Masmuureta a masmuurewwa piisa qara jaallitto 5:2 - Mataafa Qulqulloota

² Anti in muke ma karanxata paata in upa nessa innasene an jaaladeeti iddakaynittane? Isha xaroppa kooko'inni ka kiini, “Enentinno, ke an jaalanno, elelaayo ke a qaja in qapnin, mattiyyo itadahasadeey, nyirfaayyo nefo qoyyinta halkeettatinni japeneey, xarra ana tura pane.”

Masmuureta a masmuurewwa piisa qara jaallitto 5:2 ပူးပေါင်းရင်းမြစ်များ

Mataafa Uumata 29:20

Yayqoopi ka Raaheeli hema malla, para tappa Laapa kela koda kode. Isha' qoota akata Raaheeli jaalade malla, parrasene we isha in pahanaanne.

Mataafa Masmuureta 119:1

Orra antaaysho oppa qaja in qapnin, ka seera Waaqatin kallaanno i'eeppisama.

Mataafa Masmuureta 81:10

Anti an Waaqa Poqallaatti a piita Kipsi kara ke sooksheey, afaatti kaa'e anka ke' paawwisho.

Mataafa Pahana 23:26

Innaayyo, karittaayti ana daashe; ilddaatti ka saantiyyo qara in maqqinin.

Masmuureta a masmuurewwa piisa qara jaallitto 1:16

Ke an jaalanno, oo desa atti atta a xarjaallitta? Oo xarjaallumaatti atta paxaari? Looshshaanno nefo atta paxaari.

Masmuureta a masmuurewwa piisa qara jaallitto 2:10

Ka ana' haasawanni ka kiini, Ke an jaalanno xa'e, xarjaalliyya xayyo xooye ka ollin anna.

Masmuureta a masmuurewwa piisa qara jaallitto 2:14

Atti ke a shilalla takeella quda ca isho irrowwa kara' dekatte elelaayo nessaayti ime'aawniiy fuulaayti nefo ka paxaariiy, nessaayti ana' dakaytishe.

Masmuureta a masmuurewwa piisa qara jaallitto 2:8

Nessa innasene an jaaladeeti'i, irrowwa isho kunkunnawwa qaranne shoshshorri ka ana' dakaanni.

Masmuureta a masmuurewwa piisa qara jaallitto 3:1

Halkeetteeyye, loshshaayyo qara'en muke ka Isase an jaalade fade ka fade ka dape.

Masmuureta a masmuurewwa piisa qara jaallitto 4:7

Enenta ke an jaalanno ke piisa paxaari umma qaja takka nefo a' qapto.

Masmuureta a masmuurewwa piisa qara jaallitto 4:9

enentinno haantotiyyo, ha sataata' ana kara qeette. Tooyyattaayti a' takkan ana tooyyatte ka siraatti a xolma kela takkayaanne ana kara sataata qeette.

Masmuureta a masmuurewwa piisa qara jaallitto 5:11

Mattaadi warqeeta paxaara'e paha nyirfaadi luushayta ka a qurrupayta' mina' poori

Masmuureta a masmuurewwa piisa qara jaallitto 5:6

Anka isase an jaalade turaayye xarra pane ishase an jaalade xoori itiitaawe ka tawe. Qoota tawe malla karittiyyo ka tammaqe. Anka isha fade ka isha dape ka isha hale ikka ana kelaayye in ehannin.

Masmuureta a masmuurewwa piisa qara jaallitto 6:9

Elelaayyo a qaja in qapnin xoori pilayteetaay. Aayyaasso isheetta takkaaw qapta, a isheetta xaayte isheetta takkaaw reexatte tuparra ka isheetta akken ka isheetta sanaysaden. Haantowwa nuqusa isho iskattaadi kuli ka isheettaaw saarshe.

Masmuureta a masmuurewwa piisa qara jaallitto 7:9

hibbaatti nefo xela a taadeta wayneeta mina' me'aawen. Ishase an jaalanno, taadese a wayneeta a lokko isha karopa anto ka hibbaadi ka ilkaadi karanxata urqito.

