Masmuureta a masmuurewwa piisa qara jaallitto 4:8 - Mataafa Qulqulloota

⁸ Haantotiyyo piita Lipaanoosi karaayye ana olli xooye, piita Lipaanoosi karaayye ana olli xooye. irrowwasene a qaraayye karmada isho qayrana kalaneti, kuuta Amaana qaraayye, ka kuuta a Seneeri isho a Hermooni' qaraayye lekkado

Masmuureta a masmuurewwa piisa qara jaallitto 4:8 ပူးပေါင်းရင်းမြစ်များ

Mataafa a Nuqussa a paayyota 4:33

Qoota qoraati desaaw, talta Lipanoositi paayyatte haka hansaabitta a kawwattoppa dehete haasawade. Ka qoota pinaana ka a xampra ka a uumata a piitandesa titmanno isho qoota murkujaati desa haasawade.

Mataafa a Nuqussa a lammatta 5:12

hela kirrada katama a Tamaasqo a Paana isho Farifaari pishadda Isira'eeli qara in qapane? Anka helati ishoottoppa an jaqado ka an dino.” Ka miirode ka tiitaawe ka tawe.

Mataafa Otoowwa a paayyota 5:23

Kafa a Minaase quda paka takka, samaytaadi akata leki ka piita Pasaaniti paayyatte haka Pa'alhermooniti ka Seniiri paayyatte haka irroota Hermooniti safare.

Mataafa Masmuureta 45:10

Atti enentiyyo, waan ke' kiina' dakaye ka torraayyo kela' napahata kate; ka orraayshin isho tika a aappaayshina alle' teyme.

Mataafa Masmuureta 72:16

Piitaadippa unta a palito! Ka kuuta irrowwa qaran akkaatto; dalta qoraadi akka dalta qora lipaanoosi' mina' horkookto; a katamaappa kitto ka a aykitta' mina oli qapto.

Mataafa Masmuureta 76:1

Waaqa piita Yihuta oppa i'upnaysame; maxxaadi nefo Isira'eeli kara' dakaade.

Mataafa Masmuureta 76:4

Oo Waaqqo, atti illa'ayni; ka irrowwa kukutta qaropa kuttuma' jaalli.

Mataafa Masmuureta 89:12

Kara qutatta ka kara tupatta keew uume; irroota Taapoori isho a Hermooni maxxaaytinni xasoonni.

Mataafa Pahana 9:6

Saanta kallaata a innumoppa alle diisha ka caada ka saanta paata qapatta oppan aana.

Masmuureta a masmuurewwa piisa qara jaallitto 2:13

Qoyrase hilteeta kidammo idale, wayneeta nefo ipiste ka alaawni ka an jaalanno xa'e, xarjaalliyya xayyo xooye ka ollin anna.

Masmuureta a masmuurewwa piisa qara jaallitto 5:1

Enentinno, haantotiyyo ha' dulase xayyo oppopa in sookade. Ka karpeetiyyo isho qimaamewwaayyo olopa qapsade ka laaqqotiyyo a takma miilaadi ollin dame ka taadetiyyo a wayneeta aannaayyo ollin ike. Ishina' moottadaannooyye, dama ka ikka ishina ino jaalannatiiyyi, haka' duttannittane'e ika.

Masmuureta a masmuurewwa piisa qara jaallitto 7:11

ke an jaalanno, xooye ka kantadaappopa anna ka paleetoppopa kalla ka eeyye mukna.

Xuuma Issayyaasi 62:5

Akkima inna diirta enenta issin kitto heminaan mina'e, samayta Yihuta asseew ke teyyada; akkima diirta enenta a hemen xasoonno mina'e, Waaqaayti asseew ken xasooda.

Xuuma Hisqeeli 27:5

Shammaayti pirpirta Hermooni oppa kodame; tuuddaatti ka pirpirta Lipaanoosi oppa kodamen.

Yohaannisi 12:26

Nama orxaytiyyo kodda heeno, a ana kamma de'o; pora an anti oppaayye co, orxaytiyyo eeyyew caada; nama orxaytiyyo kodde Aappa i'isha ulfeessa.”

Mataafa oppa' Ooreta 3:25

In ke qinsanniiy ana tuullo ka Yurtaanoosi afa disitiiyyi kappatayteetase a piita paxaara kunkunnawwa qapto isho irrowwa a Lipaanoosi akko.’

Mataafa oppa' Ooreta 3:9

Sidoonata, irroose a Hermooniti'i, ‘Siiriyoni’ kiini; Amoorata xoori ‘Seniiri’ isheetta kiinika haleeni.

Mataafa Iyyaasu 12:1

Piitadda a hellaa Isira'eeli torpene ka putene, naaba Arnoniti paayyatte haka irroota Armoni'emiti'i ka qinda piirtotatin piita Arapa piisa haka kirra Yurtaanoosi tulandesa oorta. Nuqussa a piitadooseneti nefo,