Masmuureta a masmuurewwa piisa qara jaallitto 5:1 - Mataafa Qulqulloota

¹ Enentinno, haantotiyyo ha' dulase xayyo oppopa in sookade. Ka karpeetiyyo isho qimaamewwaayyo olopa qapsade ka laaqqotiyyo a takma miilaadi ollin dame ka taadetiyyo a wayneeta aannaayyo ollin ike. Ishina' moottadaannooyye, dama ka ikka ishina ino jaalannatiiyyi, haka' duttannittane'e ika.

Masmuureta a masmuurewwa piisa qara jaallitto 5:1 ပူးပေါင်းရင်းမြစ်များ

Mataafa Uumata 37:25

Sekkammaayye, ete damta kute'eneeyye, nakkaatewwa a Isima'eeli'i laka desa akken. Ishootta qimaamewwa ka miissa alaawno ka karpeeta kaalla qara fe'anni ka piita Kele'aditi xata piita Kipsi opa a'anni.

Mataafa Masmuureta 147:11

Ma xoori Waaqa a isha tura fuurra ka xoonaadi qara' xasa xaayanna'e isha xasanni.

Mataafa Masmuureta 16:3

Qulqullowwa piita qara ca ka ulfeessame, sene ishoottannen xasa kutta akkanni.

Mataafa Pahana 24:13

Innaayyo, takma ipaxaariiy dame; marmadduma miilaadi ka ke' me'aawen.

Mataafa Pahana 9:5

Ishina we qapanni in kinnin, xooya ka damtiyyo dama ka taadetiyyo a wayneeta an diipe ika.

Mataafa Dehaamta 2:5

Dishma in dishade ka porra aqaa'itta' harmishe ka qara' qora dalta dalla ika lekaya dishe.

Masmuureta a masmuurewwa piisa qara jaallitto 1:13

isase an jaalanno ana'e, akkima shittoota a amaddaayyo otantoppa raa'initto mina.

Masmuureta a masmuurewwa piisa qara jaallitto 4:16

Atti xayxayta a qinda qutatta xa'e atti xayxayta a qinda tupatta' xooye ka duliyyo oppopa nessa dawe shittootaadi ka puufamto. Ishase an jaalade a dulaadi oppopa sookado ka luukkatase' paxaara' damo.

Masmuureta a masmuurewwa piisa qara jaallitto 4:8

Haantotiyyo piita Lipaanoosi karaayye ana olli xooye, piita Lipaanoosi karaayye ana olli xooye. irrowwasene a qaraayye karmada isho qayrana kalaneti, kuuta Amaana qaraayye, ka kuuta a Seneeri isho a Hermooni' qaraayye lekkado

Masmuureta a masmuurewwa piisa qara jaallitto 6:11

Dishimase yeela kara co tooyya'e, ka akkima wayneeta japarte, roomaani ka piste akka'en dulase a lawseeta oppopa sookade.

Masmuureta a masmuurewwa piisa qara jaallitto 6:2

Ha ishase an jaalade xelloota dawwa'e ka pisase' papaxxaara qapsatta'e yeelase a oppa qimaameewwa ika lekaya aylaadepa xata lekkade.

Masmuureta a masmuurewwa piisa qara jaallitto 8:1

Atti allu kati a innaanno, a aanna aayyaanno luuke koddite maana in kinnin? Oton lakoppa ke akkooyye helani anka ke dinka. Umma nama anan puyadooy.

Masmuureta a masmuurewwa piisa qara jaallitto 8:13

Atti enenta ke a moottadasene wayneeta tooytina olliiyyi dulase oppaayye kalto ana nessaayyti dakayo.

Xuuma Issayyaasi 23:18

Ma xoori tooktaadi isho wa kodannitta, Waaqa'e kalisoota a xawwi' reexxamte' koddan; tooktaadi umma eeyye ollopa in xaayamto ka in tuulamto ma a fuula Waaqa' tura kallaannaati'i, damta isho mehadda a kalsannaane a ishootta kayna ka qara kuli hasna'e koddita.