Masmuureta a masmuurewwa piisa qara jaallitto 8:7

pisha kutta jaalala patissa ettaninni in caan. Kirrada umma ishootta haani in caan. Nama kati teyaanta a qapo piisa jaalala kapa' daashaayye, qoota kapa in kaynin malla, ituffatama.

Xuuma Issayyaasi 50:6

A ana karafna' tura'en tultiyyo qape, ka a kawsa ana tupa tinnaati dapniyyo oorshe; umma a ana onna ka a ana qara' tufanna' turaayye fuuliyyo an quu'ine.

Xuuma Issayyaasi 52:14

Fuulaadi qoota a pahana nama' qaropa qapto a kuttaati nyorpe malla, pahanaadi ka a inna nama' qaran qapto nyorpen malla, a isha akka' piisa qara tammaqa.

Xuuma Taani'eeli 8:18

A erkampattootose asse ana' haasawannittooyye in tammaqe ka piitopa pi'e ka isi an upnin. Ikka oori ana quda qapte ka piite ana xa'isse ka ana qa'atisse.

Xuuma Sakkaariyaasi 4:1

Erkampattootase ana olli haasawannitto ka desa oorte ka akkima nama takka mukittaapa impasinnaan mina ana impasisse.

Maatiyoosi 7:8

Nama qinsanno piisa teyyanni, nama faano piisa ka akkanni, a xarroppa kooko'inno piisa turaayye ikka panammiiy.

Maatiyoosi 8:17

Sede nefo isase xuumampaytase Issayyaasi kide, “Ha isha deesinno teyyade ka paaqinno haadade” Akka dikkato malla.

Mariqoosi 1:35

Yesuusi ete parinittooyye, paraappanne xa'e ka sooke; ka pora takka xawwi co opa qinseeta kede.

Luqaasi 22:44

Ikka karan xata dikke qaapni ka a kuttati qinsanni, ditiita ka a diika mina isha qara piitopa tajtajni.

Luqaasi 6:12

Kuyyaata takkaayye, Yesuusi qinseeta'e irroota qaropa fayyade ka halkeettose kumma eeyyeeyye Waaqa qinsatta quda parishe.

Luqaasi 9:32

Sitiiyyi Peetiroosi isho xeliyyaadi, mukitta ishootta pirri, ikka muken. Ete impaseneeyye, ulfeena Yesuusi isho namase lakki isha olli co akken.

Yohaannisi 10:4

Ka otoo kahirraadi lakopa sooksho kammaayye, ishootta tura qata ka aana; kahirraadi ka qoota nessaadi upan malla, isha kamma aanan.

Kelaatiya 2:20

Anti qootan Kiristoosi olli fannisame malla, arepa desa Kiristoosi ana kara' kallaanni diisheey, anti an kallaanni an co. Amma sede an are dakintiiyyon kallaanno, innasene, a Waaqa ana jaalade ka toota isi daashe, amaneetannen kallaanni.

Efesooni 5:14

La'ayta akka we' piisa ja'i kidan ka akkaadane'e kooni; semmalla ikidamte, “Atti ke a mukno, impase! Ka orra le'eppaayye xa'e! Kiristoosi ike' la'ayshaay.”

Keleshaata 14:4

Ishootta qoota issin caan malla iskatta olli mukittaanne in nyalle ka pora a laahase opa anno piisa opa kamma anni. Ishootta Waaqa isho laahaseti'i orroppaayye akka qarpatta mina dehaaden.

Keleshaata 3:20

Tin anti xarroppa'en qa'ade ka oppa kooko'inni; kadi nama nessiyyo dakaya ka xarrase ana tura panaayye, isha kapopan kulla ka isha olli damta dama, isha ka ana olli dama.

Keleshaata 3:4

Ma xoori Serdeesi karaayye, orra mehaddaasso a kalsannaane in nyalinnin lamaya ke quda ca. Ishootta' qoota orra a mehadda a'ata kalsatta ishootta parpaaccisno kodden malla, mehadda a'ata'e kalsadan ka ana olliiyyi aanan.