roomaani ka piste akka'en dulase a lawseeta oppopa sookade.

Xuuma Issayyaasi 40:11

xellootaadi a kahirra, a sikmayta' mina'e dawwa, ka nyalqa harkaadippopa oorsada; ka dunitta kela' qapada ka haada, ka aayyadaasso lokkooti qula.

Xuuma Issayyaasi 57:1

Hanqeellaya ileeni, umma nama takka' nefo qalpeeffanni in co; orra Waaqa ipirammi, umma nama takka nefo kalli in kitto; maana malla hanqeellayta neequmta kela pahaniiy.

Xuuma Issayyaasi 58:11

Waaqa awta piisa ishin tura' qatta ka piita awdisatte oppa damta ishin paksha; akka pora dishma a pisha ike ka paada pisha a kuuni in kinnin kodditan.

Xuuma Issayyaasi 61:11

Akka piita unta sakkattinnitto, dula ka xotta a oppa aylaame dehinno mina'e, Waaqa Poqalla asseew fuula mankistewwa piisa tura'e, hanqeeta ka kalata sakkattisha.

Xuuma Hisqeeli 34:23

Ka sikmayta orxaytiyyo Taawwiti paho ishootta' shuuma; isha ka sikmaytaaysho kodda ka ishootta siksha.

Xuuma Sofooniyaasi 3:17

Waaqa Poqallaatti ke olli ca isha ken paha'e, hupna qapa ha isha akata ken xasooda ka jaalalaadin xaysoota ke' daasha ka qootaayti desa xasooda ka masmuureta dawada.”

Maatiyoosi 18:20

Pora oppaayye nama lakki taaki sessa maxxiyyon ollopa aano oppaayye, anti otantaaysho oppaayyen caadaay.”

Maatiyoosi 28:20

Ka waan anti ishin ajaje piisa akka kodane'e, ishootta kollisha. Tin anti haka piraampirati awta piisa ishin olliiwwin caay.”

Yohaannisi 14:3

Ka oton aano ka pora ishina' harmisho kammaayye, akka ishina pora an anti oppa co oppa' kallaattane'e, lammatta' de'a ka ishin qeeda.

Yohaannisi 17:24

“Aappo, a piita in uumammin turanne, qoota ana jaalate malla, ulfeenase a ana' daasse, akka akkane'e, sene a ana' daasse akka pora an anti oppa co oppa ana olli kallaadane'en jaalanni.

Keleshaata 7:17

Laahase otanta sufaana' kara co, sikmaytaaysho'e kodda ka paada pisha caatta' kapopa ishoottan aana Waaqa ka ilmaama piisa ildaappaayye ishootta' haqa.”