Xuuma Issayyaasi 5:1

Amma moottiyyo an jaalannon saarsha ka qoota dula a wayneeta a moottiyyooti desa dawada: moottiyyo, kappatayteeta kunkunnaata' qara dula wayneeta' qapa.

Xuuma Issayyaasi 51:3

Anti an Waaqa Siyyooni isho porrasene' xaadi lulle hase piisa'en xasa oorsha; ka koommaytaadi dulla Edeni' pahanaaysha, ka lakkaadi a lulle ca, dula Waaqati oorsha; xasa kutta ka karaayye kinnaada, nessa kalata isho a mosmuureta ka kara dakaada.”

Xuuma Issayyaasi 53:11

Oto miiddota isha qara' kayto kammaayye, la'ayta akka ka xasooda; orxaytase' xayyo hanqeellitta kodda ka orra lekayta hanqeellaya' koda ka juppootaaysho' haadada.

Xuuma Issayyaasi 58:11

Waaqa awta piisa ishin tura' qatta ka piita awdisatte oppa damta ishin paksha; akka pora dishma a pisha ike ka paada pisha a kuuni in kinnin kodditan.

Xuuma Issayyaasi 61:11

Akka piita unta sakkattinnitto, dula ka xotta a oppa aylaame dehinno mina'e, Waaqa Poqalla asseew fuula mankistewwa piisa tura'e, hanqeeta ka kalata sakkattisha.

Xuuma Issayyaasi 65:13

Semmalla Waaqa Poqalla ikiini, “Tin, orxayaayyo idaman, ishina' xoori iddoxtan; tin, orxayaayyo i'ikan, ishina' xoori iddeepoottan; tin, orxayaayyo ixasoodan, ishina' xoori ijeertan.

Xuuma Issayyaasi 66:14

Oto sede akkitan, karittaayshin ka a kuttati' xasooda; lafaassin ka a jeela' mina kokokkonnaadan; hupna Waaqa ka orxayaadi' upnaysama, isha ka miiraadi nyaapaadi qara' akkisha.”

Maatiyoosi 25:40

Nuqusase ka ishootta oorsha ka kida, ‘Dukaatannen ishina kiini, wa hellasene xanno oppaayye nama a orra kelopa xata co takka kootene, makka ana kooten mina.’

Luqaasi 12:4

“Ishina ana jaalannati in kiini, a so'a ikanna ka kuli paata we takkan nefo koda ettaninni in kinnini in fuuran.

Yohaannisi 3:29

Nama haantota qapo, ishan hemampayta; nama hemattoota kodde, hemampayta kapa'e qa'anni ka nessaadi dakkaysanni ka nessaadi a dakkaysannon xasoonni; semmalla xasoottiyyo nefo sedeew; amma oori i'immakaade.

Kodampaya 11:29

Semmalla kiristaana a Ansookkiya kara kalo matta mina'e akka ettanissaaysho mina'e akka hellaasso a kiristaana a Yihuta kara kalaati qaarqaarsa kodane piisaden.

Efesooni 5:18

Qoota pateettopa orran annitto malla, taadeta wayneetatin in maashshoodan. Ma sekapaayye Hapura Qulqullootatin immakaada.

Keleshaata 22:17

Hapurase a Qulqulloota isho enentase hemammitto ikiini, “Xooye!” a dakayno nefo, akido “Xooye!” a deepoode a de'o; nama heeno, a pisha caatta kaaja takkan nefo mali patta iko.

Mataafa Taanynyada 14:11

Filisteemeta ka ete isha akkiteeyye, hemattoota a isha kapa tawto hella diira kunda sessa isha quda koote.

Mataafa Taanynyada 14:20

Haantotase xaadi xoori, hakittaadi'i hemitta turaayye daashen.