Masmuureta a masmuurewwa piisa qara jaallitto 5:6 - Mataafa Qulqulloota

⁶ Anka isase an jaalade turaayye xarra pane ishase an jaalade xoori itiitaawe ka tawe. Qoota tawe malla karittiyyo ka tammaqe. Anka isha fade ka isha dape ka isha hale ikka ana kelaayye in ehannin.

Masmuureta a masmuurewwa piisa qara jaallitto 5:6 ပူးပေါင်းရင်းမြစ်များ

Mataafa Uumata 42:28

Ka hellaassoti kide, “Kaajaayyo i'ana ooren. Tin are akala kara'en akke.” Ikka piisani tatammaqen ka xarri ka olli' kidene, “Ata Waaqa maana ino qara' qeede?”

Mataafa Saamu'eeli a lammatta 16:10

Nuqusa xoori i'Apisa isho innaasso Iyyo'aapi ikide, “Ishina hellaa Seruyyaayye, maana oppopa ishin kalshe? Oton iWaaqa ishi kide, ‘Taawwiti ote.’ Ikka malla ana onniiyyi, ayno ishi kida maana'e asse koote?”

Mataafa Masmuureta 28:1

Oo Waaqqo xelsumaayyo! Kepan ullupniiy, jawi in kidan; oton jawi' kiitaayye, orrase hawloppopa lekkannon pahanaada.

Mataafa Masmuureta 30:7

Waaqqo! Paxaarumtaaytinni' piisse xayyo a kunkunnaata' mina kokkonasse; ma ete fuulaayti dekteeyye, in tammaqe.

Mataafa Masmuureta 69:3

In ullupe ullupe ka kafade, qoota ka ana qara' patte; Waaqiyyo mineela tooyyatta kela'e ilda ka ana qara' lulen.

Mataafa Masmuureta 77:3

Waaqan matte oorsade, ka quujade; ka oton oppa diknooyye oppa ollin kafade.

Mataafa Masmuureta 80:4

Oo Waaqa Poqalla ke a we' piisa ettaninno, haka aytamiti miirootta ka qinseeta samaytaayti dakaya tiitta?

Mataafa Pahana 1:28

Sitiiyyi i'ana halan umma ishootta kela an ehado ka a kuttati ana fadan umma anan teyan.

Masmuureta a masmuurewwa piisa qara jaallitto 5:2

Anti in muke ma karanxata paata in upa nessa innasene an jaaladeeti iddakaynittane? Isha xaroppa kooko'inni ka kiini, “Enentinno, ke an jaalanno, elelaayo ke a qaja in qapnin, mattiyyo itadahasadeey, nyirfaayyo nefo qoyyinta halkeettatinni japeneey, xarra ana tura pane.”

Masmuureta a masmuurewwa piisa qara jaallitto 5:4

Ishase an jaalade harkaadi qaawa karan kullishe. Karittiyyo ka isha malla tuktuke.

Masmuureta a masmuurewwa piisa qara jaallitto 6:1

Atti ke a iskatta piisa qaropa xarjaalluma' jaalte, ishase a' jaalatte hela ayshopa aane? Ishase a' jaalatte hela ayshandesa aane anka ollin faana?

Xuuma Issayyaasi 12:1

Awsetiiyyi iddawatta ka kiita, “Oo Waaqa, setturan i''ana qara' miirootte; amma miiraayti iqa'ade, akka ana' xasa oorisseey, in ke kalataysanni.

Xuuma Issayyaasi 50:2

Oton de'ooyye, maana'e nama eeyye kinnaanni in kinnin? Ka oton haleenooyye, maana'e ehanni in kinnin? Hela ishin furatta'e harkiyyo kumma'ade? Taaki nata ishin sookissa'en hupna dape? Tin, fukkeetiyyonne pakateetan ku'inni, ka kirraada koommayta' kooni; murkujaaysho ka deepottan leeni, ka pisha dapna minan xaccanni.

Xuuma Issayyaasi 57:16

Anti haka paraparati an miirodo, umma awta piisa an peeqo; maana malla hapura nama isho nessa caatta an uume piisa ana tura' kafadeey.

Xuuma Issayyaasi 58:2

Takka a samayta hanqeeta kode mina'e kodden ka muraayo a dukaata a Waaqaaysho alle in diinnin mina'e ana faani ka saantadaayyo upnaatta xajeelli ka muraayo a dukaata ana qara kaassanni ka ana Waaqa kapopa dehaatta xajeelli.”

Xuuma Issayyaasi 8:17

Anti Waaqase Isira'eeleta qara alle fuulaadi quu'en asanni ka isha kippanni.

Pooyta Ermiyaasi 3:8

Kadan punu qaarqaarsa ishopa ullupnaayye, qinseetiyyo dakayni in co.

Hoose'i 5:15

Haka dapaaysho a koden upnaannaan ka pora ana faanaane'e, anti eyye'en jaw kida. Ha oto rakkoota ishootta qara' kooptooyye, mikte ana fadan.”

Hoose'i 5:6

Ishootta Waaqa kalisoota dehassa'e kahirra isho lo'alla qapadan ka ishin de'an, ma xoori qoota isha ishootta diishe malla, isha in teyan.

Xuuma Sakkaariyaasi 7:13

Waaqase we piisa ettaninno ikiini, ‘An anti ishootta haleenooyye, qoota ana dakkaysannaan malla, oto ishootta ana halanaaneeyye, anti oppa ishootta an oorsho.

Maatiyoosi 26:75

Sitiiyyi Peetiroosi isase a Yesuusi ishi kide, “A lukkalitta in iyyinin turanne sessaan ana marmatta.” Isha matte oore ikka lakopa alle sooke ka a kuttati pooye.

Mariqoosi 14:72

Lukkalitta ka eennow a lammattati iyye. Peetiroosi ka qaalese a Yesuusi ishi kide, “A lukkalitta lakkinni in iyyinin turanne sessaan ana marmatta” matte oorsade ka a kuttati pooye.

Keleshaata 3:19

Anti orra an jaalanno piisan fukni ka ishootta qattaani, semmalla japaado ka juppootaaytippa oore.

Mataafa Saamu'eeli a paayyota 28:6

Ka malla Waaqa qinsade, Waaqa xoori olsaappanne taaki urimippan taaki xuumampayaappan oppa ishi in oorinne.