Masmuureta a masmuurewwa piisa qara jaallitto 4:4 - Mataafa Qulqulloota

⁴ Xolmaatti kawwattase a Taawwiti a tooya, a quda meeha orana raken, kontaleeta kuma ka quda raa'initto pahan

Masmuureta a masmuurewwa piisa qara jaallitto 4:4 ပူးပေါင်းရင်းမြစ်များ

Mataafa Saamu'eeli a lammatta 1:21

Ishina irrowwa Kilpo'atiiyyi! Kontaleeta a xorma oranna'e ishin qara jeereey, kontaleeta Saa'ooli ka sayteetan shohama dapteey, tadahata taaki roopa ishin qara in pi'inin umma dullaasin a unta palanna oppa we in sakkattinin.

Mataafa Saamu'eeli a lammatta 22:51

Isha putayma kukutta'e nuqusaadi daanni ka Taawwitise a reexade'e isho sanynyeetaadi'i, xoonaadi a amaname haka paraparati akkinni.

Mataafa a Nehimya 3:19

Eseeri inna Iyyaasu isase piita Misibba mukinno ka kawwattase tika a kara meeha oranna' xaaynaan mina desa kitto haka qeppeellita kawwattati' dawe.

Mataafa Masmuureta 144:12

Hellaanno a diira a xayyoppa caaneeyye, akka qoyra a kuttannooyye we' piisa akkade mina' kodden; hellaanno a tuparra'ew, a tuudda qeppeelliyya tika nuqusa kara' quda sirene' mina'e, a paqaarnaaden.

Masmuureta a masmuurewwa piisa qara jaallitto 1:10

Dapnannaatti qudaxata siraatti a nappaappa xata rarraa'e, ka xolmaatti a yaakata sirade, oo atta paxaari.

Masmuureta a masmuurewwa piisa qara jaallitto 7:4

xolmaatti kawwatta tooya a hirta arpatin dawene pahan. Ildaatti nefo ella takkan a Heseepooni xarra oxinta kapa ca'e pahan. Siinaatti, kawwatta takka a tooya a katama Lipaanoosi katama Temaasqo mina tooynitto pahan.

Masmuureta a masmuurewwa piisa qara jaallitto 7:5

Mattaayti akkima irroota Qermeloosi' mina'e ke qaraayye kulleeta ulfeena' paha. Nyirfaatti damatta poora pahan nuqusa ka nyirfaattippa' qapame ka hidame.

Masmuureta a masmuurewwa piisa qara jaallitto 8:10

Ha anti an kawwatta paleeta' mina. Amaddaayyo nefo ka a pora tooya' mina dedderaaden ha anti fuula innasene ana jaalade turaayye, a we' piisa kapa ishi kodditon pahanaade.

Xuuma Mikkiyaasi 4:8

Atti ke poqa irroota Siyyooni a qaraxata xelloota tooytinaan katama a Yursaalamitiiyyiiw, ulfeenaayyti a mukissa a xatta'e ke' oora.

Qolaasiisi 2:19

Nama asse paho, Kiristoosise matta kodde olli takkumta takka nefo in qapo. A dakinta piisa himina ka hittinnaan olopa qapno ka daminno matta. Waaqa pora asse pahonne dakinta piisa'e kuttuma daanni.

Petroosi a paayyota 1:5

Ishina'ew, dinase kuyyaata piraampirati akkaado'e, amanteeta qudanne hupna Waaqatin tooytaamten.